شكوى ضد منسقى القسم ومشرفيه ومستشاريه فى رمضان

**lanos2004** · 10-07-2013 11:36 AM

ينفع الكلام دة
دخلنا اول يوم لرمضان ومافيش اى كلمه مباركه لشهر رمضان الكريم
هنستنى للعيد علشان تقولوا للاعضاء الكرام كل سنه وانتوا طيبين

**Ahmed_Adham** · 10-07-2013 01:07 PM

فيه موضوعين تلاته في الاجتماعي يا باشا مش معقول هيتعمل في كل قسم موضوع وبعدين تلاقي الناس لسه مصحيتش من النوم أصلا دانا نزلت قضيت كام مصلحه من البنك للكهربا للغاز وكل ما أدخل مكان ولا ألاقي موظفين ولا عملاء حتى الناس بتكسل ترد السلام. كله نايم تقولش كانو بيفحتو في البحر طول الليل...

**friendship7897** · 10-07-2013 01:14 PM

كل سنة وأنت طيب
وجميع الأعضاء والمشرفين والمنسقين طيبين
ورمضان كريم

**Ahmed Nasser** · 10-07-2013 01:24 PM

كل سنة وانت طيب ياكبير
بس انت كنت مختفى فين الكام يوم اللى فاتو

**neel** · 10-07-2013 01:48 PM

مش عارف ازاي حد يبقي طيب وهو ميت له 150 بني ادم

رمضان بلون وريحة الدم

**lanos2004** · 10-07-2013 04:28 PM

المشاركة الأصلية كتبت بواسطة neel

مش عارف ازاي حد يبقي طيب وهو ميت له 150 بني ادم

رمضان بلون وريحة الدم

شوف انا من اكتر الناس الى اتاثرت بالموضوع دة وبدافع دفاع مستميت عنهم وخسرت ناس كتير ونزلت رابعه وهنزل تانى ان شاء الله
بس الحياه بتستمر
ان شاء الله همه شهداء وفى النعيم ان شاء رب العالمين لانهم ماتوا غدر ودفاع عن الحق

**MMamdouh** · 10-07-2013 08:33 PM

انا وصلت المكتب 9 و على 11 لقيت نفسى بسقط رحت نايم و صحيت الساعة 3 نزلت على بيت حمايا عشان معزوم... ملحقتش اقول لحد رمضان كريم الا برسالة خاطفة على الفيس بوك

كل سنة و اعضاء القسم و اعضاء المنتدى بخير

MMamdouh

**AlGazar2** · 10-07-2013 10:08 PM

كل سنة و انت طيب يا باشا

و كل سنة و كل اعضاء و منسقين و استشاريين قسم الدايو بخير

و رمضان كريم

**tarek_2005** · 11-07-2013 11:30 AM

الكلام علي مين
فين منسقين القسم دول الي بتكلمهم
انا مش شايف اي حاجة من بداية رمضان لغاية دلوقتي
مبلحقش اصحي والاقي نفسي نايم تاني
المهم كل عام وكلنا بخير وصحة وسعادة وامن والي طاعة الله اقرب
كل عام وانتم بخير