زيت صيانة ال 1000 فى نيسان صنى 2013

**katoda** · 08-07-2013 12:18 PM

تحياتى صقور نيسان انا الحمد لله استلمت عربيتى صنى-سوبر صالون 2013 و قربت اعمل صيانة ال 1000 و سمعت هنا من الاعضاء ان زيت توتال اللى هيتغير فى الصيانة مش كويس.

ارجو النصيحة هل يفضل انى اخد معايا زيت ؟ نوعه اه؟ الكمية اد اه ؟ يكون زيت معدنى ولا تخليقى؟ 5 و 10 كم؟

لكم التحية

**ramymoharram** · 09-07-2013 10:40 AM

ربنا يباركلك فيها ويعطيك خيرها ويكفيك شرها......والله أنا سمعت زيك ان التوتال مش حلو اوي بس لما رحت في صيانة الألف حتيطه ودلوقتي أنا عامل 3000 وشايفه كويس والعربية ناعمة وأعرف ناس مش بيحطوا غير توتال لنفس العربية والعربية عاملة معاهم 20000 لغاية دلوقتي وبيقولوا مفيش مشاكل......عموما أنا من تجربتي فإنه لا يعلي علي زيوت شل ......توكل علي الله ومتقلقش

**katoda** · 09-07-2013 12:09 PM

شكرا رامى على الرد.... ممكن اعرف دفعت كام تكلفة صيانة ال 1000 و كانت فين؟

**ramymoharram** · 09-07-2013 12:53 PM

صيانة الألف اتكلفت تقريبا 420 جنيه في اوتو ايجيبت بس لو روحتلهم اتأكد قبل متمشي ان طبة الزيت مربوطة كويس علشان مربطوهاش كويس ووقعت وأنا ماشي والزيت نزل من العربية.

**katoda** · 09-07-2013 02:00 PM

صح ان شوفت موضوعك " تجربتي في صيانة الألف كيلو مع أوتو ايجبت......خطأ فني وإدارة رائعة للأزمة" بس مكنتش مركز انه انت صاحب الموضوع :)
معلش يا باشا و الحمد لله انها جت على اد كدا