خبرا الكاميرات مساعده بخصوص شرايط الكاميرا الفيديو ال 8 ملي

**TOSHIBA2013** · 07-07-2013 03:23 AM

سلام عليكم

دلوقتي صحبي عنده كام شريط كاميرا فيديو ال 8 ملي واتسجلوا عن طريق كاميرا بس

هيا مش معايا دلوقتي

جربتهم على كاميرا سوني قديمه عندي ( حالتها زيرو عشان محدش يقول بايظه) منفعش

طلع ان الكاميرا الي مسجله الشرايط من النوع الحديث الي بيستخدم نوع

مختلف من نظام التسجيل على الشريط ؟؟؟؟

فا حد عنده فكره ازاي ممكن نشغل الشرايط ديه d:

هل حد عنده شريط بيشغل ال 8 ملي سوني على الفيديو ؟؟؟ زي شريط بيتحط جواه شريط الكاميرا؟؟

حد عنده كاميرا فيديو ممكن ااجرها منه لمدة يومين تلاته ؟؟؟

(مع الضمان الي يعجبه اديله كاميرا قصادها الخ الخ)

او يكون عنده الفيديو الي بيشغل شرايط الكاميرا ال 8 mm

هل ينفع اغير الهيد بتاع الكاميرا الي عندي بحيث انه يشغل الشرايط ؟؟؟

واخيرا محدش يقولي وديهم استوديو وخليه ينقلهم d:

ياريت حد يقول حل كويس

وشكرا

**Salamonti** · 07-07-2013 04:25 AM

هو نظامين التسجيل بيكونوا sp و mp
وتقريبا ده النظام اللي بيخليك تصور على الشريط ضعف المدة بتاعته

دور في أوبشنات العرض في الكاميرا بتاعتك وان شاء الله تلاقيه

غير كده وديه استوديو يعم وبناقص وجع القلب..
بياخدوا 30 ولا 40 جنيه عالشريط ويحولوه cd

**TOSHIBA2013** · 07-07-2013 04:33 AM

المشاركة الأصلية كتبت بواسطة salamonti

هو نظامين التسجيل بيكونوا sp و mp
وتقريبا ده النظام اللي بيخليك تصور على الشريط ضعف المدة بتاعته

دور في أوبشنات العرض في الكاميرا بتاعتك وان شاء الله تلاقيه

غير كده وديه استوديو يعم وبناقص وجع القلب..
بياخدوا 30 ولا 40 جنيه عالشريط ويحولوه cd

لالا الموضوع مش sp او lp الموضوع نظام التسجيل للهيد مختلف