الموضوع: موتور اوبل فيكترا

ان شاء الله هشتري عربية فكترا 160 سي سي موديل 2002 فابريكة دواخل والزجاج اللي قدام كهرباء واللي وؤا عادي والفتيس مانيول ب 58000 الف السعر ه كويس ولا لا ؟
لو انا عاوز اغير الموتور ده واجيب موتور 2000 سي سي اوتوماتيك هيتكلف كام تقريبا ولو بعت الموتوراللي في العربية بالفتيس يتباع بكام بردو ؟

وايه المفروض ابص عليه في العربية عشان اتاكد انها عربية كويسة وسليمة ؟

نصيحة ، لو انت ناوي انك تغير الموتور يبقى تشتري العربية على ابوها احسن والموتور ده متغرق في السوق، يعني معظم اللي معاه اوبل وجاي يبيعها في السوق هاتلاقيها 2000 cc اوتو طبعا

وفيها نقطة تانية الفرق بين الـ 2000 اوتو والـ 1600 مانيوال كبير جدا (136 تقريبا الى 75 حصان على الترتيب)
يعني لو انت متعود على الأول بلاش تشتري الـ 1600 اللي قدامك لانك هاتقرف من العربية بسرعة بسبب بطئها في طلعتها

طالما العربية راشة برا يبقى لازم سمكري صايع يبصلك عليها (مهم جدا)

بالنسبالك انت تبص على حالة الصالون وتشوف الكماليات شغالة ولا لأ وتبتدي تحسب التكلفة لكل حاجة مش شغالة
- حالة الفرش عاملة ازاي نضيف ولا طالع عينه
- فرش السقف هابط ولا كويس وماسك نفسه
- - تشغل التكييف وتشوفه سقع بسرعة ولا لأ
- تكبس بنزين واسمع صوت الموتور هل فيه صوت غريب ولا لأ
- فيه دخنة سوداء من ورا طلعت من الشكمان ؟
- سيب التكييف شغال شوية وانت بتعاين العربية وبعد كدا بص على مؤشر الحرارة هل علي عن الـ 90 ومازال بيعلى ؟
- سوق العربية وشوف الـ ABS شغال ولا لأ (من خلال انك تكبس فرامل مرة واحدة ولو العربية رجرت من تحت رجليك كدا يبقى شغال ، ولو محستش بحاجة هاتلاقيها زحفت شوية وبكدا يبقى مش شغال)
ومن الاخر لو اللمبة شغالة من الاول يبقى تعمل حسابك انه مش شغال
- العربية وانت بتديها غيار اول أو مرشدير بترعش جامد ؟ هل الفتيس سلس في الغيارات ؟
- نزلت من العربية وهي دايرة ، شوية كدا وحركها وشوف فيه زيت تحتها ولا لأ
- افتح الكبوت وبص على أي زيت مرشح او منشع (راجع بعض المواضيع هنا عشان تعرف كل منطقة وايه سببها)

• الكماليات: تجرب مفتاح المرايات وزراير الزجاج الكهرباء وتشوف النور الواطي والعالي والفوج اذا وجد ، الاشارات وموتور مساحات المية والمساحات ، وموتور مستوى النور ، دراع تحريك الطارة ، الكاسيت عايز شغال ولا بايظ ، هل عايز كود وصاحبه مش عارفه ؟

- افتح ابواب العربية واحد واحد واقفله وشوفه يبقفل حلو يعني صوته مكتوم وهو يبقفل ولا صوت فيه شخلله (زي صوت ابواب التاكسي اللي اتهرى من القفل والفتح)
وبص على اطرف الابواب هل سليمة ولا معرجة
- وبص على العتب شوفه سليمة ولا واخدله خبطة من تحت ؟
- البريبز الأمامي هل مليان خرابيش ولا حلو ( لو مليان خرابيش هاتغيره عشان هايعميك بالليل من انوار العربيات اللي قدامك)

العفشة
- لف الدركسيون والعربية واقفة مرة يمين ومرة شمال ، هل فيه طقطة او اصوات غريبة ؟
- اضغط على الرفرف الامامي اليمين مرة والشمال مرة وهكذا الرفارف الخلفية وهز العربية كذا هزة بالضغط عليها وسيب ايديك
هل العربية رجعت مكانها مرة واحدة ولا فضلت تتمرجح ؟

وباقي الإخوة يفيدوك ، وماتنساش مهم جدا جدا السمكري طالما العربية رشة برا

المشاركة الأصلية كتبت بواسطة maam

نصيحة ، لو انت ناوي انك تغير الموتور يبقى تشتري العربية على ابوها احسن والموتور ده متغرق في السوق، يعني معظم اللي معاه اوبل وجاي يبيعها في السوق هاتلاقيها 2000 cc اوتو طبعا

وفيها نقطة تانية الفرق بين الـ 2000 اوتو والـ 1600 مانيوال كبير جدا (136 تقريبا الى 75 حصان على الترتيب)
يعني لو انت متعود على الأول بلاش تشتري الـ 1600 اللي قدامك لانك هاتقرف من العربية بسرعة بسبب بطئها في طلعتها

طالما العربية راشة برا يبقى لازم سمكري صايع يبصلك عليها (مهم جدا)

بالنسبالك انت تبص على حالة الصالون وتشوف الكماليات شغالة ولا لأ وتبتدي تحسب التكلفة لكل حاجة مش شغالة
- حالة الفرش عاملة ازاي نضيف ولا طالع عينه
- فرش السقف هابط ولا كويس وماسك نفسه
- - تشغل التكييف وتشوفه سقع بسرعة ولا لأ
- تكبس بنزين واسمع صوت الموتور هل فيه صوت غريب ولا لأ
- فيه دخنة سوداء من ورا طلعت من الشكمان ؟
- سيب التكييف شغال شوية وانت بتعاين العربية وبعد كدا بص على مؤشر الحرارة هل علي عن الـ 90 ومازال بيعلى ؟
- سوق العربية وشوف الـ abs شغال ولا لأ (من خلال انك تكبس فرامل مرة واحدة ولو العربية رجرت من تحت رجليك كدا يبقى شغال ، ولو محستش بحاجة هاتلاقيها زحفت شوية وبكدا يبقى مش شغال)
ومن الاخر لو اللمبة شغالة من الاول يبقى تعمل حسابك انه مش شغال
- العربية وانت بتديها غيار اول أو مرشدير بترعش جامد ؟ هل الفتيس سلس في الغيارات ؟
- نزلت من العربية وهي دايرة ، شوية كدا وحركها وشوف فيه زيت تحتها ولا لأ
- افتح الكبوت وبص على أي زيت مرشح او منشع (راجع بعض المواضيع هنا عشان تعرف كل منطقة وايه سببها)

• الكماليات: تجرب مفتاح المرايات وزراير الزجاج الكهرباء وتشوف النور الواطي والعالي والفوج اذا وجد ، الاشارات وموتور مساحات المية والمساحات ، وموتور مستوى النور ، دراع تحريك الطارة ، الكاسيت عايز شغال ولا بايظ ، هل عايز كود وصاحبه مش عارفه ؟

- افتح ابواب العربية واحد واحد واقفله وشوفه يبقفل حلو يعني صوته مكتوم وهو يبقفل ولا صوت فيه شخلله (زي صوت ابواب التاكسي اللي اتهرى من القفل والفتح)
وبص على اطرف الابواب هل سليمة ولا معرجة
- وبص على العتب شوفه سليمة ولا واخدله خبطة من تحت ؟
- البريبز الأمامي هل مليان خرابيش ولا حلو ( لو مليان خرابيش هاتغيره عشان هايعميك بالليل من انوار العربيات اللي قدامك)

العفشة
- لف الدركسيون والعربية واقفة مرة يمين ومرة شمال ، هل فيه طقطة او اصوات غريبة ؟
- اضغط على الرفرف الامامي اليمين مرة والشمال مرة وهكذا الرفارف الخلفية وهز العربية كذا هزة بالضغط عليها وسيب ايديك
هل العربية رجعت مكانها مرة واحدة ولا فضلت تتمرجح ؟

وباقي الإخوة يفيدوك ، وماتنساش مهم جدا جدا السمكري طالما العربية رشة برا

والله العظيم انا عاجز عن الشكر انت مش متخيل موضوع حضرتك ده افادني اد ايه