نسيت اقولكم اني تقريبا
هاغير نص العفشة بعد المشوار ده :-(
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
السلام عليكم ورحمه الله
امس اول يوم رمضان بعد العشاء تلقيت خبر حادث لابن خال زوجتي على طريق المنوفيه ووفاة احدهم واصابة الثلاثة اخوة الاخرين
كتبت بوست سريع عشان كنت فاكر اني ممكن اسافر المنوفيه بليل كدة لكن الكل نصحني بالانتظار للصبح عشان انا عمري ممشيت في الطريق الزراعي للمنوفيه خاصة اني كنت رايح قرية زاوية رزين مركز منوف ودي حسب ما فهمت اخر المنوفية
المهم عملت حسابي اسافر الصبح بدري ولظروف انتظار ناس اتحركت من البيت 8 تقريبا وكنت متخيل مش هاخد اكتر من ساعتين بالكتير-على فكرة المسافة كلها 115 كم تقريبا
المهم كنا محتارين بين طريق القناطر باسوس -منوفية
ولا الطريق الزراعي -قويسنا شبين -منوفية
والتاني ده اللي مشيت فيه قالولي انضف كتير عشان مطبات قليلة وانا عربيتي واطية بنت واطية :-)
بليل لقيت واحد اعرفة وشوفته لمرة واحدة بس بيتصل ومكنش معايا رقمة والشخص ده حقيقي الفارس المجهول في الرحلة دي وبجد مش عارف اوفيه حقة في الشكر نهائي
محمد مصطفي قابلتة في اخر مقابلة لنايل موتورز في اليكس وبجد مش متخيل جدعنة اهل نايل موتورز كدة-هو في كدة
كل شوية الصبح يكلمني في التليفون-كل شوية وصلت فين وماشي معايا بيوصفلي كانه راكب جنبي
انا كنت معتمد على اني معايا بقي سايجك نافيجشن ونسخة اصلية بقي ومعايا خرايط مصر كلها
احب اقولك
بلها واشرب ميتها :-)
شافني في صحراء خضرا
نيههههههههههههههههههه
جوجل مابس اللي سدت بصراحة بس اوعي اوعي اوعي تعتمد على النافجيشن بتاعها
والله والله والله اخر مرة في شرم قولت اعتمد عليها واديتها احداثيات المكان بتاع الاوتيل دخلتني مكان تاني خالص بعيد 25 كم عن الاوتيل بتاعي وجت عند حمام السباحة لاوتيل حياة وتقولي Arrived :-)
لقتني واقف بالعربية جنب البسين والسياح بيبصولي باستغراب ايه اللي داخل بالعربية في الممر بتاع العربيات الكهربا اللي بتنقل السياح من الاوتيل للبسين ده
نيههههههههههههههههه
وخرجت من المكان باعجوبة اصلا
فاوعي تعتمد على جوجل نافجيشن :-)
المهم المرتين اللي محبتش ازعج فيهم محمد مصطفي تقريبا كنت ماشي جوة حوش بيت ناس ولولا الصيام كانو بيقول اتفضل شاي
وجوجل مابس شايفا ان ده طريق
نيههههه
خلصت الزراعي وطلعت كوبري قويسنا ومنها لشبين ويلا روح عالباجور ومنها لمنوف وبعدها زاوية رازين
بين كل نقطة والتانية من دول من 10 الى 15 كم
انا مشيت في ارياف كتير قبل كدة
وحتت المفروض انها ادغال في كفر الشيخ ونبروه وحاجات كدة رايح جاي عرض اربعه متر يعني واحد منكم لازم ينزل في التراب :-)
المرة دي الموضوع بشع بجد لسببين
الاول بشاعه السواقين
بجد ممكن يقتولك عشان يعدي..مش ببالغ عادي يشيلك جنب العربية او وانت عالمطب بتعدية براحة يزقك بالاكصدام :-) عادي ولا تتكلم :-) ولا الطريق رايح جاي 4 متر وتحت التراب عجلة عربيتي لو نزلت مش هاتطلع العربية اصلا فبقف وهو ينزل بطرف العجلة
لاء هو عندة استعداد يشيلك جنب عربيتك :-)
المشكلة وانا راجع من منوف لشبين الكوم مباشرة من غير ماسمع كلام محمد واعدي عالباجور :-(
دخلت في طريق من ال 5 متر رايح جاي لكن مفيش برة الطريق اصلا
لان اجناب الطريق بيوت :-) اه والنعمة الشريفة بيوت وعرض الطريق 5 متر واتصرف انت بقي :-)
حسيت وانا بهدي قدام مطب اني جوة البيت بتاع الناس :-)
والظريف ان مراتي واهلها عمرهم ما راحو البلد اصلا ولا يعرفوها :-) طب انا ذنب اهلي ايه :-)
حابب اذكر ان الحادث اللي رايحيين بسببه عربية نقل جاية في المقابل قبل الفطار بساعه وش في وش مارضيش يهدي او ينزل حاجة بسيطة اللي سايق فداه بدخول في كومة رمل او تبن معرفش سببت وفاة واحد وبهدلة التلاتة التانين
مش بقولكم سواقين النقل والميكورباص هناك سفاحين جد مش هزار
النقطة التانية بقي المطبات
لا ماتقولش مطبات
قول هضاب -قول تلال قول كتل طينية ممكن تغرس فيه
اجمل مطب حقيقي طلعتة ؟؟؟ ومانزلتش
مستغرب ليه
اه والنيعمة زي مابقولك كدة
العربية اتعلقت فوق نيهههههه
عارفين الخروف الصاحي بيتوزن ازاي ؟؟؟
بيربطوه من بطنه بحبل ويعلقوة في الميزان
عربيتي النهاردة حصلها كدة بالظبط
طلعت فوق والاربع عجلات اتعلقو في الهوا
نيهههههه
ومش عارف اعمل ايه وافرك وادي غيار واعمل اي حاجة ودي مش عايزة تتحرك والضحكة الرخمه بتاعت اللي حواليك مش عارف تحسهم شمتانين او مبسوطين
نيههههههههه
المهم اتصرفت ونزلت المدام تقعد مع اللي ورا وانا كمان نزلت فالعربية مالت لورا والعجلتين ورا لمسو الارض الحمد لله دخلت برجل واحدة واديت غيار خلفي وانا نصي برة العربية وهوووووب نطيت جبت ورا عشان ماتعلقش تاني وجبت طوبتين عديت بيهم المطب
وسط هيستريا ضحك اسود من اللي الفروض رايحين عزا :-)
وكنا خلاص على مشارف البلد
اربع ساعات من 8 الصبح وصلت مع اذان الظهر والرجوع في 3:5 عشان خدت خبرة بقي :-)
بجد طرق غير ادمية ولو الالمان شافو انا مشيت عربيتي فين هايعدموني بالبراطيش :-)
اينعم هما بيعملو اختبارات قاسية للعربية لكن ده ماينفعش فعلا
اخر حاجة هناك مستفزة قوي واوعي تضايق من التكاتك عندك في القاهرة هي التكاتك
مثال صغير
عارف الفرق بين الفار الصغير بتاع البيوت المهجورة وكدة اللي القط بتجري وراه في توم وجيري
ده تكتك القاهرة
تكتك الارياف بقي عامل زي الفار الصحراوي اللي بياكل القطط
نيههههههههه
ده الفرق اللي حسيته من العافية والجبروت وخاصة على الطرق السريعه وجاي في وشك عكسي ولا في دماغة ويقطع الطريق بالعرض ولا في دماغه وانت لازم توسعله :-)
بجد بجد انا مدخلتش طرق ريفيه من بعد الثورة اكبر ملحوظتين بجد سوء حال الطرق بشدة زي بقيت مصر لكن المطبات بقت على كيف كيفهم
والتانية السواقين مش طبيعين حسيت اني في بيت الرعب وخسرت نص صيامي بسبب اني كنت بشتم نص الشتيمة وافتكر الصيام ابلع النص التاني :-)
اخر نصيحة
العربيات الواطية ماتفعش في الارياف نهائي
والف الف شكر لمحمد مصطفي المنوفي الجدع اللي استناني ومشي قدام بالموتسيكل اكتر من 30 كم ويشاور على كل مطب اخد بالي منه ومكنش يعرف القرية واتصل وسئل وعرف وراح وداني لحد هناك وكان مصمم اني افطر عندة ومعلش المسج مجتش غير وانا عديتك عشان مكنش في شبكات هناك :-)
بجد بجد شكرا جزيلا ودي رجالة نايل موتورز بجد
اخر سؤال ليك يا محمد
هو انت منوفي بجد
نيهههههههههههه
ده لينك لخبر حادث عنيف على الطريق ده من كام شهر
http://www.shorouknews.com/news/view...9-6c3319091cc7
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
ههههههههههههههههههههههههه ههههههههههههه
محمد مصطفي من اجدع الناس الي قابلتهم في حياتي
هو منوفي البطاقه بس انما مش منوفي الطبع
حمد الله علي سلامتك يا كيمو
ولما يجيبك واجب عزا في مكان متعرفهوش
تاخد منهم العنوان بالتفصيل
وتنزل علي مكتب البريد تبعت برقيه عزا
ولو زعلوا انك مروحتش ابقي اعملهم قعده صلح وغدا عندك في البيت
حتوفر كتير في الموضوع ده
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
الحمد لله علي سلامتك يا كبير .... و تعيش و تشوف طرق مصر اللي انت مفكرها القاهرة
ابقي تعالي معايا مرة اخدت في اجازة عندنا في ارياف المنصورة لكن و للامانه حسب ما سمعت و شفت ان فعلا المنوفية و بعض اجزاء الغربية اسوء بمراحل من الدقهلية بحالها .... هنعمل ايه هي دي بلاد الفلول ..هههههههههههههههههههههه
م / إيهاب منصور
SEAT CORDOBA 2002 1.0 16V AVZ
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
رقم العضوية : 11292
تاريخ التسجيل : 22May2008
المشاركات : 236
النوع : ذكر
الاقامة : المنوفية
السيارة: Mazda 3 2008
السيارة[2]: kia picanto 2006
دراجة بخارية: لا
الحالة :
نورت منوف يا استاذ كريم
[img2]http://imageupload.org/thumb/thumb_127675.jpg[/img2]
رقم العضوية : 30583
تاريخ التسجيل : 20Jan2009
المشاركات : 2,294
النوع : ذكر
الاقامة : Egypt - Cairo , Canada - Alberta
السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3
السيارة[2]: BMW 320i 2002,BMW X5 2007,BMW X5 F15 2014
دراجة بخارية: نفسى اتعلم سواقتها
الحالة :
رقم العضوية : 16690
تاريخ التسجيل : 19Aug2008
المشاركات : 9,439
النوع : ذكر
الاقامة : الـــــ زقا زيـــــــ ق
السيارة: Classic BMW-79
السيارة[2]: Nubira-auto
دراجة بخارية: CBR600F4I-2006
الحالة :
تكاتك الأرياف فعلا .. كلهم مبرشمين ومابيعترفوش بالإتجاهات أو الأشارات أو أداب الطريق
والمطبات عندنا مابرتحمش..والطرق نفسها عقاب إلهي والله لكل من تسول له نفسه إنه يركب عربية زي خلق الله
حمدالله على سلامتك
[rmade]http://im58.gulfup.com/qswdwL.jpg[/rmade]
رقم العضوية : 22719
تاريخ التسجيل : 20Oct2008
المشاركات : 3,543
النوع : ذكر
الاقامة : Egypt
السيارة: none
السيارة[2]: Accent rb
دراجة بخارية: none
الحالة :
ابقى هاتلك حتة 4*4 و اركنها للمشاوير اللى من النوعية دى. . . الموقف بتاع التعليقة فى الهواء ده حصل فى موقف مشابه كنت ماشى فيه على طريق هلامى من النوعية اللى انت حكيت عنها و ورايا واحد قريبى بعربية سيدان. . . انا ماشى عادى و فجأة لقيت الناس عمالة تنزل من عربيته وقفت و نزلتله ايه يا عم الحكاية قالى لا ابدا اصل العربية بركت على الارض زى الجمل فاضطريت انزل الحمولة :-)
رقم العضوية : 34925
تاريخ التسجيل : 08Mar2009
المشاركات : 1,404
النوع : انثى
الاقامة : https://t.me/pump_upp
السيارة: 84474662669
السيارة[2]: lanos Model 99 1.6 16 v
دراجة بخارية: N/A
الحالة :
ياعم كريم انتا لو كنت رحت بقة عن طريق القناطر.. كنت ولاعايز بالله هترجع بعربيتك حتتين من شكل المطبات... حمد الله بالسلامة
https://t.me/pump_upp
المفضلات