كثير من قائدى السيارات يربط حزام الامان لنفسه فقط و يهمل من يركب معه
فأذا كان حزام الامان ذو اهمية كبرى لركاب السيارة
فهل حقا تقوم بربط حزام الامان الامامى و الخلفى لمن يركبون معك ؟؟؟
و اذا كنت لا تفعل ذلك فما هو السبب فى عدم ربط احزمتهم مثلك ؟؟؟
كثير من قائدى السيارات يربط حزام الامان لنفسه فقط و يهمل من يركب معه
فأذا كان حزام الامان ذو اهمية كبرى لركاب السيارة
فهل حقا تقوم بربط حزام الامان الامامى و الخلفى لمن يركبون معك ؟؟؟
و اذا كنت لا تفعل ذلك فما هو السبب فى عدم ربط احزمتهم مثلك ؟؟؟
انا بقول للى راكب جنبى يربط الحزام بس اللى ورا لا عمرى مقولتلهم يربطو الحزام بس بيتهيالى الحزام ورا ملوش لزمة
اقتباس:
المشاركة الأصلية كتبت بواسطة mody_abou_halawa
اعتقد لو ملوش لزمة ورا كانوا وفروا تركيبه !!!!
طيب مهو لو لية لازمة كان فى قانون المرور الجديد خلو الحزام على كل العربية مش اللى قدام بس
اقتباس:
المشاركة الأصلية كتبت بواسطة mody_abou_halawa
يعنى احنا فى الاساس بنلبس الحزام علشان المرور
و حسب ما يقولوا لنا بغض النظر عن اهميته ؟؟
لا الحزام اللي ورا له لزمة لانه لو العربية اتقلبت لا قدر الله اللي ورا هيفضلوا يتخربطوا جوة العربية زي الفاكهة في الخلات انما لو لابسين الحزام هيفضللوا ممسوكين في الكنبة
انا اللي جنبي لازم يربط الحزام في السفر فقط
أنا لما باقعد جنب حد باربطه لو افتكرت بس المشكلة اني لسة باعود نفسي و بدأت فعلا أتعود
أما اللي ورا ....ماعنديش حد بيركب ورا أساسا
بس بربطه لو لو مسافر و انا اللي راكب ورا و خصوصا لو مع حد أنا عارف انه بيجري
انا واللي جمبي فقط
حزام الامان اساسي بيتربط في الكرسيين الاماميين.
حزام الامان الخلفي يستخدم بصورة اكبر لتثبيت كراسي الاطفال.
ربط الحزام عند البعض أداة لتجنب المخالفات المرورية حتى إن العديد من التقاليع المصرية الفهلوية ظهرت لتتحايل عليه مثل رسمه أو إستبداله بشريط أسود عريض أو الجلوس عليه وربط جزء منه على الصدر ...
وأفترض أن الإجابة الوحيدة الصحيحة للتساؤلات التى تلى الاستطلاع هى: نحن لا نربط الحزام حتى لا يوجع بطوننا !!
انا باربط الحزام اول ماطلع طريق سفر او طريق دائري High way
سواء كنت سايق او راكب جنب السائق
لنفسي مش للمرور
بكتفى بربط حزام السائق والراكب الامامى فقط
انا و جوزي بنربط الحزام دائما
و برضه ابني عنده 3 سنين بربطه في الحزام الخلفي
بقالي كام اسوع كده متعود أربط الحزام و انا قاعد ورا...و بجد احساس قوي بالشعور بالأمان....جربوه مش هاتندموا
بكره انا و أصحابي مسافرين العربيات و نزلت فرمان ان حزام الأمان اجباري لجميع الركاب حتي لو وصل الامر اني انزلهم يركوا ميكروباظ!!:)
انا بقول للى راكب جنبى يربط الحزام بس
انا بربط الحزام لنفسى و ( اطلب ) من جميع من معى ربط الحزام
بس مش انا اللى بربطهلهم !!
اقول الصراحة :):) لا انا ولا اللي معايا بنربط الحزام:d:d
باربطه و اللى عاوز يربطه يربط. بصراحة ما باقولش لحد يعمل اي حاجة في العربية غير بنتي:((شيلي ايدك من على الفتيس)
انا و اللي جامبي و بس :auto:
دنا بخلى اللى جنبى يربطو وانا مش بربطو هههههه
طيب ما هوال air bag معمول عشان يحمي الواحد من الخبطة لا قدر الله ( لو عمل حدثة )اقتباس:
المشاركة الأصلية كتبت بواسطة MoDyBeNz2008
يبقي ها نقعد نقول نربط الحزام الوراني عشان لو اتقلبت:sifone:
أنا مبربطش الحزام عموما لأنا ولا إللي جمبي لكن في حالة وجود لجنة أو عند رؤية أي ظابط مرور بنربطه إحنا الإتنين (أنا وإللي جنمبي)
*********************
======================
يرجى من العضو ان كان هناك تعليق
فيكون بما يفيد وليس بما يضر
وهذا تنبيه أخير من الادارة لتجنب والبعد عن احداث مشاكل
وشكرا
الأدارة 3
*********************
======================
يرجى من العضو ان كان هناك تعليق
فيكون بما يفيد وليس بما يضر
وهذا تنبيه أخير من الادارة لتجنب والبعد عن احداث مشاكل
ويرجى احترام الاخرين واحترام الادارة
وشكرا
الأدارة 3
الهدف من الإستطلاع والأسئلة التى تليه دعم فكرة الموضوع المغلق عن كيفية مخالفة القانون والتهرب من ربط الحزام بطريقة تهدد الأرواح ، لكن نتيجة الاستطلاع ليست فى صالح هذا الهدف حتى الآن.اقتباس:
المشاركة الأصلية كتبت بواسطة hazem_khidr
اقتباس:
المشاركة الأصلية كتبت بواسطة Dr Ahmed
ليه نبص للموضوع كده مش ممكن الموضوع ينبه الاعضاء لربط الحزام
الخلفى وخصوصا نادرا لما حد بيربطه فى مصر . بلاش ننظر للناحية
الفارغة من الكوب
وتقبل احترامى
شكرا ليك لكن لو لاحظت دفاع صاحب الموضوع المغلق عن الطريقة الجديدة للتهرب من ربط الحزام وتساؤلاته عن قيام منكرى الفكرة إذا كانوا يستخدمونه فى جميع مقاعد السيارة أم لا كدفاع عن الموضوع ثم فوجئت باستطلاع عن أهمية الحزام فلابد أن تتعجب ، ورأيى صواب يحتمل الخطأ طبعا فالله أعلم ، وأتمنى أن يكون رأيك هو الصحيح.اقتباس:
المشاركة الأصلية كتبت بواسطة maka
اقتباس:
المشاركة الأصلية كتبت بواسطة maka
الموضوع ببساطة ان ما يكتبه ماتريكساوى
يسبب حساسية عند شلة معينة هنا بالمنتدى و معروفة
و اذا تجاهل مشرف الموقع هذا الامر اكثر من ذلك و لم ينذرهم
فلا يلومنى بعد الان فى ردى عليهم
الحوار لا يمكن أن يسير فى وجهة نظر واحدة
وكل مخالف لوجهة نظرى لا يعنى أنه ينضم " للشلة"المضادة
وإحترام الرأى علاقة متبادلة ولا يمكن أن تكون من طرف واحد
وتقبل الرأى الآخر هو أساس الصداقات والعلاقات الطيبة فى المجتمعات ومنها المنتديات..
ومعاملة كل ملحوظة أو وجهة نظر مخالفة بهذه العصبية وهذا التشنج سيزيد حتما من "الشلة" المزعومة حتى إذا لم يتفقوا أن يجتمعوا، فلماذا يختار البعض هذا الطريق؟
اقتباس:
المشاركة الأصلية كتبت بواسطة Dr Ahmed
ما هو ده اللى انا بقول عليه يعنى الموضوع المغلق بتاع استاذ متركساوى
كان اقتراح طريقة لربط الحزام لكن مع مناقشة الاعضاء اتضح تفضيلهم
للطريقة المعتادة وانها اامن طاب والنتيجة واحد زى حالاتى مش مؤمن
بحزام الامان عرفت اهميته وابقيت اربطه على طول حتى لو رايح السوبر
ماركت اللى بعدى بشارعين...........يبقى ده الناحية الممتلة من الكوب
و كده يبقى فيه نيتين اللموضوع ده ان الاستاذ متركساوى عمل الموضوع
ده للافاده او عمله للدفاع عن فكرته بس فى كل الاحوال هيبقى فيه استفاده
من غير من ضايق بعضنا وندخل فى مناقشات حامية
وكل سنة وانت طيب
اقتباس:
المشاركة الأصلية كتبت بواسطة Matrixawy
ياستاذ ماتركساوى صلى على النبى كده وبراحه انا هقول لحضرتك على
حاجة حصلتلى هنا فى المنتدى انا اول ماجيت المنتدى هنا خلفت قاعده من
قوانينه فاحد الاعضاء نبهنى بطريقة غير لائقة وعضو اخر عمل كده لكن
تناقشت مع كل عضو بانفراد تام بهدوء فاجبرتهم على احترامى
والاعتذار لى ..........يبقى حضرتك عامل كل عضو بانفراد وناقش
كل واحد لوحده هتلقى العملية بسيطة اوى
تانية نقطة انا شوفت الموضوع كامل قبل الحذف وحضرتك لو مكنتش
رديت على الاخ الفاضل كان هيبقى الغلط عليه لوحده ومكنتش خد انذار
(يعنى بالبلدى حضرتك داخل المنتدى تفيد وتستفيد وتريح دماغك اللى يرد
رد عدل بغرط المناقشة ناقشه واللى داخل يستفذ الناس مترديش عليه وكبر دماغك)
وكل سنة وانت طيب
كلام مظبوط الواحد مش مجبر خالص انة يدخل على المنتدى ويحاول يفيد الناس او يستفيد منهم بس احنا بنعمل دة لوجة الله واغلب الاعضاء هنا كدة ومش داخلة تتخانق زى ما استاذ ماتركساوى متصوراقتباس:
المشاركة الأصلية كتبت بواسطة maka
ده مش اجبار ده استمتاع وربنا ميجبش خناق فى الايام المفترجة دىاقتباس:
المشاركة الأصلية كتبت بواسطة mody_abou_halawa
لو العربية مفيهاش غيرر ايرباج امامي او مافبهاش ايرباجز اصلا هنعمل ايه!!!!!!!!!!اقتباس:
طيب ما هوال air bag معمول عشان يحمي الواحد من الخبطة لا قدر الله ( لو عمل حدثة )
يبقي ها نقعد نقول نربط الحزام الوراني عشان لو اتقلبت:sifone:
حزامى انا بربطه وانا سايق ده اساسى عندى ولما ببقى راكب جنب حد مبفتكرش الصراحة الا لو هو نبهنى
هو قانون المرور بيحاسب علي ربط حزام السائق فقط أم كل الموجودين في السيارة؟اقتباس:
المشاركة الأصلية كتبت بواسطة mody_2002_mody
اعتقد ان فى مصر فى الطرق الداخليه ملوش لزمه الحزام انما فى السفر لازم الحزام لان فى طرق مصر الداخليه اعتقد ان السرعه مبتزدش عن 60 او دلوقتى بقت 40كم فا اعتقد انو ملوش لزمه فى طرق مصر الداخليه كفايا المطباط :d