عندي صوت هيجنني تحت الدريكسيون لما ادوس بنزين ! !

**os.a.ma** · 07-07-2013 03:27 AM

يا جماعة عندي صوت زي صوت تسريب جامد تحت الدريكسيون لما ادوس بنزين والعربية لانسر 1600 أوتو يعني لما بدوس بنزين الـ rpm بيفضل عالي لحد ما العربية تاخد سرعتها ويفضل الصوت ده معايا لحد ما اشيل رجلي من على البنزين تقريبا تحت rpm 2 ما بيبقاش فيه صوت اول ما ابدا ازيد في البنزين الصوت يزيد ... مش عارف بقى ليها علاقة بتسريب بنزين والا لا لان العربية استهلاكها عالي معايا في البنزين عملت بـ 36 لتر 290 كم بالضبط جوه البلد مع التكيف ..
كمان حاجة الصوت مش باين الا من جوه العربية يعني لما بفتح الكبوت وادوس بنزين مبيبقاش فيه صوت ... تاني حاجة مرة كنت بكشف على العفشة والعفشجي بيحرك المقص الشمال نزلت مية كتير من فوق المقص مش عارف ده بردو من ايه ؟؟ ياريت يا جماعة حد يجاوبني عشان انا زهقت من كلام الميكانيكة كل واحد براي ومش عارف امشي ورا كلام مين !

**amro0000** · 07-07-2013 03:42 AM

بلنسبة للماية الكتير اكيد كنت مشغل التكيف لان العربية دي اما بتشغل التكيف لفترة التكيف بيسرب ماية من تحت العربية فخلي بالك دا عادي بس دا اعتقادي لان الموضوع دا حصل معايا وشوفت ماية نزله وخوفت واكتشفت في الاخر انها ماية التكيف

**os.a.ma** · 07-07-2013 03:54 AM

طب والصوت ! شوف كلام المكيانيكة : واحد قال انه ده صوت صاجة الشكمان الي هي فين مش عارف ما علينا وواحد قال ده صوت انابيب التكييف السخن افصلهم والصوت هيروح وواحد قال ده الصوت الباور بتاع الدريكسيون ...

**MITSUKERO** · 08-07-2013 08:53 PM

روح لحد بيفهم يكشف صح

**Dragon78** · 13-07-2013 07:22 AM

شوف حد بيفهم فعلا ياباشا .. ممكن تروح للمتخصصون لو تعرفهم

**salah_86** · 13-07-2013 12:59 PM

باشا لو عربيتك كمان بترجرج مع دوسة البنزين فدا كوبلن داخلى لا تقلق هتشوف حد بتاع كبالن هيغيرلك كاوتشة الكوبلن غالبا هيكون بسيطة يعنى
ليه بقى لان الكوبلن لو فضى شحم بيلف على بعضة حديد فى حديد يعنى فبيعمل ونة واهتزاز للكوتشة الاتنين فتلاقى العربية بتعمل صوت نتيجة دوران الجنط اللى مش مظبوط ودا مع البنزين اما لو مفيش اهتزاز للعربية مع دوسة البنزين فتنسى كلامى كله

**Ahmed Amin** · 24-08-2013 07:43 AM

دي في الغالب أعراض تلف قاعدة الفتيس, وعمرها الأفتراضي من 3 ل 4 سنين,
فا لو مغيرتهاش قبل كدا, أكشف عليها لأن أحتمال كبير يكون السبب والصوت منها,

راجع عال موضوع دا,
http://www.nilemotors.net/Nile/363488-2007.html

وأبقي طمنا وعرفنا العيب كان من أيه.