مفتاح ضبط مستوى الضوء الأمامي للفيليشيا

**benmatar** · 06-07-2013 11:47 PM

السلام عليكم
طبعا فرسان الفيليشيا كلهم عندهم في التابلوه مفتاح ضبط مستوى الضوء الأمامي للفيليشيا وطبعا وعلى حسب معلوماتي المتواضعة وزي ما كثير من الزملاء قالو إنها مش شغالة
حد فكر يشغلها؟
لاحظت إنها معتمدة على خراطيم مياه قربة المساحات، ده صح؟ ولا تهيؤات مني؟
لو عاوز اشغلها يبقى سهل؟ ولا صعب؟

**medo_msa** · 06-07-2013 11:57 PM

فعلا عندي مش شغاله بردو ..بس مش عارف فكره عملها ياريت حد يفيدنا

**sakr_skoda** · 07-07-2013 12:04 AM

موضوع مفتاح ظبط اضائة الفليشية والمسمى بمانع الزغللة الأوكرة اللى تحت مفتايح الاضائة اللى على الشمال موضع مش مفيد ولو انا شيف ان ليه فائدة كنت عملتلكم درس بس انا شايف اننا نشوف الحجات الهامة والفاعلة افضل....*

لاكن المفتاح لا يعتمد على خراطيم مياة قربة الميه اللى بتتكلمو علية دا خراطيم مياة دافئ لازابة الثلوج من على كشافات الاسيارةالامامية وتنظيفها وليس مياه القربة....*

**benmatar** · 07-07-2013 12:19 AM

المشاركة الأصلية كتبت بواسطة medo_msa

فعلا عندي مش شغاله بردو ..بس مش عارف فكره عملها ياريت حد يفيدنا

إنساه...... خلاص يا بيه ووقعنا ومحدش سمى علينا طالما أ. Sakr مش شايفه موضوع مهم ومش هيعلمنا، نروح نبيعها أحسن

**hossamalsadik** · 07-07-2013 01:30 AM

أنا بردو عندى نفس المفتاح فى الأبيزا ومش شغال
بس أنا عندى الكشافات من غير غطيان ونقصه شويت حجات من ورا
عشان كده معرفتش افهم طريقة عملها بس أن شاء الله ناوى على شراء جوز كشافات اصلى إستيراد
ويمكن أعرف بكده طريقة عملهم
بس كون أن حد يدلنا يبقى كتر خيره

ومنتظر معاكم حد يدلنا - يامسهل

**windofchange** · 07-07-2013 04:33 AM

المشاركة الأصلية كتبت بواسطة benmatar

وعند حضرتك الكشافات لها موتور تعلية وتوطية الضوء؟
اصل اللي مستغربله إن التعلية والتوطية تحتاج كشاف بيكون فيه موتور صغير لضبط مستى الضوء وده عندي في 406 وكان البورا كده بس الفيليشيا كشافها مافيهوش موتور بس داخله وصلات كهرباء!!!

الايبيزا فعلا راكب فيها موتور بصباع وبيحرك العدسات فوق وتحت

**sakr_skoda** · 07-07-2013 05:25 AM

المشاركة الأصلية كتبت بواسطة benmatar

أنا آسف لحضرتك وتاني مرة لما أطرح موضوع هسأل سيادتك إن كان موضوع مفيد ولا مش مفيد، وطالما مش هتعلمنا الدرس يبقى ضعنا وانتهى أمرنا وربنا يتولانا برحمته، و إدارة الموقع تعدم الموضوع وتلغيه بتاتا طالما مالوش فايدة، وطلب أخير عاوز من حضرتك لستة فيها بنود تتضمن المواضيع المهمة والمواضيع الغير مهمة عشان نعرف نتكلم في إيه ومنتكلمش في إيه، ونحرم نحط موضوع مش عاجبك.

لا اله الا انت سبحانك انى كنت من الظالمين....*

حضرتك زعلت منى والله ما قصدى بعدين انا باتكلم مع واحد قديم وفاهم وافتكرت انك حتتقبل الموضوع على العموم انا اسف جدا ولو بتزعل من ردودى خلاص ياعم مش حعلق عليك بعد كدا متاسف جدا برجاء تقبل اعتذارى........

-

-

-

الموضوع: مفتاح ضبط مستوى الضوء الأمامي للفيليشيا

LinkBack

أدوات الموضوع

عرض

مفتاح ضبط مستوى الضوء الأمامي للفيليشيا - انشر الموضوع فى :

-

-

-

-

-

المواضيع المتشابهه

إستفسار عن أر بى أم للفيليشيا

رادياتير للفيليشيا

سؤال بخصوص ظبط مستوى النور الأمامي ( الأتجاهات )

شوفو شده الضوء فى الزينون داه

الضوء الامامي

الكلمات الدلالية لهذا الموضوع

المفضلات

المفضلات

ضوابط المشاركة