الموضوع: فتحة سقف صنى 2004 - برجاء المساعده ضروري

اعتقد ان فتحة السقف الزجاج كلها تقريبا مقاس واحد في العربيات كلها انت ممكن تنزل الحرفيين او بورسعيد وتشوف فتحة سقف بتاعة اي عربيه تانيه وتشتريها وتنقل الزجاج بس عندك لأن الحاجات التانيه اللي هاتيجي معاها مش هتفيدك في حاجه وفي الغالب اعتقد مش هتلاقي حد بيبيع فتحة سقف اللي هيكون موجود سقف كامل فيه الفتحه اللي انت عايزها حاول تشوف سقف يكون مناسب وسعره رخيص انت كل اللي محتاجه الفتحه بس او عرف البياع انت محتاج ايه وهو يفكها ويديهالك بس طبعا هيدفعك تقريبا اكتر من نص الثمن

كان فيه موضوع معمول من فتره كبيره كانت عربيه جين 2 صاحبها ركبلها فتحة سقف هو اشترى سقف عربيه تانيه نفس مقاس سقف الجين 2 وقصه عند سمكري وركب نص السقف اللي فيه الفتحيه بس لأن هو كان عايز يعدل العربيه ويخليها بتحة سقف والجين 2 مفيهاش.
الموضوع دا كان عامله مع تعديلات تانيه كتيره اوي في العربيه بس انا فاكر انه عمل كدا في السقف لو عرفت توصله ممكن تساله تجيب السقف او الفتحه منين .

ألف شكر يا باشا, بس حضرتك متأكد ان كل فتحات السقف مقاس واحد , لو كده يبقى الموضوع أسهل كتير

طب ماتاخد فكره كده عند بتوع الاستيراد

تقريبا مقاس واحد انت ممكن تاخد الفريم بتاع الفتحه بتاعتك وتقيسه على اللي عايز تشتريه علشان تكون متاكد انها نفس المقاس

اقولك على حاجه تانيه في اسوء الاحوال اعملها صاج زي العربيات بتاعة زمان اللي هي اواخر التمنينات واول التسعينات كانت كل فتحات السقف صاج بلون العربيه في كل العربيات