-
بجد محتاجين دعاكم
اولا كل سنه و انتوا طيبين ربنا يعود الايام عليكم بخير
بجد يا جماعه محتاجين كل دعاء لو صغير
هاتقول انتوا مين
احنا طلبه سته طب بشري و دخل علينا رمضان شهر فضيل و بعد العيد في ناس هاتمتحن في شهر 10 دول الناس بتوع سوهاج و في 11 احنا و طلبه القصر العيني بجد انتوا مش متخيلين الضغط النفسي و العصبي ان بنزاكر في رمضان في الحر و العيد بيضيع علينا ان مش عارفين نعيد لو دعاء صغير بظهر الغيب لاخوانكم المتعذبين
و الي زعلان مني و او زعلته من غير قصد بكلمه او شايل مني يا ريت يسامحني و بقوله كل سنه و انت طيب
طبعا الدكاتره بتوع المنتدى هايعرفوا انا قصدي ايه و يا ريت لو يتفضلوا و يقولوا اي نصيحه لو صغيره و يا ريت لو بتدعوا تكتبوا الدعاء هنا علشان ده بيرفع من الروح المعنويه و دي اكتر حاجه احنا محتاجينلها في الوقت الحالي
-
ربنا معاكوا و معانا كلنا بإذن الله
-
هههههههههههه :D
طلبة الطب دول .. بيشوفوا اللى محدش عمره شافوا :tired1_2:...
أنا حاسس بيك يا بنى و أنا لسه داخل سنة رابعة ... أصحابى فى سنة سادسة بيحكولى على اللى بيجرالهم :elvis: ... لا تعليق !!!
ربنا يوفقك و يعينك و يعديك منها سالم ... قولوا آميييييين :innocent:
و بالمرة إدعولى أنا كمان لأنى مأجل مادة من سنة تالتة و همتحنها يوم 7/9 إن شاء الله ... :original:
-
ربنا يوفقك يا دكتور انته وكل زملائك.ومعلهش استحمل شويه؟هانت خلاص.
bemo,ire
-
-
ربنا معاكوا يا رب و يعوضكوا عن كل ده خير.
حاول تجدد نيتك و تاخد الطب كرسالة و بإذن الله ربنا هايوفقك.
كل سنة و انت طيب:)
-
يا دكترة أنتم اللاحقون و نحن السابقون :original:
علقة تفوت و لا حد يموت
رمضان طبعا لازم تنظيم صارم للوقت عشان ما يضعش منك شهر بحاله قبل الأمتحان ......الواجبات الدينية حتساعد في صفاء الذهن فاكثر من الصلاة و قراءة القران .......الولائم الرمضانيه بقى و المناسبات الأجتماعية و المتابعة التلفزيونية لا تجوووز .....أنسى يا عمرو ...
و بالتوفيق إن شاء الله .....
بكره باذن الله و فضله حتفتكر الأيام ديه و تقول كانت أجمل أيام
-
ربنا معاكم جميعا وبالنجاح ان شاء الله
-
رمضان فرصة عظيمة لحسن المذاكرة والتحصيل
فضلا عن حسن اللجوء لله الموفق والمعين يمكنك تنظيم وقتك كالتالى:
يبدأ يومك بعد السحور وصلاة الفجر وقبل أن يهاجمك العطش والجوع ، من الممكن أن تستمر هذه الفترة حتى الظهر أو بعده يتخللها فترات إستراحة مثل صلاة الضحى على مرات وقراءة القرآن.. وهذه تكون فترة مذاكرة وحفظ
لو كان فيك نفس بعد الظهر ممكن تقرأ بعض ما ستذاكره فى المرحلة التى تليها
فترة بين العصر والمغرب نوم
لا تبالغ فى الإفطار حتى تستطيع الصلاة فى المسجد
من الممكن أن تصلى شيئا من التراويح فى المسجد والباقى فى البيت على مرات فى فترات الراحة بين المذاكرة
فترة بعد العشاء وحتى الواحدة تقريبا فترة مذاكرة مثمرة
لابد أن تنام عدة ساعات أخرى قبل السحور
لا أنصح أن تقلب ليلك يقظة ونهارك نوم كما يحلو للبعض
أكتب فى ورقة صغيرة أمامك متى بدأت تذاكر ومتى أنتهيت والخلاصة كام ساعة فى هذه الجلسة ، وقم بجمع عدد الساعات آخر اليوم وانظر هل بلغت الحد الأدنى الذى تضعه لنفسك؟ وحاول أن تزيدها فى اليوم المقبل
جمّع أسئلة الامتحانات فى كل باب قبل أن تبدأ مراجعته لتعلم النقاط الأهم لتحفظها جدا، وبعد أن تفهم و تحفظ كل الأسئلة المشهورة حاول أن تتوقع أسئلة جديدة لتقلل من أى مفاجآت
لا تستخدم الكتب الكبيرة جدا ، إستخدم المصادر السهلة التذكر وقم باستكمال النقاط التى قد تنقصها فى المواضيع المهمة من الكتب الأخرى
لا يوجد كتاب كامل ، وكم المناهج فى السنوات الأخيرة لا يفضل معه أبدا المذاكرة من الكتب الكبيرة
إرجع دائما لما ذاكرته من عدة أيام حتى لو بعينيك لتقوى تذكرك به
من توكل على الله كفاه والنتيجة رزق لكن لابد أن تجتهد وتسعى
-
ربنا يوفقك و يهونها عليك يا دكترة....و عموما انت مادام بتعمل اللى عليك ...توكل على الله...و ان شاء الله خير مافيش داعى للقلق...و بعدين هانت كلها ايام ...و هيعدوا اسرع مما تتخيل.
Content Relevant URLs by
vBSEO 3.6.0 PL2