يا فندم دي شهادة أعتز بيها..وأنا تحت أمرك والزملاء هنا بردو عمرهم ما يتأخروا عنك.إن شاء الله ربنا يكرمك وتنول مرادك وسيب الباقي علينا :tumb:
عرض للطباعة
سكودا اوكتافيا فانتازيا مو2012 لون اسود فابريقة 19800جم الفئه الثانيه وكيل تكييف باور جنط اتوماتيك طارة مالتى مرايات ضم حالة الزيرو رخصه طالب 169000 بس دة تاجر فى الدقى
استفسار بقى انا مش بفهم خالص انى اكشف على العربية بعينى كدة وابص عليها هاخدها التوكيل تمام واكشف عليها اية بقى الخطوات الى تتم بعد كدة سواء فى السايرة دى او اى واحدة تانية عشان انا على جهل تام بكل التفاصيل دى <عايز رايك فى العربية دى >
هى سعرها كم
198 ولا 169
لو 169 السعر مناسب جدا جدا على الفئه الثانيه الاسبورت2012
اهم شىء تعرف العربيه فيها توكيلات قد ايه علشان ماتكون عربيه تجارى فيها توكيلات كتيره
ثانيا مايكون فيها دهانات خارجيه ولا داخليه طبعا
وتروح بيها التوكيل تعمل كشف على العربيه وشوف العربيه ماشيه كم كيلو لان لو العربيه قربت من 60 الف ولسه ماعملت صيانه ال60 كده هتزود 7 الاف اقل واجب على ثمن العربيه وما اظنش 2012 وتعمل 60 الف كيلو عدلها من 20 الى 30 الف كيلو
ولو اتفقتم على كل شىء اشترى العربيه بعقد مسجل وانقل ملكيتها على طول
ولو العربيه سليمه وممتازه هتنبسط ان شاء الله من العربيه
استاذ طارق دة تاجر فى الدقى اسمة محمد ماهر وانا لسة مش كلمتة بكرة هكلمة ان شاء الله وهو كان عارض العربية عهلى موقع تانى ب 175 الف من 3 اسابيع ودلوقتى وصلها لحد 169 هكلمة وهكشف فى التوكيل ان شاء الله بس انا مش فاهم نقطة ال7 الاف دوول فهمهالى تانى .بس استفسار انا عايز اول ما اكشف ادفع الفلوس واخدها وامشى هلى ينفع اعمل العقد عندة مثلا برة الشهر العقارى ولا لازم يكون فى الشهر العقارى ..ثانيا هو لازم احجز فى التوكيل قبل ما اكشف وهل الكشف بيجبلى كل حاجة عن العربية كل حاجة
نقطه ال7 الاف دى ثمن صيانه ال60 الف كيلو ممكن من 5 الى 7 ده اللى انا اقصده
بس الاول خد واحد معاك بيفهم فى العربيات يرمى نظره على العربيه قبل التحرك بيها للتوكيل يعنى يشوف لو فيها بويه او دق على البارد مثلا والموضوع سهل فى الععربيات الجديده بيبان وركز على فروقات الابواب كل الفروقات الموجوده فى العربيه من كبوت لرفارف وابواب واكصدام شوف الفروقات متساويه ولا لا وامشى بعينيك على جسم العربيه شوف فيه اثر دهانات ولا لا والعربيه لو مفيهاش دهانات خارجيه مش هيكون فيها داخلى
والتوكيل هيشوف العربيه ويعمل اختبار للموتور ومراجعه على العربيه ودى اسلم طريقه
ولو عجبتك العربيه الافضل لك انت تشتريها بعقد مسجل وده انت هتدفع ثمنه 1600 جنيه تسجيل
لكن لو بتوكيل مش هتدفع حاجه كلام فاضى يعنى بس عقد مسجل افضل لك انت ومهم جدا شهاده مخالفات حديثه مع العقد المسجل ولو الرخصه فيها كتير متمضيش مشترى لكن لو الرخصه قربت تنتهى امضى مشترى وانقل العربيه باسمك
الله يباركلك يا استاذ طارق ويجعلة فى ميزان حسناتك ان شاء الله
ممكن حد يقولى تمن فانتازيا فئة أولى , توكيل , ماشية 3500 كم فقط بدون أى بوية لأنى أحتمال أعرضها للبيع
استاذ طارق انا كلمت الراجل بتاع الدقى وقالى تعالى شوفها بس العربية عشان اكشف عليها فى التوكيل مش هتتحرك عشان خايف عليها لحسن تتثبت وكدة قالى ممكن تجيب حد متخصص او اى بنزينة قريبة كدة يعنى اعمل اية
هو ممكن تجيب حد متخصص بس موضوع خايف لتتثبت دى جديده على اساس اننا فى جنوب افريقيا يعنى العربيه هتتثبت فى مشوار هو شكله قلقان من مشوار التوكيل
يبقى لازم تركز مع العربيه شويه وتجيب واحد بيفهم بجد مش حالانجى ويركز قوى مع العربيه الموتور اكيد رائع العربيه 2012
لكن التركيز يبقى مع صدر العربيه وشنطتها والاجناب فاهمنى يعنى على اساس لو فيه خبطه او حاجه زى كده وان شاء الله يقدر لك الخير ولعلمك العربيه 2012 الاسبورت كانت بتتباع باوفر برايس وكان سعرها مرتفع كانت بتوصل 208 الف الوكيل فمش عارف انا حاسس ان العربيه دى فيها حاجه
ولعلمك كلنا دورنا كتير علشان نجيب حاجه نضيفه لانك مش هتدفع مبلغ قليل