سهولة ال 200 الف جنيه بعد الدولار

**svneleven** · 13-07-2013 02:48 PM

عمر ما في حاجة سعرها نزل في البلد دي غير المانجة في عهد الدكتور مرسي.

**Ahmed TRAVCO** · 13-07-2013 03:49 PM

السلام عليكم...

يا جماعة اللي معاه فلوس يحمد ربنا ويجيب العربية اللي نفسه فيها دلوقتي لان مفيش حاجة في البلد دي سعرها نزل من يوم ما وعينا على وش الدنيا... اللي قاعد مستني الجيتا تنزل ل180 بدل 200 مثلا بيحلم... بيحلم... وربنا معانا....!!
كنت في السعودية من 3 اسابيع واتحرق رمي لما لاقيت ان 90% من التاكسي هناك كامري وسوناتا موديل السنة!!!! الناس العارية هناك راكبين GMC وشيفروليه جيب وفورد جراند ماركيز وكيا اوبتيما وهوندا اكورد وميركوري... الخ الخ!!! بصراحة حاجة مبهرة بس تحزنك على حالك في البلد دي...

اخويا صيدلي في السعودية ومعاه Accord 2013 وسعرها 82 الف ريال (اقل من 160 الف جنيه)... ورفع 10 الاف بس مقدم وقسط 1600 لمدة اربع سنين زائد دفعة مخالصة 10 الاف في نهاية الاقساط....

واحنا هنا الواحد ممكن يعيش ويموت وميركبش عربية عليها القيمة... وممكن ما يركبش عربيات خالص... سبحان الله!!

الحمد لله على كل حال وربنا ينتقم من حكوماتنا وجماركها والتجار الانتهازيين اللي عندنا...

**Mohamed.Ramah** · 13-07-2013 10:38 PM

المشاركة الأصلية كتبت بواسطة koshakindnes

|

طيب والى زى حالاتى معايا 200 ومش عارف اشترى ايه ومستحرم ادفع فى العربيات الى موجودة بالسعر دا يا ترى لو الدولار نزل الاسعار هتنزل ولا هيقولوا السعر دا مناسب للاوبشنات الى فيها ومش هينزلوا حاجة

فاهم قصدك لو المبلغ دة كاش اشترى عربية مستعملة وحالة جيدة وحتلاقى نفسك طلعت شوية بالفئة الحتركبها مقابل انها حتكون مستعملة دة الحل من رأى حاليا نظرا للاستغلال والتاخير فى التسليم ورفع السعر اكثر من مرة + بالسعر دة حتجيب جديد قيمتة اقل من المبلغ

موضوع تخفيض الاسعار وانخفاض الدولار دة انا مستبعدة ممكن بعض الموزعين فى مصر يعملو كدة بس حتلاقي موزع او اتنين اما الباقى لاء دة لو الدولار مزادش لان زى ما حضرتك شايف كل يوم بيزيد اكتر

**SaSa.FireBlade** · 14-07-2013 09:24 PM

يا جدعان مالها الشاهين بس شاهين 2006 باور وتكييف وسنتر لوك واخر دلع والساوند سيستم اعمل اى واحد ب 2000 جنية وهيبقا زى الفل والحمد لله على كدة واهى عربية ب 35 الف ويتصرف عليها 5 يبقا معاك عربية ب 40 زى الفل وربنا او تجيب دايو لانوس

**svneleven** · 15-07-2013 04:48 AM

المشاركة الأصلية كتبت بواسطة sasa.fireblade

يا جدعان مالها الشاهين بس شاهين 2006 باور وتكييف وسنتر لوك واخر دلع والساوند سيستم اعمل اى واحد ب 2000 جنية وهيبقا زى الفل والحمد لله على كدة واهى عربية ب 35 الف ويتصرف عليها 5 يبقا معاك عربية ب 40 زى الفل وربنا او تجيب دايو لانوس

ألمشكلة أن كل حضرتك لما بتركب عربية أعلي مش بتعرف ترجع بضهرك بعد كده. يعني مثلا لو ركبت سيفيك 2008 مش تعرف تركب سيفيك 92 تاني مع أنك كان ممكن يكون عندك 92 من زمان و كنت مبسوط بيها علي الأخر.

**mohamed hussei** · 15-07-2013 11:39 AM

ياجدعان فين اودي a3 ب 200 الف وشوية شوفها

**koshakindnes** · 15-07-2013 01:24 PM

يجماعة احنا مش بنتكلم على نوع معين من عربيات احنا بنتكلم على سياسة تسعير والجمارك الى فى بعض العربيات بتوصل 150 % ويمكن اكتر كمان ليه نشترى بالفلوس دى كلها