جراند فيل المريوطية

**أبو ياسين** · 29-08-2008 12:41 AM

السلام عليكم
كل سنه و انتم طيبين
عايز اسال اذا كان فى حد عندة فكرة عن مشروع جراند فيل المريوطية
دة السايت بتاعهم فياريت لو حد عندة اى فكرة عن المكان اذا كان كويس و لا اية؟؟
http://www.gvelmaryoutia.com
و اية ضروف الشركة المنفذة للمشروع

**Dr.A.Nabil** · 02-09-2008 06:35 PM

انا شقتي في المريوطيه

نسبة التراب هناك غير عاديه
انا فعلا بأشد في شعري من كمية التراب اللي هناك

ثانياالكوبري اللي بيتبني مطلع عيني
زحمه
وعطله
وضوضاء
المريوطيه كلها شلل مروري.. وشوارعها كلها اتكسرت ولتبهدلت

الله اعللم الكوبري ده هاايخلص امتى

**brown-eyes** · 02-09-2008 10:03 PM

انا كمان شقتي هنناك والموضوع غلس اوي الفترة دي انا شقتي في وش المشروع علي طول فجاة كده لقيت ناس بيتبني وحاجات غريبة لما شوفت الاعلان في الجورنال ساعتها عرفت بس انا سيبت المنطقة وقاعد في المعادي لفاية الوبري ده مايخلص ومتهيالي المنطقة هتتغير خالص بعد الكوبري ما يخلص

**Sameh** · 02-09-2008 10:36 PM

موضوع الكوبرى مش أزمة ، آخره سنة كمان ويخلص ، وهو كوبرى حيوى فعلا هيربط بين قوسى الطريق الدائرى من الطرفين بفيصل والهرم

الجميل فى الحتة اللى مليانة تراب ودوشة و زحمة دى ، إن التراب هينتهى بمجرد الإنشاءات ما تنتهى وكذلك الزحمة والعطلة ! ، المكسب الكبير بقا إن لما الترعة (ترعة المريوطية) تتردم هيكون شارع عريض جدا وكل الصف اللى عليه أسعاره هتغلى جدا وهيتمتع بخصوصية كبيرة نظرأ لأن الصف المقابل هيكون على مسافة لا تقل عن 40 متر
بخصوص المشروع ماعرفش عنه حاجة للأسف !!

**Dr.A.Nabil** · 07-09-2008 04:15 AM

استاذ سامح
انا سألت قبل كده وقالوا ان الترعه مستحيل تتردم
حضرتك متأكد من الكلام ده؟

**hamdy** · 07-09-2008 11:04 AM

المشاركة الأصلية كتبت بواسطة أبو ياسين

السلام عليكم
كل سنه و انتم طيبين
عايز اسال اذا كان فى حد عندة فكرة عن مشروع جراند فيل المريوطية
دة السايت بتاعهم فياريت لو حد عندة اى فكرة عن المكان اذا كان كويس و لا اية؟؟
http://www.gvelmaryoutia.com
و اية ضروف الشركة المنفذة للمشروع

يا جماعة انتوا برضوا مقلتوش للراجل المنطقة هناك يا خد فيها ولا ميخدش ؟؟
وبردوا جزاكم الله خيرا
بس اصلي انا كمان عايز اعرف و بتلكك :D

**waled369** · 07-09-2008 12:25 PM

أنا واخد شقة بالمريوطية
الجزء اللي أمام المشروع من الترعة اتردم بالفعل
المكان رائع و مستقبلا يعتبر استثمار كويس
اتوكل على الله و خد شقة أو فيلا طبقا لامكانياتك

**M_HaFeZ** · 07-09-2008 01:09 PM

طيب والاسعار ايه يارجاله ؟؟؟

**Sameh** · 09-09-2008 12:39 PM

المشاركة الأصلية كتبت بواسطة ahmodium

استاذ سامح
انا سألت قبل كده وقالوا ان الترعه مستحيل تتردم
حضرتك متأكد من الكلام ده؟

مافيش ترعة بتتردم طالما بتوصل المياه لأراضى زراعية فى حتة تانية ، اللى بيحصل انها بتتحول لمواسير كبيرة مغطاه بدل من ترعة مكشوفة ، يعنى المواسير بتنزل والمجرى يبقا فيها وبعدين يتردم فوق المواسير ويتشجر فوقيها وتبقا دى الجزيرة اللى بين طريقين ، الكلام ده بيحصل فى الهرم فى الثلاث ترع اللى فيه : الزمر والمريوطية والمنصورية

لو تلاحظ فى كمية ردم كبيرةعلى طول الترعة خارجة من الحفر بتاع قواعد العواميد والحفر بتاع خوازيق الخرسانة عشان الكوبرى ، الردم ده لسه مكانه ماتشالش ، أعتقد سايبينه لأنه هو ده اللى هيستخدم فى الردم بعد كدة