اية رايكم افضل قفل للسيارة هل قفل الطارة اللى بيكون بالعرض ولا قفل الطارة اللى بيبقى شبة مضرب البيسبول ولا قفل الطارة اللى بيركب مع بدال الدبرياج ولا قفل البدلات اللى هو بيتحت تحت البدلات ولية دراع لفوق بالمفتاح ولا اية رأيكم ؟
عرض للطباعة
اية رايكم افضل قفل للسيارة هل قفل الطارة اللى بيكون بالعرض ولا قفل الطارة اللى بيبقى شبة مضرب البيسبول ولا قفل الطارة اللى بيركب مع بدال الدبرياج ولا قفل البدلات اللى هو بيتحت تحت البدلات ولية دراع لفوق بالمفتاح ولا اية رأيكم ؟
اية الصحرا دي :d
الدنيا رمضان وكل سنه وحضرتك بخير وده اول يوم الغالبيه مدروخه عموما كل سنه وحضرتك واعضاء المنتدى والمسلمين بخير ... انا عن نفسى مركب القفل اللى فى الطاره والطرف التانى منبدالات وهو نعيه اعتقد جيده وان كانت الفكره فى كل الانواع واحده فى النهايه .
سلام عليكم .. كل سنه وانتم طيبين ياجماعه
بص ياباشا مبدئيا قفل الطاره لما تحب تجيبه .. خليك أحسن في القفل اللي بيقفل الطاره نفسها من فوق كده
بلاش تجيب النوعيه اللي بتركب بين الطاره وبين الدبرياج أو الفرامل لأنها بتكون سهلة الفتح أوي مجرد ما الحرامي يدق عليها بحاجه جامده هاتتفتح .. أو عن طريق مية النار .
أما بالنسبه لقفل الطاره من فوق .. مش هايقدر الحرامي يدق عليه عشان في الحاله دي الكلاكس هايضرب .
ويستحسن ... لأ مش يستحسن .. ده لازم تجيب نوعيه كويسه وتحس ان الخامه بتاعتها تقيله .. عشان الخامات اللي مش قد كده .. ممكن بسهوله أي حرامي ينشرها بصفيحة منشار .
ونصيحه بقى من عندي .. هاتلاقي في نوعية اقفال في السوق حلوه أوي .. أولا متينه جدا .. ثانيا ليها 3 طرق مختلفه في القفل :
- ممكن تقفل بيها الطاره بس
- ممكن تقفل بين الطاره وبين الدبرياج أو الفرامل ( الطريقه التقليديه )
- الطريقه الثالثه والجديده بقى .. انك ممكن تقفل بيها بين فرامل اليد وبين الفتيس (وأعتقد دي بتكون أحسن في حالة العربيات الأوتوماتيك)
معلومه كمان أفيدك بيها / في نوعيه في السوق بدل المفتاحين أو الثلاثه اللي بييجوا معاها .. بتلاقي النوعيه دي ليها 4 مفاتيح كالآتي : مفتاحين a ومفتاحين b والفكره فيهم انك بتشتغل بالمفتاح a الأول وطبعا تسيب الاحتياطي كلهم في البيت , وفي حالة لاقدر الله ان المفتاح ضاع منك لأي سبب من الأسباب ... وكنت خايف أحسن حد يلاقيه ويقدر يفتح القفل , في الحاله دي بتشتغل بالمفتاح b ومع أول استخدام للمفتاح b خلاص المفتاح a بالسلامه كده مش هايفتح في القفل تاني أبدا.
أخيرا بقى بخصوص الأسعار : ياريت ماتسترخصش .. هاتلاقي النوعيه الكويسه اللي باقولك عليها دي في حدود 100 أو 120 جنيه بالكتير , وبلاش من النوعيات ام 30 أو 40 أو 60 جنيه . هات حاجه محترمه .
بالتوفيق ياباشا