الموضوع: **مقارنات عمليه من الواقع بين سيارات الشعب المصري **

إيه رايكو لو نفتح قسم فيه مقارنات بين السيارات بس عملي على غرار توب جير أو MLR أو أي موقع عالمي للسيارات

بمعنى كل عضو هيتبرع بعربيته نص ساعة بس يتم تجربتها وتقيمها من قبل عضو أو أعضاء مختارة بس بشرط أن تكون المقارنة بين عربيتين في كل مرة وممكن كل عضو يجرب عربية التاني في مكان مفتوح ويكتب تقييمه عنها والعكس للعضو الأخر في نفس الموضوع

ذي مثلاً رينو ميجان وفورد فوكس
لانسر وإلنترا
افيو ولانوس
فيكترا وجيتا

كل ٢ في موضوع جديد

على حسب توافر العربيات اللي في المنتدى

هيتم جدولة مواعيد التجارب على حسب الإتفاق بين كل عضوين

بمعنى نقترح الانترا ولانسر مثلاً
يتبرع عضوين ونشوف مين هيجرب العربيتين أو هيتم تجربتهم بواسطة الملاك ونحط المقارنة العملية بالصور في القسم دة

بشرط الحيادية التامة وإظهار العيوب قبل المميزات وإدخال عوامل الامان في العربية وكمالياتها ومواصفاتها الفنية بالإضافة للإحساس الشخصي

وبكده نكون خطينا خطوة جديدة موجودة من زمان في المواقع العالميه

اتمنى إن الفكرة تنجح لأن بجد الموقع ده محتاجها

أنا عن نفسي متبرع بالليون وأعتقد أقرب منافسين لها الاسترا والجيتا والجولف والميجان الهاتش باك


Thanks
Eng.Sherif Shaker