علامة عربيتي البيرسونا اتسرقت الخلفيه اللي بتبقى على الشنطه ومنظر العربيه بقى سيء جدا
ياترة بتتباع بكام وفين أكيد بتبقى غاليه مادام بيسرقوها ولو مش أصليه يبقى أحسن أصل مش كل شويه هايسرقوها بقى
وشكرا ليكم
عرض للطباعة
علامة عربيتي البيرسونا اتسرقت الخلفيه اللي بتبقى على الشنطه ومنظر العربيه بقى سيء جدا
ياترة بتتباع بكام وفين أكيد بتبقى غاليه مادام بيسرقوها ولو مش أصليه يبقى أحسن أصل مش كل شويه هايسرقوها بقى
وشكرا ليكم
العلامه دى بتقلقيها على معظم العربيات النقل و الميكروباصات
شوف اى حد بتاع اكسسوار حتلاقىها فى حدود 100 تقريبا على حد علمى
حال معظم عربيات ألفاروميو فى مصر بس عندنا فيها مياه الدهب مش عارف بالنسبة للبروتون ايه
وممكن تلاقيها عند بتوع الاكسسوارات او تاجر استيراد يخلعهالك من باب شنطة عنده
طيب هوه مفيش حل نعمله يمنع الحرامى انه يعرف يفكها
مثلا لو هى فيها مسمارين نحطلهم صامولتين من جوه الشنطه
ممكن تلاقيها في التوفيقية عند محل اسمة الامير دا متخصص قطع غيار بروتون ودا هاتلاقية في شارع سليمان الحلبي
لاقيتلك رقم التليفون الخاص ب الامير اللى في سليمان الحلبي ممكن تتصل تتأكد من وجودها قبل ماتروح
رامي : 01224453809-- ادوار : 01229801362
بص يا غالى .. أنا إتسرقت منى من حوالى 4 شهور .. و قعدت أدور عليها كثير جداً .. وبعد ما دخت عليها السبع إلشتريتها بحولى 350 جنيه بالعلامه ...
إمبارح إتسرقت من تانى .. ولاد الكلب سرقوها لتانى مره .. أنا هتفقع :( :( :( :(
نصيحه أخويه لو ناوى تشتريها لازم تخليها معيوبه علسان ما تتسرقش .. مثلاً ممكن تقطعها 3 أطراف و تحطهم جنب بعض .. شكلها هيبقى وحش بس مش هتتسرق
ممكن تحط فيها 3 مسامير بصاموله .. أى حاجه ماتخليهاش تتسرق
لكن لو عملت زيى و إشتريتها .. هتتسرق تانى .. حاجه وسخه
ياباشا ماتدوخش نفسك اطلع علي اي محل اكسسوار مكروباصات ونص نقل هتلاقيها ب75 جنيه اه والله موجوده بالسعر ده ماتشتريش الاصليه لتن اللي سرقها علشان يحطها علي نص نقل
يا باشا نص العربيات ايلي في البلد بيسرقو منها علي الماشي كدة الطاسات والعلامة ايلي ورة
انا اسرق مني العلامة ايلي ورة و2 طاسة مع اني كنت مركبلهم كوليهات بس ما جبتش غيرهم تاني وشلت كمان الطاستان التانيين في الشنطة
حسبي الله ونعم الوكيل
ألمشكله يا جماعه ان الى بتتباع ب 75 جنيه .. مابتبقاش عدل .. بتيجى هته واحده مستقيمه .. مش بومباى زى الشنطه عندنا .. و علشان كده مش بتركب كويس .. أنا غالباً هجيب التقليد الصينى و هخرمها بمسامير بصاموله و أركبها ..