بيجو 301 موديل 2014 البيزلاين (الفئة الثانية)

السلام عليكم ورحمة الله وبركاته ..

انا اسمى محمد عضو جديد معاكو هنا ودى أول مشاركه ليه .. أنا متابع الموقع بقالى فترة من وقت للتانى ومعجب جدا بالمنتدى وبالنظام هنا وأتمنى تتقبلونى واحد منكم ..

أنا نويت أشترى بيجو 301 موديل 2014 البيزلاين وكنت محتاج مساعدة أهل الخبرة هنا ف معرفة بعض التفاصيل خصوصا انى أول مرة أشترى سيارة , وكنت سمعت ان البيجو 301 سيارة اقتصادية ومن أفضل الصفقات فى السوق حالياً فضلاً عن سمعة البيجو أصلا كسيارة أوروبى ليها مواصفات اوروبية مينفعش تقل عنها عشان كده انا متحمس جداً ليها ..

وعشان أنا أول مرة أشترى سيارة سواء مستعمل أو جديد فأى معلومة هتفيدنى جداً وهتبقى بالنسبالى معلومة جديدة .. معلش بقا انا شكلى كده هتعبكو معايا اليومين اللى جايين دول بس كله بثوابه :d واحنا فى شهر كريم وكل عام وأنتم بخير :)

من فضلكم كنت محتاج أعرف ايه الأوبشنز كلها اللى موجودة فى البيزلاين , وايه أفضل أروح أشترى من التوكيل ولا أشترى من موزع معتمد ولا أشترى من معرض عادى (لو فى ترشيح أشترى من مكان معين يبقى أفضل) , ايه الإجراءات البنكية اللى بتم وبمضى على ايه بالظبط لو هشترى قسط , اجراءات التسليم والمعاينة قبل التسليم .. معلش بقا استحملونى .. شكراً مقدماً على سرعة الاستجابه والإهتمام :)

[SIZE="5"]مبروك عليك وانشاء الله تكون العربيه المناسبه ليك ماديا واقتصاديا
شوف اللينك ده
[http://www.nilemotors.net/Nile/359777-301.html/SIZE]

http://www.nilemotors.net/Nile/212403-a.html#post3873413272

اقتباس:

---

المشاركة الأصلية كتبت بواسطة hano_elbeh

[size="5"]مبروك عليك وإن شاء الله تكون العربيه المناسبه ليك ماديا واقتصاديا
شوف اللينك ده
[http://www.nilemotors.net/nile/359777-301.html/size]

---

شكرا جزيلا على اهتمامك والموضوع اللى انت اشرت اليه مهم جدا وهيفدنى فى استلام السياره

فين ياشباب الردود والمساعده ؟!!

عموما أنا كنت انهاردة عند سمير ريان عشان اشوف البيجو 301 عالطبيعة ولقيت عنده اللون الأبيض فى العرض وسعرها 124.000 + 4.000 اوفر برايس , بس المندوب اللى كان معايا خوفنى منها وقالى ان التكييف بتاعها ضعيف وعرض عليا أشترى كيا ريو سيدان جنوط سبور وفتحة سقف عاملة 135.000 وقالى انها أحسن من البيجو وانا بصراحة مش قد كده فى العربيات وكان ردى عليه ان البيجو 301 لسه جديدة ولسة متجربتش أوى عشان يحكم عليها بس انا بردوا برجعلكو عشان تطمنونى قبل ما اشترى ايه رأيكو اشترى بيجو 301 ولا كيا ريو سيدان والفرق بينهم 7000 .. وهل فعلا التكييف بتاع البيجو ضعيف ولا المندوب ده ميعرفش وبيقول اى كلام ؟؟ انا انهاردة لما فتحت البيجو وفتحت الكيا ريو لقيت ان الصالون بتاع البيجو أكبر بشكل ملحوظ وبردوا الشنطة بتاعت البيجو اكبر وشكل البيجو عاجبنى أكتر .. أنا محتار جداااا بعد زيارة سمير ريان انهاردة وعايز اعرف ايه الصح ؟!!!

اقتباس:

---

المشاركة الأصلية كتبت بواسطة tom hanks

فين ياشباب الردود والمساعده ؟!!

عموما أنا كنت انهاردة عند سمير ريان عشان اشوف البيجو 301 عالطبيعة ولقيت عنده اللون الأبيض فى العرض وسعرها 124.000 + 4.000 اوفر برايس , بس المندوب اللى كان معايا خوفنى منها وقالى ان التكييف بتاعها ضعيف وعرض عليا أشترى كيا ريو سيدان جنوط سبور وفتحة سقف عاملة 135.000 وقالى انها أحسن من البيجو وانا بصراحة مش قد كده فى العربيات وكان ردى عليه ان البيجو 301 لسه جديدة ولسة متجربتش أوى عشان يحكم عليها بس انا بردوا برجعلكو عشان تطمنونى قبل ما اشترى ايه رأيكو اشترى بيجو 301 ولا كيا ريو سيدان والفرق بينهم 7000 .. وهل فعلا التكييف بتاع البيجو ضعيف ولا المندوب ده ميعرفش وبيقول اى كلام ؟؟ انا انهاردة لما فتحت البيجو وفتحت الكيا ريو لقيت ان الصالون بتاع البيجو أكبر بشكل ملحوظ وبردوا الشنطة بتاعت البيجو اكبر وشكل البيجو عاجبنى أكتر .. أنا محتار جداااا بعد زيارة سمير ريان انهاردة وعايز اعرف ايه الصح ؟!!!

---

إللى قالك كده ما يعرفش حاجه عن العربية و لا حتى جربها... أنا جايب عربييتين هايلاين من عند سمير ريان و عارف إن العربيات دى بتبقى متباعة من قبل ما توصل أصلاً المعرض و خصوصاً الهاى لاين و لو لقيت عنده بيبقى البيزلاين فقط يعنى مش بيلحقوا أصلاً يجربوها و حتى مندوب المبيعات إللى عنده كان بيسألنى أنا على مواصفات العربية و ماكنش عارف حتى ينور نور الفوجات و إحنا بنستلم العربية .

التكييف فى العربية البيجو ال 301 دنسو يابانى و أكثر من ممتاز.. ياريت حضرتك تسألة كده على الكيا ريو إللى ب 136 ألف إذا كان حتى فيها إيرباج أو فرامل abs !!

الفئة الوحيدة إللى فيها إيرباج و abs فى الريو سعرها 148.000 جنيه و ليست فى قوة ماتور البيجو أو وسع البيجو .

الفكرة إن فيه عربيات بيعرفوا يطلعوا منها مصالح لأن سعرها متفاوت و لو رخص فى واحده بيعوضها فى التانية لكن البيجو ال301 سعرها معروف و الكميات بتاعتها فى السوق لسه مش كتيرة لأن الحجوزات كبيرة و الشركة جابت شحنه أو إتنين و ديتهم على المعارض و الناس إللى فى التوكيل لسه مستنيه و الصراحة العربية ضربت عربيات كتيرة فى السعر علشان كده هوه من مصلحته يبيع إللى عنده منه كتير .
البيجو ال 301 البيزلاين حتى فيها 2 إيرباج و abs لأن دى مواصفات أوربية و عناصر الأمان فيها أساسية و ليست كماليات مثل السيارات الكورى .

اقتباس:

---

المشاركة الأصلية كتبت بواسطة mohjarr

إللى قالك كده ما يعرفش حاجه عن العربية و لا حتى جربها... أنا جايب عربييتين هايلاين من عند سمير ريان و عارف إن العربيات دى بتبقى متباعة من قبل ما توصل أصلاً المعرض و خصوصاً الهاى لاين و لو لقيت عنده بيبقى البيزلاين فقط يعنى مش بيلحقوا أصلاً يجربوها و حتى مندوب المبيعات إللى عنده كان بيسألنى أنا على مواصفات العربية و ماكنش عارف حتى ينور نور الفوجات و إحنا بنستلم العربية .

التكييف فى العربية البيجو ال 301 دنسو يابانى و أكثر من ممتاز.. ياريت حضرتك تسألة كده على الكيا ريو إللى ب 136 ألف إذا كان حتى فيها إيرباج أو فرامل abs !!

الفئة الوحيدة إللى فيها إيرباج و abs فى الريو سعرها 148.000 جنيه و ليست فى قوة ماتور البيجو أو وسع البيجو .

الفكرة إن فيه عربيات بيعرفوا يطلعوا منها مصالح لأن سعرها متفاوت و لو رخص فى واحده بيعوضها فى التانية لكن البيجو ال301 سعرها معروف و الكميات بتاعتها فى السوق لسه مش كتيرة لأن الحجوزات كبيرة و الشركة جابت شحنه أو إتنين و ديتهم على المعارض و الناس إللى فى التوكيل لسه مستنيه و الصراحة العربية ضربت عربيات كتيرة فى السعر علشان كده هوه من مصلحته يبيع إللى عنده منه كتير .
البيجو ال 301 البيزلاين حتى فيها 2 إيرباج و abs لأن دى مواصفات أوربية و عناصر الأمان فيها أساسية و ليست كماليات مثل السيارات الكورى .

---

تمام تمام متفق معاك تماما وحضرتك كده طمنتنى من ناحية التكييف ومن ناحية العربية بشكل عام .. عايز أقول انك عندك حق فى انهم مش عارفين حاجة عن العربية وعايزين يبيعوا من العربيات اللى سوقها وقف بعد البيجو واللى عندهم منها كتير وفى موقف حصل انهاردة بيأكد كلامك .. وهو بيحاول يخلينى أصرف نظر عن البيجو قالى دى قطع غيارها غاليه جدا روحت مسكته بقا فى النقطة دى وقولتله انت عارف الأسعار ولا بتقول كده قالى لأ البيجو معروف .. قولتله يعنى مثلا التيل عامل كام قالى فى حدود 1000 - 1500 وطبعا انا كنت قريت عن الأسعار هنا فى المنتدى فقولتله انا عارف ان التيل فى حدود 400 - 500 ميزيدش عن كده فسكت ودخل فى التكييف وهكذا لحد اما قولتله خلاص ياعم لسه هفكر وأختار ما بين ال 301 والريو ومشيت .. الحمد لله على كل حال وانا كده بقيت متمسك أكتر بالبيجو 301 .. شكرا يا mohjarr باشا على التوضيح ,,

كنت بفكر أشترى العربية استلام فورى من معرض ب أوفر برايس بس قولت التوكيل أضمن و انا كده كده مش مستعجل , وروحت إنهاردة للتوكيل فى صلاح سالم وكنت بفكر أحجز البيزلاين بس الهاى لاين عجبتنى أكتر خصوصا فرق الأوبشن والجنوط أكبر بكتير من فرق السعر بين العربيتين فتوكلت على الله وحجزت البيجو 301 هاى لاين واختارت اللون الفيرانى والمندوب قالى ان الإستلام هيكون بعد شهرين تقريبا .. يامسهل الحال يارب .. منتظر اليوم اللى هستلم فيه العربية بفارغ الصبر ... ربنا يخليكو ليا ياشباب منتدى بيجو ومتحرمش منكو أبدا , انا مدين ليكم بعد ربنا بالفضل فى اختيار العربية دى وفعلا هى تستحق كل جنيه مدفوع فيها :)

هي الهاي لاين بيجو 301 عامله كام ؟؟
فرق بينها و بين البيزلاين قد ايه في السعر ؟!

:Ka_che1[1]::Ka_che1[1]:

اللى قالك الريو افضل من 301 دا فعلا ما بيفهمش اى حاجه كفايه صاجها الوردق ناهيك بقى ان مافيهاش اى وسائل امان والسوق حاليا كله بيطلب 301 لانها افضل عربيه فى فئتها تكييفها قوى ثباتها محترم بقاعده عجلات 2.65م صالون واسه شنطه كبيره استفاده كامله من المساحه واوبشن محترم بس لو هاتجيب بيزلاين اوتوماتيك هاتها هاى لاين افضل وفرق السعر يستاهل بجد 126000 ل138500 مش كتير وهاتها من التوكيل ماتجيبهاش من المعارض وانت اولى بفرق السعر تأمن بيه عالعربيه وتضمن تستلم الورق بتاع العربيه مع العربيه مش معرض يغلبك عقبال ما يطلعلك ورقها والتوكيل هاتستلم منه فى خلال 40 يوم والمعارض ولو باوفر برايس هاتستلم بعد اسبوعين مش فورى زى ما بيقولوا ...توكل على الله وهاتها ثفقه راااااااااااااااابحه بجد معايا منها المانوال وما شاء الله ولا اى شكوى