ايه دا ؟؟؟؟؟
دا انا مش لوحدى
اخير لقيت حد تانى مش عاجبه شكل الالنترا :satelite:
[QUOTE=monamize4;3875108002][COLOR=Black]ايه دا ؟؟؟؟؟
دا انا مش لوحدى
اخير لقيت حد تانى مش عاجبه شكل الالنترا :satelite:
[/COLOR
لا والله انا فعلا مش مبهور بيها من اول ما نزلت... زي ما بقولك تحس انها تقليد (رديء) للسوناتا من برة... تحسها (مكعبرة) كدة على عجل صغير... نفس فكرة الاكسنت ار بي جنب الالنترا نفسها!!
انما السيراتو فعلا تحسها متناسقة اكتر (ومتكلفة زيادة)... حتى من جوه السيراتو اشيك ووضع الجلوس والرؤية فيها احسن...
الالنترا شكلها احلي من السيراتو... بحس بالعبقريه في تصممها:camera2: ناقصها بس فوانيس ليدات ورا و تبقي رهيبه
لو سمحت يا جماعه صفاره ونستني ياريت نجرب الاتنين في مشيهم علي الطريق هنلاقي فرق انا مجرب الاتنين وفي فرق شاسع في الجلوس وتوزيع التكييف وكل حاجه والله يخربيت انجرفات التيرات في السوق الالنتر عربيه جميله وشكلها جديد انما مش ثوري زي السيراتو كفايا فرش الاضاءه علي الطريق ولا اضائه الفنتازيا انا مقتنع تماما بشكل ومضمون السيراتو ولو سمحت نحط تحت الثبات مليووووووووووون خط لو سمحت ماحدش يسأل حد عن عربيه يروح يجربها وقطع الغيار يسأل في المحلات الاكسسوار وبعد كده يعقلها ويتوكل ويقول الرأي وفي الاخر فعلن مصر فيها اسوء سوق سيارات في العالم علشان يخلي وحوش زي الماتسوبيشي الشارك والسوبارو الامبريزا الي ليهم قمه وسوق في كل دول العلم الا مصر
هوه الراجل ما يقصدش سوق بمعنى (مبيعات اكتر)... هوه يقصد احترام الناس برة للامبريزا والشارك اكبر بكتير... ومش القصد هنا التقليل من احترام الكيا والهيونداي ابدا... بس عنك مثلا الميتسوبيشي والسوبارو اخدوا جوايز عالمية في السباقات على عكس مجموعة كيا هيونداي اللي لسة قدامهم كتيييير في الاتجاه ده...
وبعدين على فكرة شوف مبيعات الامبريزا ومبيعات الشارك بنسختيها الgt والايفولوشن (برة مصر طبعا) وانت هتعرف الناس بتحترمهم اد ايه... وشوف مبيعات الشارك والامبريزا هنا في مصر وانت هتعرف الراجل يقصد ايه....
الله ينور عليك يا استاز احمد بس في نقطه (لو في الاسعار )الكيا والهيونداي اغلي من فئات اعلي منهم واقيم منهم بمراااااااااااااااحل وبأمانه يا جماعه عن تجربه فعلن عن تجربه رينو الفلوينس والسوبارو الامبريزا وعلي القمه الماتسوبيشي الي فيهم فئات ارخص من الهيونداي والكيا الي كنت افضل ان العقليه الشرائيه كانت تفضل عربيات كتيييييييير زي دول عن الكيا والهيونداي انما ممكن ادفع 180 الف في الكيا ولا ادفع في الشارك او الامبريزا 160 هو ده انجراف ورا تيار السوق ثانيا نقطه قطع الغيار مش تفرض عليا اني قطع غيار غاليه انا ممكن اي حد مستورد يجيب القطع الغيار دي من الصين وعن شرط افرض علي المستورد يكون الكفأه افضل من الاصلي عن طريق مراحل التجربه والاختبار بدل ما انزل التوكيل واتنفخ طبعا كلكو هتهاجموني في موضوع الصين انا واحد معرفه بينزل مع تاجر من التوفقيه بيجيب اسؤ قطع غيار من هنا علشان المكسب يبقي اكبر وطبعا الصين دلوقتي ممكن اكيد تعمل شبيييييييييه الاصلي وافضل زي اجهزه السوني كلها في التوكيل صيني واجهزه حساسه جدا اكتر من قطع غيار السيارات .طبعا ماحدش يستورد قطع غيار الا ضامن انه هيبيعها وهيبيعها الزاي ومافيش حد راكب العربيه الا القليل والحكايه دي نسبيا في السكودا a5 معظم اجزا موجوده ليها صيني هي الجوده مش تمام لان العيب في المستورد انما دي دايره ومغلقه وبصراحه انا شايفها عيب في التفكيررررررررر عندنا وبعدين اخر نقطه انا عايز اتكلم فيها استغلال الموكلين عندنا .
في سؤال انا عاوز اسأله ايه الي نجح الكوري من الاساس في مصر ؟انه بيديك اوبشن الالماني وشئ من الاعتماديه والتكنولوجيا بأقل من نصف سعر الالماني واقل درجات عن سعر الياباني انما النهردا يكاد يكون الكوري بتمن الالماني يعني زي سيراتو وجيتا حتي لو كان الاوبشن ايه المهم الاعتماديه بمعناها كلمه الضمير في التصنيع يعني العربيه بتجيب تكليفتها وغير الربح الصافي النهردا في فرق بين الجيتا والسيراتو 35 الف جنيه بصراحه انا شايفها ده تخلف مننه والي بيفكر غلط
اسف اني طولت واسف انا مقصدش اني اهين فكر واو طريقه تفكير انا بقول علي شوفته في السعوديه والامارات ومصر بس اتمني اكون وصلت الرساله
كلامك صح واعتقد اغلب الناس عارفاه ومعترفة بيه... بس هنعمل ايه؟؟؟
الواحد بيفتكر لما كانت سوناتا 2010 بتتباع ب155000 للمانيوال و 17000 للاوتوماتيك... وعربية جباارة و 2000cc وكل حاجة... انما ييجي علينا يوم نلاقي ان السيراتو بقت ب196000 والالنترا ب183000 في حين ان الامبريزا اسبيشال اوردر ب180 والشارك الهايلاين ب168000؟؟؟؟ علشان ايه يعني؟؟؟؟ كل ده علشان الالنترا والسيراتو مبيعاتهم كانت كويسة في الشكل القديم... فليه لأ بقى؟؟؟ ايه المشكلة؟؟؟ عادي نزود سعرهم للسما السابعة واحنا عارفين ان الناس كده كده هتشتري...
حاجة مستفزة والله... برة مصر (في الدول المتقدمة تحديدا) في حاجة اسمها حماية مستهلك... والناس العاديين بيعملوا associations او societies لمواجهة جشع التجار (ان وجد اصلا)... يعني لو تاجر او مجموعة تجار قرروا من نفسهم (وده صعب) انهم يزودوا سعر سلعة معينة بشكل مبالغ فيه... بتلاقي الجمعيات دي بتشن حملات عنيفة جدا لمقاطعة السلع دي لحد ما التجار في الاخر يجيبوا ورا... انما هنا الواحد بيلحق يجيب السيراتو ام 196000 قبل ما تبقى ب200000... حاجة عشوائية فعلا...
لنا الله...