استفسار بخصوص استهلاك بنزين السيريون

**bmya** · 29-08-2008 04:31 PM

السلام عليكم
انا عربيتي عامله دلوقتي 3000 كيلو فقط
بس بقالها فتره استهلاك البنزين فيها عالي اوييييييييييي
يعني كانت ساعات متوسط الاستهلاك بيبقي 5.5 /100كيلو
ولما كان يبقي زايد يبقي 6 :6.4
دلوقتي الاستهلاك دايما عالي بيوصل ل 9.3 ولما ينزل اوي واقول انا كده مفيش استهلاك يبقي 7.5 مع ان انا مش بقرص خالص
وفيه حاجه غريبه انا دايما بسيب العربيه لحد اخر شرطه في البنزين واحوط صفيحه
اول ماحوط الصفيجه الاستهلاك بيبقي هبل بيبقي 20:25 ويفضل ينزل ينزل لحد ما يثبت علي 6.5 مثلا وبعدين لو ركنت العربيه شويه وجيت مشيت بعدها الاستهلا يطلع بقه يبقي 8.5 ويفضل كده
ياتري ده ايه بقه ولا اعمل ايه

**ows212** · 30-08-2008 02:04 AM

المشاركة الأصلية كتبت بواسطة bmya

السلام عليكم
انا عربيتي عامله دلوقتي 3000 كيلو فقط
بس بقالها فتره استهلاك البنزين فيها عالي اوييييييييييي
يعني كانت ساعات متوسط الاستهلاك بيبقي 5.5 /100كيلو
ولما كان يبقي زايد يبقي 6 :6.4
دلوقتي الاستهلاك دايما عالي بيوصل ل 9.3 ولما ينزل اوي واقول انا كده مفيش استهلاك يبقي 7.5 مع ان انا مش بقرص خالص
وفيه حاجه غريبه انا دايما بسيب العربيه لحد اخر شرطه في البنزين واحوط صفيحه
اول ماحوط الصفيجه الاستهلاك بيبقي هبل بيبقي 20:25 ويفضل ينزل ينزل لحد ما يثبت علي 6.5 مثلا وبعدين لو ركنت العربيه شويه وجيت مشيت بعدها الاستهلا يطلع بقه يبقي 8.5 ويفضل كده
ياتري ده ايه بقه ولا اعمل ايه

واضح ان حضرتك بتحسب استهلاك البنزين من العداد وده مش هايكون دقيق الأ لو انت عامل مسافة كبيرة وحاسب معدل الأستهلاك للمسافة كلها
لو عايز تحسبها صح استنى اول ما توصل للشرطة الأخيرة وشوف العداد عام كام كيلو ومون صفيحة واول ماتوصل للشرطة الأخيرة شوف العداد كام والفرق هايبقى هو الأستهلاك يعنى لو الفرق300كيلو يبقى الأستهلاك 6.6 لتر لكل 100 كيلو

**bmya** · 30-08-2008 03:48 AM

والله يابو عبدالله انا كنت غالبا بحوط من موبيل وكان الاستهلاك عادي خالص
فجأه كده بقه زي مابقولك كده
وانا لسه راجع من المنصوره وحاطط صفيحه من الوطنيه بس برده الاستهلاك 8 لتر لكل 100 كم
وبعدين العربيه بقول لحضرتك لسه يدوب جايبه ال3000 يعني الرشاشات ملحقتش تكتم

الاخ اوس212 انا كل ماحوط صفيحه بصفر عداد التريب وبحسب الصفيحه عملت كام
بس انا بتكلم علي عداد الاستهلاك بتاع البنزين مش الكيلو

**أبو عبدالله** · 30-08-2008 12:26 PM

لا الرشاشات ممكن تكتم من بنزينه يكون بنزينها زفت

ويا على الأفضل انك تحسب كميه مش بالشرطه علشان تبقى دقيقة بالظبط
كل ما الكميه تبقى اكبر كل ما الحساب يبقى افضل وادق

**Qamar** · 30-08-2008 12:35 PM

أفضل طريقة لحساب استهلاك البنزين من رأيي هي انك تفول للآخر (تشوف البنزين بنفسك في رقبة التانك) و تاخد قراءة العداد وبعدين تعمل نفس التفويلة (لآخر رقبة التانك) و تحسب الفرق.
الرأي ده سببه ان العداد ساعات مابيكنش دقيق. اللانسر بتاعة والدي بتعمل 40 كيلو بعد التفويل و المؤشر لسه بيقول انك full tank.
اقسم عدد الكيلومترات بين التفويلتين علي عدد الليترات في التفويلة الثانية و حط في اعتبارك كنت ماشى في وسط البلد ولا على السريع.

**أبو عبدالله** · 30-08-2008 12:41 PM

المشاركة الأصلية كتبت بواسطة Qamar

أفضل طريقة لحساب استهلاك البنزين من رأيي هي انك تفول للآخر (تشوف البنزين بنفسك في رقبة التانك) و تاخد قراءة العداد وبعدين تعمل نفس التفويلة (لآخر رقبة التانك) و تحسب الفرق.
الرأي ده سببه ان العداد ساعات مابيكنش دقيق. اللانسر بتاعة والدي بتعمل 40 كيلو بعد التفويل و المؤشر لسه بيقول انك full tank.
اقسم عدد الكيلومترات بين التفويلتين علي عدد الليترات في التفويلة الثانية و حط في اعتبارك كنت ماشى في وسط البلد ولا على السريع.

كلام مظبوط فعلا
ولكن هو عموما في غالب العربيات بيبقى مثلا التانك لو 40 لتر
لو مليته لحد رقبة التنك تأكد ان فيه 3 لتر على الأقل زياده
لأن التانكات بتبقى زياده عن الطبيعي بتاعها 3 لتر علشان يبقى في احتياطي على تقديرك انت علشان لو مشيت بالعربيه وهيا على الأحمر مثلا حتى لو طولت هتمشي معاك اكتر لأن فيه 3 لتر زياده

وعلشان كده العربيه بتمشي معاك 40 كم زياده لما تفولها لحد الرقبة لأن ده بيبقى زياده عن حجم التانك اللي انت تعرفه

**معاذ الشرباصى** · 30-08-2008 03:15 PM

المشاركة الأصلية كتبت بواسطة Qamar

أفضل طريقة لحساب استهلاك البنزين من رأيي هي انك تفول للآخر (تشوف البنزين بنفسك في رقبة التانك) و تاخد قراءة العداد وبعدين تعمل نفس التفويلة (لآخر رقبة التانك) و تحسب الفرق.
الرأي ده سببه ان العداد ساعات مابيكنش دقيق. اللانسر بتاعة والدي بتعمل 40 كيلو بعد التفويل و المؤشر لسه بيقول انك full tank.
اقسم عدد الكيلومترات بين التفويلتين علي عدد الليترات في التفويلة الثانية و حط في اعتبارك كنت ماشى في وسط البلد ولا على السريع.

فعلا احسن طريقة انك تفول لحد الزور, و تحسب عدد الكيلومترات, و بعدين لما تفول تانى, يبقى برده لحد الزور

و تشوف المسافة اللى قطعتها و عدد اللترات

الارقام بتاعت متوسط استخدام البنزين مش دقيقة خالص, متعتمدش عليها

انا مرة كانت مكتوبة انها 9لتر/100 كم, و ساعتها كنت مسافر و عاملة معايا فوق ال 300 كم فى الصفيحة

اعتمادك يكون على الارقام احسن

غير برده بتفرق الطرق اللى انت ماشى فيها, و بتمسى على اى نقلة اكتر, و خلافه....

جرب و قول لنا

**MoToRiZeR** · 30-08-2008 05:05 PM

انا عملت أرقام غريبة مع العربية بصراحة يا جماعة

يعني مرة عملت معايا 350 في تفويلة (مش صفيحة)
و العادي بتاعها حوالي 450 .. 500

و مرة عملت في تفويلة واحدة 850 كيلو !!

فا انا شايف إنه حسب المكان و الطريق

اما ببقي في وسط البلد و مكان زحمة و كل شوية أقف و أجيب الأول و أقف و أجيب الأول الإستهلاك بيبقي عااااااااالي جدا ... إنما انا اما جربت العربية في سفر عملت 850 كيلو في التفويلة بالتكييف ..

-

-

الموضوع: استفسار بخصوص استهلاك بنزين السيريون

LinkBack

أدوات الموضوع

عرض

استفسار بخصوص استهلاك بنزين السيريون - انشر الموضوع فى :

-

-

-

-

-

-

المواضيع المتشابهه

استفسار بخصوص استهلاك البنزين

استفسار في استهلاك بنزين كيا ريو 1600 سي سي

استفسار لملاك السيريون xl او gl بخصوص مكان السي دي

استفسار بخصوص استهلاك البنزين للجين 2

سؤال بخصوص استهلاك بنزين الفيرنا

الكلمات الدلالية لهذا الموضوع

المفضلات

المفضلات

ضوابط المشاركة