رأيكم فى الاكاديمية البحرية

**egyboy** · 09-07-2013 02:18 PM

ألسلام عليكم

كنت عايز اعرف رأيكم فى الاكاديمية البحرية اللى فى هليوبليس

كمستوى تعليم وكمستوى تعامل وهل معتمدة بره مصر ولا ايه ؟؟

كنت عايز احضر فيها دبلومة وبفاضل بينها وما بين معهد الدراسات والبحوث الاحصائية

طبعا سعر المعهد ارخص بكثير لكن الواحد كده كده هيضيع سنتين يعنى وقت كبير

فابالتالى يستغل الوقت ويدفع اكثر فى الاكاديمية

حتى لو حضرت ماجستير بعد الدبلومة فى الاكاديمية هيبقى ماجستير قوووى

لكن ماجستير معهد الاحصاء معتقدش هيبقى قوى

أنتوا ايه رايكم ؟؟ للناس اللى تسمع عن الاكاديمية او جربتها

**eng_7amed** · 09-07-2013 09:19 PM

انا بحضر فيها ماجيستير هندسة ميكاترونكس
و حاجه محترمه جدا دا غير انها معترف بيها في امريكا هي و الجامعه الامريكية فقط

**Ahmed_Ramadan** · 09-07-2013 09:21 PM

متابع و عاوز أعرف مصاريف الدبلومة و الماجستير فى الأكاديمية

**reda elgohary** · 09-07-2013 09:57 PM

أنا أسمع عن الآكاديمية اللى فى أبو قير فى أليكس .

**Amr_tika88** · 09-07-2013 10:17 PM

انا بحضر ماجستير في ادارة الاعمال فيها في مجال النقل الدولي واللوجستيك واي سوال انا تحت امرك

**sayed911** · 09-07-2013 11:29 PM

وانا لسة متخرج منها بشهادة البكالريوس وعايز اقولك تحت امرك في اي سؤال

**Ahmed_Ramadan** · 10-07-2013 09:22 AM

عاوز أعرف مصاريف الدبلومة و الماجستير فى الأكاديمية

**egyboy** · 10-07-2013 10:25 AM

المشاركة الأصلية كتبت بواسطة eng_7amed

انا بحضر فيها ماجيستير هندسة ميكاترونكس
و حاجه محترمه جدا دا غير انها معترف بيها في امريكا هي و الجامعه الامريكية فقط

جزاك الله خيرا لردك
وان شاء الله تحصل على الدكتوراة كمان
بس حضرتك متأكد من موضوع الاعتماد ده ؟؟انا سئلت لما اتصلت بيهم قالولى منعرفش اذا كان ينفع احضر ماجستير بره ولا لأ
يعنى انا بعد ما اخلص الدبلومة فى الاكاديمية هل الدبلومة دى معتمدة بره بحيث لو حبيت احضر ماجستير بره مصر هتكون معتمدة ؟؟
كمان عايز اعرف مستوى الدكاترة والشرح ..هل العملية مجرد بيزنس نظرا لان المبالغ كبيرة فى المصاريف ولا فعلا الدكاترة بتشرح صح وهستفيد من الدبلومة والماجستير من عندهم ؟؟

المشاركة الأصلية كتبت بواسطة Ahmed_Ramadan

متابع و عاوز أعرف مصاريف الدبلومة و الماجستير فى الأكاديمية

المادة 750 جنيه وهم 16 مادة على سنتين 4 ترمات وممكن تدفع ترم ترم ..ومعرفش لو فيه مصاريف كتب ولا الاسعار دى شاملة الكتب :)

وعندك كمان معهد الدراسات والبحوث الاحصائية تابع لجامعة القاهرة
الاسعار على ما اعتقد 750 فى السنة وهم سنتين يعنى اسعار رخيصة جداااا
والتقديم شغال حاليا لانك بتقدم فى امتحان رياضيات وامتحان c++
ولو نجحت فيهم بتتقبل فى الدبلومة :)

المشاركة الأصلية كتبت بواسطة reda elgohary

أنا أسمع عن الآكاديمية اللى فى أبو قير فى أليكس .

هى فعلا يا فندم ..وانا بتكلم عن فروعها فى القاهرة

المشاركة الأصلية كتبت بواسطة Amr_tika88

انا بحضر ماجستير في ادارة الاعمال فيها في مجال النقل الدولي واللوجستيك واي سوال انا تحت امرك

المشاركة الأصلية كتبت بواسطة sayed911

وانا لسة متخرج منها بشهادة البكالريوس وعايز اقولك تحت امرك في اي سؤال

الامر لله ..ربنا يكرمكم يارب والله انتوا ناس زى العسل :)
برضه موضوع انها معتمدة وانى ينفع احضر ماجستير بره مصر بالدبلومة من الاكاديمية ؟؟
وكمان مستوى الشرح والتعليم ؟؟ خصوصا انى بشتغل ولو الدبلومة والماجستير هيضيعوا الوقت ..الواحد يركز فى شهادات مهنية افضل ؟؟ خصوصا كمان معهد الاحصاء فى جامعة القاهرة ارخص بكثير بس انا قلقان منه والاكاديمية حاسس هتبقى ارقى وقيمة اعلى علميا ...رأيكم ايه
وربنا يوفقكم

**eng_7amed** · 10-07-2013 01:46 PM

الاعتماد ده بالنسبة للهندسة معرفش باقي الكليات ايه بس حضرتك ممكن تسال رئيس قسم الدراسات العليا في الجامعه تقريبا اسمه دكتور اسامه و مكتبه في مبنى ب كلية هندسة
و متاكد منه هو اسمه الابت و الكليه عملت احتفاليه بمناسبة الحصول عليه
المستوى محترم جدا كلهم داكاتره من عيش شمس و الفنية العسكرية و واخدين ماجيستير و دكتوراه من بره و حسيت ان 5 سنين من عمري في التعليم الحكومي راحت هدر

**احمد المصرى** · 10-07-2013 02:06 PM

معلش انا اسف لو كنت هسال سؤال بعد اذن صاحب الموضوع

انا خريج تجاره وحاليا شغال محاسب تكاليف هل فيها قسم كورسات للمحاسبين ولو حد يعرف اى معلومه اكون شاكر جدا