رسائل رمضانية

**OlaOsman** · 29-08-2008 12:51 PM

اللي عايز يبعت رسالة لحد يقول له كل سنة و انت طيب ممكن يبعتها من هنا.. سواء حد معانا هنا في المنتدى او حتى حد من برة المنتدى.. زميل دراسة قديم.. حد مسافر.. حد مفتقده في رمضان السنة دي و نفسك تقول له كل سنة و انت طيب.. تعالوا نتشارك التهاني هنا حتى و لو بتتكلم على حد مانعرفوش.. كفاية المشاركة بينا في المشاعر الإنسانية.. دي لوحدها تسوى كتير :)

**OlaOsman** · 29-08-2008 10:08 PM

كل سنة و انت طيب يا كل متغرب عن بلدك..

كل سنة و انت طيب يا كل اللي نفسك تقضي رمضان في مصر و مش قادر..

كل سنة و انت طيب لكل اللي بيعملوا خير في الشهر الكريم ده..

كل سنة و انت طيب يا كل عسكري مرور واقف في الشمس و الحر في نهار رمضان - حتى و لو كانت وقفتك ما بتعملش حاجة

كل سنة و انت طيب يا كل مندوب مبيعات أو مندوب شركة كل شغله في الشارع.. في الشمس و الحر و احنا قاعدين في التكييفات طول النهار.

كل سنة و كل دول طيبين و يا رب يتقبل منكم الصيام.

**Chicco** · 29-08-2008 10:33 PM

كل سنة و انتي طيبة يا علا باشا .....رمضان كريم باذن الله على كل أعضاء المنتدى الكرام
و كل سنة و كل سواقين و سواقات المحروسة طيبين
و تحية من القلب لكل أطباء المحروسة خاصة من يضطره عمله لقضاء نوبتجيات أطول في رمضان
و تحية خاصة لطلبة الطب في المنتدى و ربنا يعينكوا

**Noha.M** · 30-08-2008 01:42 AM

كل سنة و انتى طيبة يا علا يا حبيبتى و كل نايل موتورز طيب

باعضاءه و مشرفينه و ضيوفه و يا رب ميكونش فى حد زعلان منى و احنا داخلين كدة على شهر

كريم و انا مش زعلانة من اى حد برده و يا ريت كلنا نجدد نيتنا اللى احنا داخلين بيها رمضان و

الله المستعان :)

كل سنة و انتو بصحة وسلامة :)

**Meedo** · 30-08-2008 02:14 AM

كل سنه وأنتى طيبه يا أمى ويا كل أم مصريه كافحت وتعبت وشالت كتير و أتحملت أكتر لحد ما شافت ولادها رجاله................
بوسه على أحن وأطهر أيد فى الدنيا (أمى)

**ows212** · 30-08-2008 02:29 AM

أنا كنت عايز اهنى الناس على الخاص ... وفكرتك ممتازة يا علا
يلا
كل سنة وانتى طيبة يا علا
كل سنة وانت طيب يا معاز
كل سنة وانت طيب يا ابو عبدالله
كل سنة وانت طيب يا على ابو حمزة
كل سنة وانت طيب يا محمود ... موتورايزر
كل سنة وانت طيب يا عمرو عمارة
كل سنة وانت طيب يا كريم منير
كل سنة وانت طيب يا حسن خليل
كل سنة وانت طيب يا احمد نبيل ..اهموديم

**bemocarlo** · 30-08-2008 05:33 AM

والله يا علا شكرا علي الفكره الهايله وكل سنه وانتي طيبه.
كل سنه وnile motors طيب بادارته ومشرفيه.
كل سنه وكل عضو طيب وبصحه وعافيه ويا رب كل واحد ينول كل اللي يتمناه.
كل سنه الحاج والحاجه بالف صحه ويا رب طول في عمرهم واحفظهم من كل سوء وان شاء الله تعالي اقضي معاكوا اخر 15 يوم والعيد ودي اول مره من 7 سنين.
كل سنه وانته طيب يا استاذ مدحت منيب واشوفك علي خير ان شاء الله.

**MTAK** · 30-08-2008 09:56 AM

نهنى و نبارك للكل
يجعل رمضانا زى الفل
و على الخير و الاحسان نبص و نطل
و يا رب يا رب
نهنى بعضنا برضه بعد شهر الصوم
و نبارك للكل على نجاحنا فيه و نصحى بقه من النوم

**M_ashraf** · 30-08-2008 01:11 PM

بمناسبة الموضوع الممتاز ده
لو حد جاله sms ظريفة عن رمضان على موبايله يا ريت يكتبها علشان يمكن نقلدها ولا حاجة

-

الموضوع: رسائل رمضانية

LinkBack

أدوات الموضوع

عرض

-

-

-

-

المواضيع المتشابهه

وصايا رمضانية لى ولكم

حادثة رمضانية

تروشيات رمضانية

خواطر رمضانية

ذكريات رمضانية

الكلمات الدلالية لهذا الموضوع

المفضلات

المفضلات

ضوابط المشاركة