الفع الخلفى بيكون ثباته كويس لما بيكون بنظام التعليق الحر والجر يكون بنظام الكبالن، يعنى لما نكون بنتكلم على سيارة مرسيدس او بى ام دبليو
لكن الديفرانس ذو القطعة الواحدة-وهو التصميم المعتمد لل 131 و 132 بيضيف صلابة غير مطلوبة للجزء الخلفى من السيارة ، يعنى اللى العجلة اليمين بتاخده بيسمع فى العجلة الشمال، ده مناسب جدا للمشى فى المدقات ، لكنه غير مناسب للجرى بسرعات عالية لأن المطب الو المقب اللى بتاخده العجبة اليمين بيقلل تماسك العجلة الشمال مع الأرض وهو ما يقلل ثبات السيارة، ده عن الكلام النظرى اما التجربة العملية فاحنا كان عندنا سيارتين 132 فى البيت واحدة ففيهم عشاست معانا 27 سنة ولا تزال موجودة، والتانية امتلكتها لما يقرب من سنة، الى جانب امتلاكى للشاهين -(نفس تصميم ال 131 )لخمسة سنوات ، وقيادتى لعديد من سيارات ال 131
كل العربيات دى مش ثابتة نهائيا فى السرعات العالية بالمقارنة بأى سيارة جر امامى من نفس الجيل، يعنى مثلا لو قارنناهم بال 128 والريجاتا(باعتبار اننا بنتكلم عن عربيتا عفشتها مظبوظة) ، فأنا بكون مطمن جدا وانا راكب 128 او ريجاتا عن لما بكون راكب 131 و 132
الدفع الخلفى بيدى قدرة افضل على لم السيارة عند دخول منحنى مع التسارع، لكن فى الطرق المستقيمة مع سرعات عالية الجر الأمامى آمن من سيارات الدفع الخلفى ذات الديفرانس القطعة الواحدة
المفضلات