الاربع فرد كاوتش متاكلين من جنب واحد بس اللى هو يعتبر نص الفردة من ناحية الداخل ياريت حد يفدنى اية السبب علشان مروحش لحد يشتغلنى وشكرا
عرض للطباعة
الاربع فرد كاوتش متاكلين من جنب واحد بس اللى هو يعتبر نص الفردة من ناحية الداخل ياريت حد يفدنى اية السبب علشان مروحش لحد يشتغلنى وشكرا
زوايا
طبعاً زوايا
ودي بتكون زاوية كامبر
وبتكون العربية ماشية زي ال بي إم والمرسيدس كدا لما بتشوفها عالطريق من ورا وتشوف عجلها فارش عالطريق إزاي
كلامك مظبوط انت وصفتها تمام بس مش فاهم يعنى اية زاوية كامبر؟اقتباس:
المشاركة الأصلية كتبت بواسطة lifz_good
زاوية من ضمن ال 3 زوايا اللي لما بتروح لحد يظبط زوايا بيظبطهملك
الزاوية دي مسئولة عن ان العجل يفتح أو يقفل زي حالتك كدا
بس انت كدا كدا هتروح تظبط زوايا فا هوا بيشيك على كله
ربنا يعينك اظبط زوايا وركب كاوتش جديد واظبط زوايا تانى
زى مقال الاساتذه الأخوه الأعضاء فوق
اظبط زاوايا
ونتا أكيد بقالك فتره طويله ماظبطش عشان كده الكوتش اتاكل
اكيد محتاج تظبيط عفشه وزوايا
روح لبتاع الزوايا وهو هيوجهك بس كده انت مشيت كتير بدون تظبيط يعنى العربيه مكنتش بتصرخ منك فى الملفات وكده بس يفضل تغيير كاوتش كمان وتظبط العربيه
كل سنة والاخوة المسلمين بكل خير وربنا يعيد عليكم الايام بخير.
شكرا يا جماعة على كل الردود انا روحت انهاردة ظبط زوايا واشتريت فردتين ركبتهم قدام .
وانت طيب يا رومانى وربنا يعم الخير والامان لمصر كلها ومبروك الفردتين الجداد وربنا يديك خيرهم ويكفيك شرهماقتباس:
المشاركة الأصلية كتبت بواسطة romany_ac
وكل سنه وحضرتك طيب
قول بقي الفردتين بكام ومقاس ايه ونوعهم وهل كان في فرق كبير في الزوايا فعلا
الفردتين اكسليرا اندونيسى r13 175/70 الفردة ب310 بالترصيص.اقتباس:
المشاركة الأصلية كتبت بواسطة moratoz
كان فى حدفة يمين قلت جدا بعد تغير الفردتين واختفت خالص بعد ظبط الزوايا .
انصحك دايما تبص على الكاوتش امامى ولو شوفت اى تأكل خفيف فى اجناب الكاوتش تروح على ظبط الزوايا ومتستناش علشان ممكن الزوايا تاكل الكاوتش حتى لو جديد زى ماحصل معاك وطبعا ده بسبب المطبات اللى في كل مكان بتغير زوايا العربية وبتحتاج ظبط كل فترة ومبروك على الكاوتش الجديد !!اقتباس:
المشاركة الأصلية كتبت بواسطة romany_ac