عضوة جديدة و محتاجة رأى

**Dina1990** · 30-08-2008 01:56 AM

مساء الخير
انا اخت العضو Hacker5
ادهم مصطفى
عندى 18 سنة و اعتقد انا اصغر بنت فى المنتدى :)
انا كنت بتابع المنتدى من اليوزر بتاع اخويا و كان نفسى اشترك من زمان عشان اعرف اشارك
لكن هوا خايف قالى اصل انا و انتى بندخل من نفس الكمبيوتر و مش بعيد يحذفوا اليوزر بتاعه و بتاعى
لكن بعد تحايل قالى اشتركى و ربنا يستر

انا كنت عايزة اسال على فيات بونتو موديل 2003
انا بحبها جدا و عايزها اجيبها
عايزة اعرف لو حد عندة العربية يكلمنى عنها شوية و لو يقدر يقول على اسعار قطع غيارها و هل فى حد بيشتغل فيها برا التوكيل؟

انا اسفة اول لما اشتركت تقلت عليكوا :)

**Chicco** · 30-08-2008 02:33 AM

أهلا و سهلا بيكي ...عضوة فاضلة و أخت عضو فاضل
البونتو عامة عربية ممتازه و من أفضل ما أنتجت فيات في رايي الشخصي و راي الناس اللي اشتروها ....من أكثر السيارات مبيعا في أوروبا
في المنتدى هنا فيه أعضاء كتير امتلكوها أو يمتلكوها حاليا و في الأغلب بيشكروا فيها و طبعا منهم صديقي الحبيب توت باشا
الرابط ده فيه موضوع شامل هو عمله عنها و مليان معلومات

http://www.nilemotors.net/Nile/showthread.php?t=29241

**eng/muhamad** · 30-08-2008 04:12 AM

العربيه من كلام الاعضاء حلوه و مش وحشه
لكن انا مش بحب الفيات مش عارف ليه
و كمان اسمع ان التوكيل بتاعها مش كويس
و انا شايف ان حضرتك كبنت المفروض متركبيش عربيه مستعمله
و تركبى عربيه زيرو علشان المستعمل ممكن تكون اعطاله كتيير
و ده مش حلو للبنات ((ده راى الشخصى و لكى الاخذ به او تجاهله))

**shery103** · 30-08-2008 12:50 PM

انا من رأيى كده برضو ، انا لما جيت اجيب عربيتى فكرت الاول ، زيرو و لا مستعمل ، و بعدين قلت انى اكيد مش هقضى وقتى عن الميكانيكية و التوكيلات ، فاحسنلى زيرو عشان اريح دماغى و اخرها تروح التوكيل فى مواعيد الصيانة و خلاص ،فانا رأيى من رأى eng/muhammad انك تشوفى حاجة زيرو يكون اريحلك