لو سمحتوا حد يفيدني ضروري في موضوع تعلية العربيه بمقاس كاوتش اكبر ﻻن العربيه عندي واطيه جدا وبتحك فى المطبات بغباوه بس مش عاوز اعلي بعﻻيات وﻻ لعب ف السوست وﻻ المساعدين عاوز بس مقاس كاوتش مناسب يعلي العربيه شويه وميأثرش عليها العربيه دايو ﻻنوس 2001 اوتوماتيك مقاس الكاوتش الموجود 175/70/13 وياريت لو اعرف افضل نوع كاوتش وسعره اذا امكن ولكم جزيل الشكر.[
طالما واطية بغباوة شوف السوست ممكن تكون خية اللى منضغطة ومطية العربية
انما حوار كاوتش اكبر انت كدة بتلعب فى ثبات العريبة
العلات افضل من الكوتش الاكبر بس بعد الـ 120 لأ
الاول شوف السوست ممكن يكون العيب منها
استاذ احمد ناصر متشكر جدا على اﻻهتمام والرد وان شاء الله اروح للعفشجي واشوف وربنا يقدم اللي فيه الخير
اعتقد لو ركبت جنط 14 او 15 هيفرق معاك فى ارتفاع و ثبات العربيه و اكشف على السوست فعلا ممكن تكون ضعفت
الجنوط الـ 14 والـ15 مش هتعمل اى حاجة فى علو العربية
بلاش أحسن
أنا ركبت جنوط 14 سبور وركبت عليهم كاوتش
195/60/14...مع ان المفروض الأصلي 185/60/14
هيزود ارتفاع 7 ملم بس وانا منصحش باكتر من كدا
ثبات ممتاز علي الطريق وفي المنحنيات وخصوصا كمان ان الكاوتش عريض
فرامل ممتازة عشان عرض الكاوتش بقي اكبر
وتحس ان العربية اللانوس مينفعش يركبلها 175 دي خالص ..صغير اوي والعربية كبيرة وتقيلة...وتحس ان ال 195 لايقة اوي ومالية العربية
محستش بفرق في ضعف السحب خالص
بس فيه مشكلتين صغيرين...
1- قراية عداد السرعة وعداد الكيلومتر مش مظبوطين لان قطر العجل اختلف
عداد السرعة بسيطة ...ممكن تعرف كل سرعة بالنسبالك في الحقيقة كام بنسبة مئوية
بس عود نفسك بقي انك متستخدمش عداد رحلات ده خالص
2- كمان عشان انا ركبت كاوتش سبور باوفست 38 اللي هو اكبر حاجة في السوق...الكاوتش كان بيحك في شفة الرفرف مع مطبات الهواء والتحميل...ودي ليها حلين
اما انك تركب جنوط حديد نوبيرا ودي رخيصة...الطقم يعمل 450-500
او تركب سبور بس تتني شفة الرفرف