دلوقتي انا عملت بيها حوالي1300 كم وده تقييمي ليها:
* استلمتها الشهر اللي فات بعد طول مذاكرة ومقارنة مع السيراتو والنيو اكسنت وبيجو 207 والنيسان وهوندا سيتي وماتيريا وغيرهم بصراحة كنت مشدود للعربية جدا وكنت عارف عيوبها بس اهم حاجة عندي عناصر الأمان واللي اجمعت كلها فيGen2
*حاولت استنىface lift وكلمت ا.حبيب والنتيجة طبعا عارفينها
*المهم جبتها اخيرا وكانت عاملة حوالي 65 ك وقالولي ده عادي خاصة اني جايبها من العجوزة
*لما استلمتها كانت زرار المراية الشمال معلق لكن غيروه في الصيانة وكمان لمبة الشنطة مكنتش بتنور ودي برده عملوها على طول
*العدة كانت ناقصة لكن خدتها منهم تاني يوم
*المهم بعد حوالي اسبوع بدات اسمع تزييق لما رحت التوكيل عملوه وطلع من مفصلات الشنطة
*عندي نفس مشكلة صوت التزييق في الفرامل بالرغم اني قلتلهم عليه في صيانة الألف لكن لسه في صوت بسيط وهاروح تاني بكرة علشانه
*المشكلة التانية تامساحة اللي فوق الشنطة بتعمل صوت مع المطبات ولما بلغتهم في صيانة الألف ربطوها كويس لكن الصوت رجع تاني النهاردة يعني بعد اسبوع
* النهاردة كنت سايق على 130 صوت الموتور كانه بيزار بعد 3 rpm بس اكتشفت ان الطارة بتتهز مش عارف محتاجة يمكن ترصيص
*معنديش مشاكل تانية لكن انا بصراحة بحس اني مخنوق لما بحس فيها بأي حاجة جتى ولو هايفة لأني محسوك شوية بالنسبة للعربية ومش عايز اكرها لأني لغاية دلوقتي بتشد لما اشوف Gen 2 في الطريق
*بصراحة موظفين الميعات تعبانين لكن الصيانة المعاملة افضل ودغري اكتر غير بتوع المبيعات اللي مش فاهمين حاجة وبيلفوا ويدورواو نصيحتي للي يشتري لازم يكون فاهم كل حاجة عن العربية علشان هم ضايعين