عرض للطباعة
السلام عليكمورحمه الله وبركاته
انا حيران يا شباب ما بين السيراتو والإلنترا الشكل الجديد
سعرهم متقارب جدا
وانا صراحة ناوي ابيع العربية بعد 4 سنين فأي واحدة اعادة بيعها احسن
وخايف اجيب كورولا علشان سعرها عالي والشكل الجديد قرب ينزل واكيد سعره هيبقي أعلي
يا ريت تساعدوني انا دماغي تعبت من التفكير بجد
لو ناوى تبيع يبقى الالنترا افضل ,, لانها ماسكة سعر اوى رغم مشاكلها
بس عامة العربيتين قريبين من بعض
و ان كان راى الشخصى ان السيراتو اشيك و مش منتشرة اوى زى الالنترا
بس نصيحة ,, حاول تجيب فئة يكون يها abs , airbags , immobilizer
الكرولا جباة سحب وثبات 10/10 لكن مافيش كماليات او رفاهية زي مابيقولو
الالنترا جميله وعربيه ناعمه وتحسها فخمه لما تركبلها جنط نضيف
أنا شايف أن الاتنين زي بعض لكن السيراتو مش منتشرة و الالانترا بيعها أسهل.
السيراتو افضل و لكن مش منتشره الانتشار الكافى زى الالنترا
فئة عالية تبقى سيراتو من غير تفكير فئة قليلة تبقى الانترا ... لو حاطط في دماغك حكاية الايموبليزر يبقى سيراتو
جزاكم الله جميعا خيرا
وكل سنة وانتم الي الله اقرب
كنت عايز اخد رايكم في ان الناس بتقولي ان الإلنترا الشكل الجديد هيكلها في سوك كتير
ولا خدت اي خبطة هتكلف كتير
لو بيع قريب حاليا بقي الهيونداي
والله اعلم
الالنترا طبعا افضل كإعادة بيع وسيبك من موضوع لو هتتخبط مش عارف اية اللي هيحصل والكلام الفاضي ده اي عربية ايا كان شكلها لو اتخبطت عمرها ماهترجع لشكلها الاصلي ........ توكل على الله
السيراتو اشيك (في رايي) من برة وجوة....
السيراتو غيروا نظام تعليقها وبقى هوه نفسه بتاع الالنترا... فالنعومة شبه واحدة تقريبا (وده تطور رهيب عن عفشة السيراتو القديمة اللي كانت غبية جدا)..
الاتنين لازم يبقوا هايلاين علشان تحس انك راكب حاجة كويسة...
الاتنين ثباتهم مش اد كده... انا ركبت الالنترا في الشغل وبعد ال130 او 140 بتخف جدااا... مجربتش السيراتو بس الاغلب انها مش هتفرق كتير...
بسبب النقطة اللي فاتت... ومن الاخر... مش قادر استوعب اني ممكن ادفع 190000 مثلا في عربية من دول... بغض النظر عن الاوبشنز و (الحبشتكانات) بتاعت الكوري... انا ادفع المبلغ ده في عربية امشي بيها وانا مرتاح على اي سرعة... انا مثلا بمشي بالشارك 180-190 اغلب الوقت ومستحييييل اقدر اعمل ده بالالنترا او السيراتو...
ياريت تحاول تبص على حاجة اشد من كدة... نصيحة لوجه الله!!!
شكرا يا باشااقتباس:
المشاركة الأصلية كتبت بواسطة Ahmed TRAVCO
النترا بدون كلام