مرتبط بسعر الدولار
عرض للطباعة
مرتبط بسعر الدولار
رأيى يا جماعة الزيرو أفضل من المستعمل و بلاش الصينى و يبقى أقل حاجه لوجان و لو مانوال و لو فيه إمكانية يبقى الأتوماتيك .
أنتوا مش بتجيبوا عربية كل يوم و بعدين زى ماذكرتوا لسه فيه إلتزامات تانيه فامينفعشى تجيبوا حاجه مش مضمونه تتعبكوا .
أنا شوفت عربية صينى فى الشارع و كان شكلها جميل و هى الجيلى الإيمجراند و أعرف أنه عليها ضمان 5 سنوات من غبور وده ممكن يحسس بالأمان شوية ممكن بزيارة قسم الصينى تعرفوا إيه أخبارها بس أنا رأيى إللى ذكرته فى الأول.
انا رأيي تشوفلك حاجة محترمة تعيش 10 سنين وشوف نظام قسط مريح
من الاخر كدة عمرك سمت ان فى عربية مثلا فى مصر نزلت ب 10 جنية وسعرها نزل بقى ب 8 جنية زيها زى اى حاجة فى البلد التييييييييييييت دى الى بيغلى مستحيل ينزل تانى
انا نظرا للاسعار الحالية دي ب ١٠٠ الف او ١٣٠ بحد اقصي تشوفلك عربية الماني محترمة فيكترا سي او جيتا او باسات او اوكتافيا او في الياباني وتفحصها كويس في التوكيل ولو فيها حاجات بسيطة مثلا ب ٢٠٠٠ او ٣٠٠٠ الاف هيكون احسن مليون مرة من عربية زيرو في الاصل صناعتها تعبانه وخاماتها رديئة والمستعمل مش سيء للدرجة في كتير عربيات مستعملة حالتها زيرو وجديده تعتبر ، وانزل ودور واتفرج وبيبان من صاحب العربية نفسه واهتمامه بادق تفاصيل في عربيته
طب والله انا معايا 160 ومش لاقى فانتازيا بحالة كويسة مستعملة تخيل بقى بسبب ام الاسعار الجديدة والناس فاكرة نفسها مش عارف اية وكلام من دة كتير بس هى العربية تستاهل بس انا قصدى على ثقافة الناس ولعلم حضرتك دى العربية الالمانى الوحيدة فى مصر الى ماسكة نفسها فى السعر يعنى لما تجيب منها جديد وتبيعها مستعمل مش تخسر كتير
ايه رايكم طيب في اوكتافيا a4 موديل 1999 بس عاوز اقولك رائعه جدا جدا وكمان فيها 4 اير باج وabs ebd وتكيف وسخانات للكراسي وماتور 1600 بس المكنه الكبيره الي هيا العداد بتعها 240 مش 220 وكمان واطيه غير الي بتنزل مصر هجايبها من السويد بس عاوز اقولك تحفه ف الجري والسحب وثابته علي الطريق بفكر اجبها هيا عامله 72 او 75 ف الحدود دي وللعلم دي هتيجي من بلدها عليه علي طول بس هيا بتكون ماشيه في حدود 150 الف كيلو
المشكلة ان كل زيادة بيقابلها زيادة فنسبة الشراء !!!
حد يصدق ان بيكانتو اللي كانت جديدة ب 63 الف دلوقتي بقي مستعملة ب 63 الف برده وموديل قديم