تجربة جيدة فى أزمة البنزين
فى الفترة التى حدثت بها أزمة مررت بتجربة جيدة جداً أحب أنشرها معكم للأستفادة.
العربية اللى معايا أوبترا أوتوماتيك 2008.
كنت بالصدفة البحتة مفول العربية قبل الأزمة و أخدت أجازة و تركت السيارة بكامل أستيعابها من البنزين و لما بدأت الأزمة كنت بدأت أعود للعمل فى 6 أكتوبر و أنا ساكن فى الدقى.
لما نزلت و رأيت طوابير البنزينات بدأت أسترجع التعليمات اللى كنت قرأتها من قبل عن التصرفات السليمة للأقتصاد فى الوقود.
وفعلاً:-
- بدأت تبقى عينى بأستمرار على عدد لفات المحرك لا تزيد أطلاقا عن 2500.
- السرعة لا تزيد بأى حال من الأحوال عن 90كم/س.
- التكييف بيشتغل فى أوقات الحر الشديد فقط لا غير.
و عليها كمية البنزين قضت معايا حوالى 10 أيام حتى أنتهت الأزمة و فى خلال ذلك قطعت مسافة 405 كم أستهلكت فيهم 38 لتر بنزين بمعدل 10.6 كم/لتر بعد ما كنت فى العادى بمول السيارة كل أسبوع بقطع فية حوالى 280 كم و بستهلك حوالى 30 لتر بمعدل 9.3 كم/لتر.