الموضوع: عوامة البنزين نفختنى

السلام عليكم ورحمة الله وبركاتة
كل سنة وانتم طيبين
انهاردة انا رجعت من شغلى من القاهرة وكان عندى كذا مشوار فى شبين ومؤشر البنزين كان على الشرطة الاخيرة بس اللمبة منورتش وانا من يوم ماجبتها زيرو وهيا المؤشر ينزل لحد الشرطة الاخيرة وبعدين بشوية تنور اللمبة
وبعدين امون
انهاردة اللمبة مكنتش نورت والمؤشر بيقول ان العربية فيها حوالى ميقلش عن 7 او 8 لتر
كان المؤشر فوق الشرطة الاخيرة بملى كدا
المهم العربية بطلت مرة واحدة اقعدت ادور كتير تدور وتنتش وتبطل
طبعا انا كل اللى فى بالى ان العربية فيها بنزين لسة
وانا علشان بتعامل مع المتخصصون وبس حاولت اجيب اى ميكانيكى نضيف من شبين لانى مبحبش اى حد يلعب فى العربية المهم بعد حوارات وساعتين بعد ما غيرلى البوجيهات قالى دى طرمبة البنزين فاصلة وبعت جاب كهربالى قالى دا حساس كرنك
الدنيا اسودت فى عنيا المهم دخلت اصلى العصر وربنا الهمنى اكلم خالد بتاع المتخصصون فى القاهرة قالى حط بنزين فى العربية المؤشر بيخدعك
وفعلا اتصرفت وحطيت بنزين دارت العربية يا جدعان
شركة ميتسوبيشى بتستهبل لما تنزل عربية من 2003 فيها عيب زى دا وانا موديل عربيتى 2009 والعوامة نيلة كدا
هيا جديدة ب 700 بس انا مستحرم اجيبها جديدة هيا مبتهيسش جامد دا كل الحكاية ان المؤشر كان قبل الشرطة الاخيرة بملى
الكهربائى اللى بتعامل معاه هنا فى شبين قالى اصلحهالك بس انا خايف بدل ما يكحلها يعميها بس هو شاطر جدا جدا
عاوز اقولكم انى لسة صاحى من النوم انا وقفت بالعربية من 11 الصبح لحد 4 وكل دا علشان هيا فاصلة بنزين وبس
وروحت فطرت وصليت ونمت لسة صاحى من التعب وعاوز اناااااااااااااااااااااام

ياجدعان انا عاوز الكم ان المفروض والطبيعى ان اللمبة لما تنور يبقى فى العربية مش اقل من 5 لتر ثانيا لو حد هيقولى ان اللمبة ممكن تكون محروة هرد واقول ان العربية دى انا شاريها زيرو وحافظ امتى اللمبة تنور والمؤشر كان اعلى من المستوى اللى المفروض اللمبة تنور عنده
فانا مكنتش اقصد اضر العربية لان ببساطة انا اللى وقع عليا ضرر كبير قوى امبارح
بالنسبة للاصلاح انا مش هوديها تتصلح الا لما تهيس جامد زى ما بتهيس مع الاعضاء اللى هو يبقى فى بنزين وتنور اللمبة مثلا ساعتها اوديها تتصلح اتصلحت خير وبركة باظت بزيادة هيا هيا اصلا بايظة وااشترى واحدة جديدة ب 700 وامرى الى الله مفوض