[frame="7 10"]السلام عليكم و رحمة الله و بركاته
كل عام و انتم طيبين و رمضان كريم اعاده الله علينا باليمن و البركات
انا هحكى تجربتى فى رحلة طويلة للبحث عن تقسيط حلال من باب الافادة و تبادل الخبرات
الحمد لله ربنا كرمنى بشراء بجاج بوكسر
بداية انا كنت عايز حاجة امشى بيها حوالى 80 - 100 كيلوا يوميا و هى بشكل مؤقت لانى مش هستمر معاها نظرا لظروفى الاسرية و ان معايا بنوته و زوجتى فبالتالى مش هينفع نعيش بالموتوسيكل ولازم اخطط لشراء سيارة و كمان ماعيش فى الوقت الحالى اكتر من 2000 جنيه و محتاج الموتوسيكل ضرورى اذا الحل اجيبه قسط
https://encrypted-tbn0.gstatic.com/i...Fo9T5r04ZD9JRA[/frame]
بحثت كتير عشان احدد نوع و سعر الموتوسيكل اللى هشتريه و كنت محتار بين السكوتر و انواعه و الموتوسيكلات العادية و انواعها
و كانت معلوماتى عنهم جميعا لا تزيد عن معلوماتى عن اللغة الصينى
https://encrypted-tbn1.gstatic.com/i...RC7EAa0QYdzdlr
بفضل البحث فى منتدانا الغالى هنا و فى غيره :018A1D~146::018A1D~146:
قررت على انى اشترى اسكوتر لانه اكثر امانا للمبتدئين و هادى و مريح فكان الاختيار لسكوتر
SYM Fiddle II
http://www.nileup.com//uploads/images/s77cad92ca0.jpg
كان نوع مضمون و ارخصهم و شيك و جت مشكلة تمنه و بعد بحث مضنى مالقتش حد بيبيعه قسط الا على 3 شهور تقريبا المهم ما نفعش معايا :N_no[1]::N_no[1]:
بدأت الميزانية هى اللى تتحكم فى الاختيار فبدأت اتجه بتفكيرى للموتوسيكلات و اطمنت لما الاخوة قالوا بدال بتعرف تسوق عجل و عربيات مش هتواجه مشكلة و هتتعلم بسرعة (الحمد لله هو ده اللى حصل) و هنا بدأت رحلة بحث جديدة و مقارانات و قراءات و اسئلة الى ان توصلت ان البجاج هو الافضل بكل المقاييس من كل انواع الصينى
و بما ان الميزانية هى الامر الناهى اخترت اقلهم سعرا و هو البوكسر لانه بإذن الله هيقضى الغرض و سعره حنين
و هنا كانت رحلة البحث عن القسط و اتصالات و رحلات مكوكية شرقا و غربا و فعلا اغلب محلات القسط دلوقتى بيبيعوا اغلب انواع الموتوسيكلات الصينى و بعض البجاج بس للاسف بزيادة خيالية لدرجة انى رحت لمحل عندنا فى فيصل بيبيع بجاج بوكسر على سنتين بحوالى 10000 جنيه وهو كان
سعره 5700 فى وقتها
قلت لا هدور تانى و بعدها توصلت لشركة مشروعى و هى تابعه لشركة غبور نفسها و بصراحة نظامهم كويس و اتصلت بيهم و حضرت ورقى و الضامن و مفردات المرتب و وصل النور و كله و رحت و قعدت مستنى دورى الى لحظة الفراق
عنيا قرأت فى لوحة قدامى شرط من شروط تعاقد التقسيط انه بيتكتب فى العقد غرامة تأخير مش عارف كانت كام لكن مفرقتش لانى عارف من الاول ان كتابة غرامة التأخير فى العقد يبطله شرعا و لا يجوز كتابة او تحصيل ما يسمى بغرامات التأخير فدار حوار بينى و بين المحاسب المسئول و طبعا كالعادة قالى انت خايف ليه بدال مش هتتأخر قلتله انا مش خايف من الفلوس و لو عايزين تزودوا فلوس على القسط فى مقابل ان البند ده يتشال من العقد انا موافق قالى لا ما ينفعش و انتهت المقابلة و مشيت و انا اجر خفى حنين و لكنى املك فى قلبى الرضا عن نفسى و اشعر بحلاوة التعب فى البحث عن الحلال
و خرجت من جديد لابحث عن طريق وحل وانا واثق ان الله سيوفقنى طالما ابحث عن الحلال و فعلا فى نفس الايام توصلت لمحل اسمه الحاج عبد الغفار يبيع موتوسيكلات بجاج عندنا فى بولاق الدكرور و الدنيا اتسهلت الحمد لله و اخدتها منه بسعر معقول على سنتين و اهى ماشية و فى التليين و هنبدأ نعدى الستين:10D5C8w1107:
يا رب يكرمنا كلنا الى ما يحب و يرضى
يا رب اى معلومة تفيد حد بيدور عن اى حاجة
