انا بشوف كمية كماين بالهبل وتفتيش السيارات
اخويا بيقولي عندنا في القليوبيه تفتيش علي طول
ربنا يهدي ويصلح الحال
انا بشوف كمية كماين بالهبل وتفتيش السيارات
اخويا بيقولي عندنا في القليوبيه تفتيش علي طول
ربنا يهدي ويصلح الحال
عندنا في المقطم كان في مدرعة جيش بتفتش العربيات الي بتشك فيها
يا مسهل
طيب وايه اللي كان مانعهم يشتغلو قبل كدة
نفسى أعرف برضه ايه اللى كان مانعهم يشتغلوا قبل كدا !
قلبك ابيض
فارما كان هيتثبت امبارح فى طريق ميت غمر واتثبت مكروباص قبله
طبعا فيه فرق شاسع..
مع انهم قرفوني تفتيش :)
في اسكندرية برضو كماين بالهبل وبيفتشو عربية عربية ده غير اللجان المتحركه لسه كنت امبارح على الطريق الدائري وﻻقتهم مشين قدامى مطفين اانور وهوب راحوا كبسين على عربية واقفة فى الضلمة بس كنت ماشى معرفش عملوا ايه. ربنا معاهم أن شاء الله
وهما كان عندهم عذر ايه قبل كده عشان ميشغلوش؟ معهمش سلاح؟ مش عارفين اماكن واسماء البلطجيه؟
ولا لما النظام القديم رجع تاني؟
الناس دى ماكنتش عايزه تشتغل غير فى عصر الفساد اللى على مزاجها
الظاهر ان احنا كنا فى مؤامرة فعلاً مكتملة الأركان
شوفوا الفيديو ... أنا مش مصدق ودانى
‫ويفضح الله المجرمين مداخلة تلفزيونية قلبت الدنيا في مصر‬‎ - YouTube
سبحان الله سلطه انتقاليه بدون اى وزراء لسه والامن اتوجد والبنزين اتوفر والكهربه معدتش بتقطع
ولما كان فيه رئيس ومعاه جميع الوزراء الكهربه بتقطع وازمات بنزين وبلطجيه عينى عينك والناس لسه مصدقه انه ضعيف الفساد مالى البلد كلها
يا شباب ريحة البيادة و طعمها وحش ناس فى مصر و اهى رجعتلهم انا فعلا فى حال لا يعبر عنه الا بمقوله واحده
حسبنا الله ونعم الوكيل
بمناسبة المؤامره واللي مؤيدي مرسي بيحاولوا يربطوا فشله بالمؤامره ..
دول كلمتين لمعتز بالله عبد الفتاح في مقاله الاخير
هل يمكن الحجر السياسى أو عزل رئيس مدنى منتخب ديمقراطياً؟
الأصل لا، ولكن حين يكون «رئيس مدنى منتخب ديمقراطياً وفى السكحاية» كما كتبت وقلت مراراً، فهو يفقد تعاطف كثيرين معه لأنه غير قادر على إحباط ما يراها مؤامرات ضده، وماذا عن المؤامرات التى ضد مصر أصلاً، هيعمل فيها إيه؟ هيعمل لها اجتماعات سرية مذاعة على الهواء مباشرة!
:)
فعلا الامن اتوجد والظباط نازلين يشتغلوا بجد وبالرغم من الناس اللى بتموت منهم الا انهم راجعين بقوه ومشاكل كتير قل تاثيرها جدا واحساس الناس بده واضح وده معناه ان البلد فعلا مش محتاجه مساعده من حد وان مواردها كتير
وعايز اقول لكل اللى بيقول ان د/ مرسي كان في مؤامره ضده ويمكن يكون ده صح "لا تلومونا ولوموا انفسكم " فانا كمواطن كلفت رئيس انه يحل مشاكل الدوله ومشاكلى انا اليوميه ومليش دعوه بالصراعات السياسيه ولا انه مش قادر يتعاطى مع الوضع الفاسد وده نفسه اللى يثبت ان اللى حصل فى 30 يونيو كان ثوره بس مش على فساد ولا اخونه كانت ثوره على فشل بغض النظر عن اسبابه وده اللى الفريق / عبد الفتاح السيسي قاله فى خطابه الاول ان الشعب المصري تعبان ومحتاج ان حد يساعده مش يضغط عليه والد/ مرسي ضغط على الناس بشكل كبير سواء بقصد او بدون فدى مشكلته .
وان شاء الله نستمر للافضل وننظف البلد من اكتر حاجه تهد اى بلد واى قانون البلطجه.
مرسى برضه اللى ضغط على النا س!! يعنى بعد اللى حصل دا وعرفنا انها مؤامرة قذرة وبرضه مرسى اللى كان بيضغط على الناس... ولا مرسى كان مغلوب على أمره و مع ذلك أنا لا أرى فى خطاباته التى ألقاها إلا كل حق الراجل دعا الجميع مفرقش
وحتى آخر لحظة قال انه الرئيس الشرعى ... دا لو شخصية مهزوزة ولا أى حد من الفسدة فعلا كان هيعلن التنحى لكن صمد وأديك شايف الشعبية الرهيبة ليه بفضل الله ...
وبالنسبة للى بيقول مرسى مقدرش على مؤامرة داخلية هيقدر إزاى على مؤامرة خارجية ضد مصر
ومين قال لحضرتك انها برضه مكنتش مؤامرة خارجية داخلية !!!!! باسم كتير من الخونة وأصحاب المصالح الشخصية !
على فكرة هو فعلا مكنش مفروض يتعامل كدا مع الفئات دى ... وكان مفروض الشعب يقف معاه والناس تعاون بعضها عشان تعيش حياة كريمة .. مش يروحوا يستغلوا بعض واللى يطول يسرق التانى يسرقه وسبحان الله الناس دى هى برضه اللى بتعارض مرسى !!!!!!!
أيد لوحدها لا تصفق .....لو مرسى استعمل العنف مع الأشكال دى وانت وانا عارفين كويس انهم بيتلككوله وكتير من الشعب بينضحك عليه من الأعلام ... كانت هتقوم ثورة ضده باسم الحرية ... وكان وقتها هيقولوا عليه دكتاتور ... برغم انهم برضه بيقولوا عليه كدا دلوقت ... عشان كدا كان لازم يكون مفترى على الناس الظالمة دى عشان يعرف يمشى البلد
بس هو برضه لو قلنا انه أعطانا الحرية فدا شئ جميل ... على أمل ان الناس هتبادل بعضها نفس الحرية دى وعلى أمل ان الناس هتساعد بعض فى نهضة البلد بس للأسف الطبع غلاب
فالمؤامرة الداخلية أصعب بكتير من المؤامرة الخارجية ... مهو لو رئيس معاه شعب وقيادات محترمين هيقدر يواجه أى تحدى ... إنما العكس حصل فى مصر وما زال
البيقول ان الشرطة نزلت علشان تشتغل فهو واهم الشرطة نازلة علشان تكمل سيناريو الانقلاب لانه لو عايزة تشتغل تقدر تلم البلطجية وهي عارفهم بالاسم والعنوان لكن البلطجية والشرطة ايد واحدة وابشرهم فترة السمن علي العسل التي دامت بينهم انتهت وبعد فترة ستتمرد ملشيات البلطجية التي هي صنيعة اجهزة الامن لانه الاموال التي كانت تصل اليهم ستقل او لن تصل اليهم لانتهاء دورهم وستكون معارك طاحنة بينهم وبين الشرطة بمعني سينقلب السحر علي الساحر
عندك حق الشرطة نازلة عشان ناس معينة وبس
عقارب الساعه لا تسير الى الخلف ولا يمكن
المشكلة كلها ان مش كل اللي مش عايز الاخوان فلول
لكن كل الفلول مش عايزين الاخوان
السؤال بقى مين البديل الاخر للاخوان
هل من الفلول اللي معاهم فلوس ونفوذ وجاهزين جاهزية الاخوان
ام تيار اخر مع الثورة واشك في ذلك
أانا ملاحظ كده بردك . ! اكمنة جيش وشرطة كتير وقلة فى الجرائم ..!! عامة افضل وربنا يحفظ بلدنا
يا رجالة اللي انتو شايفينو ده من جيش وشرطة
ليس الا حماية الانفلاب بكل ما اؤتو من قوة
لانهم عارفين عند فشل الانقلاب وكشف المستور
هتروح فيها رقبتهم
هم يحمون انفسهم اولا واخيرا
لعلكم تتفكرون
ربنا يحمي مصر
اعتجب ممن يزالون يدافعون عن فشل المخلوع حتى الان ..
طيب المخلوع كان وعد برجوع الامن خلال 100 يوم ..
يترى الوعد دة كان بناء على اساس اية..يعنى كان عارف عسكرى فى الداخلية قالة انا حضبطلك الداخلية مثلا ولااية ..
و اذا كان غير راض عن اداء الداخلية ..لماذا لم يوضح الحقيقة للشعب ....او ينسحب فى هدؤء اذا كان الاصلاح اكبر من قدراتة ....
انما لان كرسى الحكم جميل و الحياة فى القصر جميلة ..فكلة يهون و مش مشكلة الشعب عندة امان ام لا ..المهم يقضى يومين حلوين فى القصر....
ولما البنزين والسولار يتوفروا من غير وزراء ده يزعلك فى ايه اصلا مع ان الوزارات فيها نواب عن الوزراء طيب ياريت يا أخى كان مرسى شال جميع الوزراء كى يتحقق التوفير
ولنفترض ان فى ايدى خفيه كانت متعمده تقطع الكهرباء وتمنع البنزين والسولار وتسبب تكدسات وطوابير على حد تفكيرك طبعا . فأين رئيس الجمهوريه من كل ذلك فهو يملك كل الصلاحيات التى تؤهله ان يلاحق الفاسدين اذ هو غير قادر على ادارة البلاد لعدم معرفته بمن يخربون فى البلد
وانا كمواطن مصرى ليس لى الا ان امشى فى امان وامون عربيتى فى الحال دون مغالاه او زحمه فقط فرئيس الجمهوريه مكلف باعداد الراحه لشعبه ومحاربة كارهيه من اجلنا فأين هو من كل ذلك . ارجوك تقبل مرورى
و هو ده اللي لعبو عليه. يطهقك في عيشتك عشان تتمني أيام مبارك ترجع تاني. علي فكرة أنا متفق مع حضرتك أن د/مرسي فشل في ادارة الوضع و البلد لأنه كان بيحارب الجيش و الشرطة و الحزب الوطني و رأس المال و الاعلام و غيره و غيره و كمان لأنه كان للأسف تابع للجماعة. لكن طبعا هو مسؤل عن كل اللي حصل. الراجل ده كان المفروض أول ما جه ظبط كل الخونة و المفسدين و لمهم في سجن واحد بدون محاكمات و يرمي معاهم كل واحد مش شليف شغلة سواء في الجيش أو الشرطة أو الكهربا أو البترول أو غيرة و في الحالة ديه الدنيا كانت اتظبطي و كل الشعب يقفو ورا (بمبدأ حضرتك) لأن ساعتها البنزين كان هيتوفر و ما فيش بلطجة و لا ارهاب و لا كهربا بتقطع. لكن هو اختار طريق القانون و الحرية اللي مش بينفع مع المفسدين.
المهم حسبنا الله و نعم الوكيل ربنا يهدينا و يهدي الجميع و يصلح حال البلد عشان الناس الغلابة اللي لسه بتاكل من مقالب الزبالة.
فانا اخلص من الفاشل بأني امسك اللي بيعمل المؤامرات
على اساس ان اللي بيعمل المؤامرات ده كان بيعملها لأنه لما يحكم هايبطل يعمل مؤامرات و ازمات و يرجع بيتهم !
نسو او تناسو ان النظام القديم هو ابرع نظام في خلق الأزمات والهاء الناس فيها واحنا طبعا اجدع ناس تتلهي في الأزمه
اشياء ظاهرية فقط
انما فالواقع مفيش فرق
قضى الامر خلاص مرسى ومن وراه فى قاع غياهب التاريخ
كلمة الى المعددتية الاخوانجية يتندمجو فى المجتمع وتحاولو يبقالكم دور ايجابى يا كل واحد يتقوقع وينعزل ويعدد فى بيتهم لان مفيش فايده لكل واحد اخوانى ومتأخون يفضل يندب ويعاند فى الناس وفى نفسة اللى هيذيد علية كراهية اكثر فا اكثر من الناس وكفى مقتل جنود مصر على يد الاخوان وكفى دعوات الاخوان للخارج للتدخل العسكرى فى مصر وكفاية حرق الاعلام المصرية ومعادة جيش البلد علنا على ايدى الاخوان بالبلدى الاخوان توفاهم الله اكلينكيا مثلهم كاى حزب سياسى متستر بالدين.
ارحمونا قضى الامر
يعني انته قصدك ايه بسعب وقيادات محترمين
الشعب محترم غصب عن ايه حد يامحترم
انا لولا الوقف كنت رديت علي بالي تستحقو
وانته عارف لقب جماعتكم
وعمر الشعب الي انته بتقول عليه مش محترم مهيرضي برئيس مالوش شخصيه ونتو عاررفين مين الي بيمشيه
المهم ادينا خلصنا منه ومن فشله هجبلكم عيش وحلاوه
الشعب المصري محترم غصب عن اي حد
شويه ارهاب هيتقتلو والي هيتفاض هيترمي في السجن والشعب الي بتقول علي مش محترم هيفضل محترم والبقاء لله فيكم
لا معلش مكنش اغلب الشعب ولا حاجه وكانت قلة قليله جدا جدا جدا وارجع بالأخبار والفيديوهات واعداد ميدان التحرير في جمعة من ال 28 جمعة اللي عملوها كانو لايتجاوزن الألاف
الشعب كله مطلعش غير بسبب موضوع البنزين والسولار والكهرباء اللي سبحان اللي فجاه كده اتحلو من غير اي سبيب
اللي فرحان أن الأخوان اتخلعو ليه حق لأنهم فشلو فشل لا معقول و ان كان د.مرسي ظلم نفسه معاهم بضعف شخصيته لكن أرجع أقول يا فرحة مل تمت. ليه؟ عشان مين مسك مكان الأخوان؟ أظن كلنا عارفين و الناس اللي فرحانة أن أمن الدولة هيلم الأخوان أحب أقوله أن أمن الدولة بيلم عاطل مع باطل و ممكن تكون أنت واحد منه اللي بيتلمو و بدون ذنب. ربنا يسترها و يهدي الحال.
كلام سليم
انا فعلا عرفت امتهم انهم مبيلموش عاطل علي باطل
بالعكس من ساعه مااتشال امن الدوله ساب البلطجية و الارهابين
وبالزات الارهابين شالهم من السجون حطهم علي كرسي وربنا بيحبهم رجعاهم لاصلهم تاني
مين حط السهم لعبد الناصر
مين الي قتل السادات
مين الي دخل الارهاب مصر علي اساس انهم بيحربو الفساد
مين الي ضرب في التحرير عند المتحف الدلخليه الحسين ولا نسيتو
نسيتو ال17جندي في رمضان وهما هيفطرو
مين الي عمل فيلم خطف الجنود
مين الي خد الكهربا وقطعها عننا ودخلها فلسطين
مين الي خد البنزين والسولار مننا ووداهم فلسطين
هوا جي يحل مشكلتنا ولا يدي بلد سيده
فين المعونات الي جت من ساعت ممسك
كان زمان االقرض اتحول لخزنتهم زي المعونات
ياراجل كفايه الفضايح الي علي اليوتيوب
في النهايه
مبارك و الفلول سرقو وقتلو
مرسي والاخوان سرقو المعونات وقتلو
الاثنين لازم يتعدمو
لو مرسي القاتل سارق المعونات مسك ريس لا لا
الاولا مبارك الي يمسك الاثنين قتلو سرقو بس مبارك مش فاشل
عند شخصيه مع البلاد عمره مراح بلد وقبلو وزير زي محصل مع مرسي
لازم الاثنين يتعدمو مع القادة بتاعت مرسي المرشد و بديع والشاطر واذبلتاجي
وابو اسماعيل
الي اللقاء في العيد الكبير نتفرج