س يا جماعه انا ابني لسه بيتعلم السواقه وهو في شهر 8السنادي هيجب 19 سنه وانا عايز اجبله عربيه رخيصه اوي عشان يتعلم فيها بس ياريت تون في حدود من الفين ونصف الي 5 تلاف جنيه وتقبلو تحاتي
عرض للطباعة
س يا جماعه انا ابني لسه بيتعلم السواقه وهو في شهر 8السنادي هيجب 19 سنه وانا عايز اجبله عربيه رخيصه اوي عشان يتعلم فيها بس ياريت تون في حدود من الفين ونصف الي 5 تلاف جنيه وتقبلو تحاتي
مفيش عربيه بالسعر ده الا السيات 133
ودي حيتعلم فيها ميكانيكا مش سواقه (:
ربنا يخليه لحضرتك ويخليك ليه ويفرحك بيه
ممكن تزود شويه وتجيبله لادا اوكا او 127
فعلا لو جاب سيات هيتعلم ميكانيكا هههههههه
ممكن حضرتك يتعلم فى اى مركز تعليم وبعد كدا يكون المبلغ اكبر وتجيبى له عربية كويسة
بص بلاش احسن تجيب عربيه بالسعر ده عشان حتبهدل نفسك و تصرف عليها اكتر من تمنها 4 مرات
يا فندم انت بالمبلغ ده ناوى تعزبه مش تعلمه سواقه
هوة حضرتك بتهزر ؟؟!! دة التوك توك مستعمل وحالتة زبالة بيعمل 10 الاف مفيش غير فيات 127 من 10 الاف وممكن تزود ل 12 وتجيب فيات 128 ودي هتكون افضل بكتير انما المبلغ الي حضرتك كاتبة دة ميجبش حتي موتسيكل صيني
بلاش تجيبله عربيه بالسعر ده احسن حاجه هاتله عربيه محترمه فى حدود 25 الف جنيه جولف او 35 وفيات سيينا ده لو ناوى تجيب لكن غير كده يبقى هيتعذب ومش هيدعيلك
انا مش هازود على اللى الشباب قالوه لكن بجد مفيش عربية بالسعر ده يقدر يتعلم عليها سواقة
لكن كحل من الحلول علشان منبقاش قفلنها خالص
طبعا فيه مدارس سواقة كتير خصوصا لو انت من القاهرة وبيعلموا فيها السواقة على مدار اسبوع ب حوالى 400 جنيه وحضرتك ممكن تشوف اقرب مركز فى منتطقتك وتسال عليه
او فى حل تانى وده حد قريبى عمله من قريب
اتفق مع سواق تاكسى من المنطقة انه يديله 100 جنيه فى اليوم لمدة 5 ايام يعنى 500 جنيه ويطلعوا فترة الصبح وفترة بليل وعلى سرعات و طرق مفتوحة ووسط البلد وفعلا خد خبره كبيييييرة فى خلال وقت قليل وبالممارسة على عربيته الدنيا اتظبتط
العربيات المتوفرة فى حدود 5000 جنية 128 زستافا او 126 فيات او 1100 فيات وفية عربيات كانت تاكسى اصلا وقلبت ملاكى اغلبها لادا و124 و 125 وممكن تلاقى فولكس بيتلز (الخنفسة ) كمان بس اغلب العربيات دى بتبقى متهانة وبارومات ومحتاجة يتصرف عليها على الأقل 5000 كمان علشان تمشى كويس فانت لو تقدر تكملهم 10000 ممكن تلاقى عربية كويسة ماشية بدل الصرف ووجع القلب وربنا يقويك ويخليلك ابنك !!