تنبيه بتعليق المشاراكات بقسم احوال الشارع لمدة اسبوع-نسخة الاجتماعي

**tamerosman** · 09-07-2013 10:23 PM

قرار حكيم

**bmw3m007** · 09-07-2013 10:59 PM

المشاركة الأصلية كتبت بواسطة M.Mosaad

قرار خاطيء تماما من وجهه نظري و ليه احتمالين
اما ان حضرتك تلقيت تحذير امني زي زمان و هنا يجب التنويه و ليك مطلق الحريه و المساندة منا كلنا كاعضاء
او انه قرار فردي و في الحاله دي فكان اولي انك تتخذة من فترة مش دلوقتي و كمان الدخول لاي قسم هو حريه شخصيه لاعضاء المنتدي بشرط الالتزام بالقواعد و الاداب المحطوطه و اللي بيضايق من قسم ببساطه ميخشوش

كل واحد عنده ماوس في ايده يختار القسم اللي يعجبه - اعتقد الناس هتبدأ تعمل المواضيع هنا في الاجتماعي و يتم غلقها و في الاخر ناس كتير هتهجر المنتدي لان دة مؤشر خطير للعهد الجديد اللي داخلين عليه

تقبل تحياتي و اتمني مراجعة القرار

ملحوظه انا من الناس اللي مشاركتها قليله اساسا بس الحق احق ان يتبع

+1

**Adel.Nasr** · 09-07-2013 11:12 PM

اتمنى من الادارة حذف قسم الاحوال نهائي لانه اكتر قسم بسببه تم ايقاف اعضاء كتير لدرجة الناس انصرفت عن الهدف الاساسي للمنتدى و بيدخلوا الاحوال عشان يتخانقوا اما بالنسبه للمعارض للقرار احب اقوله ان مش تحذير امني ولا حاجه حضرتك كان في تصويت عليه و قرار الايقاف خد اعلى تصويت

**eslamrace** · 09-07-2013 11:15 PM

والله انا سعيد بالقرار ده بالرغم انى طبقته على نفسي من يومين لانه بجد محدش يعرف انه ممكن بكلمه يزود العنف عند حد ضد حد ويرتكب جريمه ربنا يحاسبه على كلامه اللى قاله خصوصا لما الواحد لقى اخوات واصحاب بيخسروا بعض ويقفوا قدام بعض فى المظاهرات وممكن يصيبوا بعض على زوال وعلى تعصب اعمى
ربنا يهدى المصريين لصلاح حالهم وينور بصيرتهم وتستقر البلاد علشان حال الناس اللى واقف ومقطوع عيشهم والناس بتحارب بعض على سياسه وناسيينه .

**hossam_elwani** · 09-07-2013 11:22 PM

المشاركة الأصلية كتبت بواسطة أبو إياد

رمضان كريم وادعوا الله ان يحفظ مصر ويهدينا جميعا
..................................

خلق الله الأخطاء
وخلق الأعذار
وخلق التوبة
وخلق القلوب الصافية
اللهم فاشهد أني بقلب مؤمن
أعتذر لكل من اعتقد انى اسات له
وأطلب منه الصفح والغفران
اللهم فاشهد .

اخوكم فى الله : محمد عزت

هدانا واياك بس توقيعك فى نصه مهين عكس كلامك الجميل المعسول

**أبو إياد** · 09-07-2013 11:37 PM

المشاركة الأصلية كتبت بواسطة hossam_elwani

هدانا واياك بس توقيعك فى نصه مهين عكس كلامك الجميل المعسول

بالعكس ده واقع بنعيشه وممكن يكون بينطبق عليا انا كمان اللى حاسس ان هو صح وعلى يقين يبقا مش مجبر انه يصحح تفكيرى

المشاركة الأصلية كتبت بواسطة hossam_elwani

المعسول

متامرك
متاسلم
معسول
بما اننا فى رمضان ورمضان كريم فانا مسامح لان لا الوقت ولا المكان يسمح بفتح النقاش

**hossam_elwani** · 09-07-2013 11:57 PM

المشاركة الأصلية كتبت بواسطة أبو إياد

بالعكس ده واقع بنعيشه وممكن يكون بينطبق عليا انا كمان اللى حاسس ان هو صح وعلى يقين يبقا مش مجبر انه يصحح تفكيرى

متامرك
متاسلم
معسول
بما اننا فى رمضان ورمضان كريم فانا مسامح لان لا الوقت ولا المكان يسمح بفتح النقاش

كونك انك كاتب عباره فيه تحقير للاخر وتفخيم لذاتك وكأنك تحتكر الحق والرؤيه السديده هيا دى قمة المهانه

وكونك تسامح او لا ده لا يهمنى لا من قريب ولا من بعيد المهم ربك يسامح

**tone** · 10-07-2013 12:18 AM

أنا رايي أن هذا إغلاق لنافذة حق صغيرة متبقية لتوضيح رأي الطرف الآخر الذي يستحل دمه الآن ويتم إغلاق أي وسيلة إعلام تغطي خطوات التصفية الجسدية والإجتماعية والسياسية لكل مخالف للنظام الجديد

ولنقل مشاركة في المعركة الكبرى لإبادة التيار الإسلامي سياسياً وإجتماعياً ولا نبالغ إن قلنا وجسدياً إذا لزم الأمر

-
-

**Ahmed Selim** · 10-07-2013 01:39 AM

المشاركة الأصلية كتبت بواسطة tone

أنا رايي أن هذا إغلاق لنافذة حق صغيرة متبقية لتوضيح رأي الطرف الآخر الذي يستحل دمه الآن ويتم إغلاق أي وسيلة إعلام تغطي خطوات التصفية الجسدية والإجتماعية والسياسية لكل مخالف للنظام الجديد

ولنقل مشاركة في المعركة الكبرى لإبادة التيار الإسلامي سياسياً وإجتماعياً ولا نبالغ إن قلنا وجسدياً إذا لزم الأمر

-
-

كون ان حضرتك شايف انك على حق ده لا يعني بالضرورة ان الحق معاك.....بغض النظر عن انا مع مبن و ضد مين.

عموما القرار بتعليق المشاركات لمدة أسبوع فقط علشان النفوس تهدى شوبة ﻷن التعصب مش في صالح الجميع.

ايه رأيكم نركز في الشهر ده بالدعاء ان ربنا يعمل اللى فيه الخير لمصر و المصربين......مندعيش على فصيل و ندعي لمصر بس.....و نثق في حكم الله؟

و ان شاء الله يكون فيه حد مننا دعاءه مستجاب.

كل عام و الجميع بخير و ربنا يتقبل منا الصيام و القيام و صالح الدعاء.