تجمع افطار نايل موتورز 2013

**Karim_Monir** · 12-07-2013 09:23 PM

السلام عليكم ورحمه الله
كل سنة وانتم طيبين ورمضان كريم عليكم
طبعا اول سنة السنادي مانتكلمش عن فطار رمضان بسبب الاحداث اللي بتتعرضلها البلد ربنا يعديها بكل خير
لكن بصراحة انتو واحشني
وبصراحة اكتر كل الناس هنا عمالة تسئل الفطار امتي
اولا ويعرف المعلومة دي عدد من المقربين مني اني مكنتش ناوي على فطار السنادي عشان في ناس كتير بصراحة وبكل صدق معاهاش فلوس ومش ناقصة اي تحمل مادي
فقولنا نتجمع بعد الفطار في اي مكان
ولما حصل اللي حصل ده في البلد قولنا فعلا مش هاينفع فطار
عشان كدة قولنا نتجمع يوم الجمعه القادم الموافق 10 رمضان في نادي المقاولين العرب بعد الفطار مباشرة
اللي عايز يفطر في اي مكان يفطر
اللي عايز نتجمع مع بعض ونفطر في اي مطعم نفطر وبعد كدة نطلع على النادي نقعد لغاية ما يجيبو ضلفه :-)
القعد فوق حلوة والهواء رائع ومنعش جدا
وطبعا اللي جه قبل كدة عارفة انه من غير تكلفه يعني تذكرة الدخول ب عشرة جنيه تقريبا وانا بكون سايبلهم الكارنية بتاعي عالبوابة
والمشروبات في الكافتيريا فوق بين 3 و 5 جنيه يعني كلام فاضي
وطبعا المنظر بتشوف القاهرة كلها من فوق :-)
وباذن الله جاري التشاور عشان نشوف هانفطر فين في اليوم ده في اي مطعم وجبات سريعه
كل ده الهدف منه التخفيف على الاعضاء اننا نتقابل مش نتكلف لان اقل فطار هايكون اكثر من مائة جنيه لكن ممكن يفطر من ماك مثلا وجبه كومبو ب 40 جنيه
حابب اشوفكم كلهكم باذن الله وهانقولكم هانكون بنفطر فين للي حابب يتحرك معانا
كل سنة وانتم طيبين

**sherifowahba** · 12-07-2013 09:49 PM

منيين بيودي علي فيين يا كيمو
انا لسه بفوق نفسي بالشيشة و الشاي و مش فاهم

**A7MED_PHARMA** · 12-07-2013 10:16 PM

نادي المقاولين فين؟

**khalid_adel** · 13-07-2013 02:50 AM

نادي المقاولين يارجاله بتاع كل سنه
اللي علي طريق الاوتوستراد قبل ماتدخل علي مدينه نصر ونادي النصر وكده قبلهم علي اليمين برضو
تسلم ياكريم واحييك علي الفكره الجميله دي وربنا مايقطعها عاده ونتجمع دايما علي خير
لو كده الجمعه الجايه ان شاء الله وعلم وينفذ

**حسام السويدي** · 13-07-2013 02:51 AM

انا حظي حلو بقا
انا لسه مشترك فيه وفعلا القاعده فيه خرافه
وفعلا التذكره بعشره جنيه

لو تسمحلي اكون معاكم

**حسام السويدي** · 13-07-2013 02:59 AM

انا حظي حلو بقا
انا لسه مشترك فيه وفعلا القاعده فيه خرافه
وفعلا التذكره بعشره جنيه

نادي المقاولين جمب منشيه ناصر وبعد المركز الطبي بتاع المقاولين وجمبه نادي السكه
ووقبل المنصه

قولنا بقا هتتقبلو فين في النادي