السلام عليكم
الحمدلله اشتريت اوبل كورسا 1200 سي سي موديل 1994
و محتاج نصائحكم للتعامل الامثل مع الكورسا
ولو حد عنده تجربة او خبره مع العربية دي يا ريت نستفيد منه
ولو حد عاوز يقولي على حاجات اخلي بالي منها و ابص عليها بأستمرار ياريت
وجزاكم الله خيرا
عرض للطباعة
السلام عليكم
الحمدلله اشتريت اوبل كورسا 1200 سي سي موديل 1994
و محتاج نصائحكم للتعامل الامثل مع الكورسا
ولو حد عنده تجربة او خبره مع العربية دي يا ريت نستفيد منه
ولو حد عاوز يقولي على حاجات اخلي بالي منها و ابص عليها بأستمرار ياريت
وجزاكم الله خيرا
الف مبروك يا باشا وربنا يديك خيرها ويكفيك شرها
الحقيقة انا ماليش في الكورسا بس حبيت اباركلك
والزملاء هنا هيقوموا بالواجب ان شاء الله
[QUOTE=mifs;3875086170]الف مبروك يا باشا وربنا يديك خيرها ويكفيك شرها
الحقيقة انا ماليش في الكورسا بس حبيت اباركلك
والزملاء هنا هيقوموا بالواجب ان شاء الله[/ربنا يبارك فيه يا باشا والف شكر
وعليكم السلام ورحمه الله وبركاته
مبروك عليك
ماشاء الله الكورسا اللي معاك
هي اللي حببتني في الاوبل
جرايه وثابته ومريحه
موتورها معمر جدا ونادر الاعطال
قطع غيار رخيصه ومتنوعه
الطبيعى إن فيه شوية حجات بتبقى عايزة تتظبط لما تشترى عربية مستعملة
مراجعة الزيوت زى زيت الموتور . زيت الفتيس زيت الفرامل . وتغيرها إذا لزم الأمر تغيير مياه دورة التبريد لو بتستخدم مياه خضرا لأن صلاحيتها 40000 كيلو أو سنتين ........... طبعاً ده كله لو مكنش صاحب العربية معرفة وثقة وقالك إنه مغير الحجات دى ومغيرها أمتى .
مراجعة سيور العربية سير الموبينة سير الكاتينة ( مش عارف إذا كانت العربية على جنزير ولا سير كاتينة لأنى معايا ماروتى )
الكشف على البطارية وحالتها . مراجعة جميع إشارات العربية والكشفات شغالة ولا لاء
الكشف على البوجيهات ودورة الإشعال كلها
تربيط العفشة
ترصيص كاوتش وظبط زوايا
لو افتكرت حاجة تانية حقولك :tongue32:
ومش ضرورى تعمل الحجات دى كلها مرة واحدة . صين عربيتك وراعيها عشان تشيلك وتراعيك
الف مبروك يا باشا ,, ربنا يديك خيرها و يكفيك شرها
الف مبروك يا باشا انا معايا نفس الموديل عربية زى الفل
العربية معايا يا باشا فلة طول ماهى مفيهاش اعطال
واهتم بيها
عندك افحص دايما المية فى القربة وأكد على حساسات الحرارة والمروحة وخد بالك من مؤشر الحرارة وانت ماشى لان العربية فى البطئ بتسخن حبتين
العربية رهيبة فى الثبات وممتازة فى سرعتها لو بتحطلها بنزين 92
قطع غيارها بالنسبة للموديلات التانية من نفس سنتها طبعا أغلى بس العربية تساعدك فعلا
اهم حاجة زيت العربية يكون شيل الاصفر وتغير معاها فلتر الزيت دايما هو انسب زيت ليها
الف الف الف مبروك ياباشا .... انا معايا اختها بس موديل 97 .. احمد ربنا انك اخدت ال 1200 مش ال 1000 او الا 1400 لان فعلا احسنهم من حيث الكفاءه واستهلاك البنزين والسحب وقطع الغيار مناسبه جدا ... اللي عايزك بقه تحطه في اعتبارك دايما .. العفشه العفشه العفشه وافتكر كلمتى دي كويس لانك هتشتكي منها كتير فربطها بصفه دوريه والبوجيهات والزيت غيرهم باستمرار فنصيحه ما تحطش زيت ال 10000 كيلو والكلام الفارغ ده .. لا خليك في ابو 5 وغيره كل 3 .... بالنسبه للبوجيهات 2 شمعه ماركة جي _ إم ..... البنزين بقه 90 او 92 اياك وال 80 ده ... لو ما غيرتش سير الموتور والموبينه غيرهم ... واوعي تنسي الفلاتر خصوصا فلتر البنزين عشان كتمته كتمه زباله بعيد عنك ... فيما عدا ذلك ..شد بيها علي السكه هتحس انك راكب عربيه اعلى بكتيييييييييييييييييييييي ييييييير ماشاء الله عربيه ناجحه جدا جدا ... مشكلة الحراره ما تقلقش منها لو وصلت للشرطه التالته حتى بعد ال 90 لان دي طبيعتها اصلا لو بتشتغل المروحه بدري يبقي يا مغير ترموستات المروحه ب ترموستات 128 يا شايل ترموستات الكوعه يا الاثنين كلاهما .... دووووووس يا معلم ولو احتاجت اي حاجه انا معاك ولو ساكن في اسكندريه هديك رقمي ...... بيس؟؟؟؟؟؟؟؟؟