عربيه نفسي فيها بس موش عارفها

**ahmed salah90** · 14-07-2013 07:05 PM

المشاركة الأصلية كتبت بواسطة mr_selvester

mazda 3

كانت مع نسيبي بس المانيوال الخليجي و كانت قرفاه في قطع الغيار فقالي قطع غيارها اصلا موش موجوده بس انا كنت بشوف الاتوماتيك قطع غيارا موجوده

**M.Ayman** · 14-07-2013 09:29 PM

تحيه خاصه علي عنوان الموضوع ،،، بس كل ده في عربيه واحده اظن صعب قوي علي السعر ده حتي لو مستعمل خصوصا انت بتتكلم في موديل مش اقل من ٢٠٠٧ لو في عربيه كده كانت كلت السوق كله اساسا

**Mr_SelvesteR** · 14-07-2013 10:36 PM

المازدا 3 فيها كل المواصفات الي قلت عليها انا حاببها وحاططها في الخطة القادمة ان شاء الله
عربية جميلة بمعني الكلمة ومليش دعوة بالسوق المصري انا ليا دعوة بركوبة العربية واحساسي وانا جواها

**aw2100** · 15-07-2013 01:01 AM

من الأخر الالفا روميو 156 هى وبس العربية اللى انت بتدور عليها العربية دى عربية رياضية اصلا من مجموعة فيات الأيطالية واسعارها رخيصة هنا فى مصر مع قوة موتور ماحصلش وثبات رهيب وتكنولوجيا تضاهى الأوكتافيا والمرسيدس وعربية فريدة وقليل انك تشوفها فى مصر بصراحة دى حلم حياتى انى اشتري الفا 156 تحياتى !!
ودى شوية صور ليها
http://t0.gstatic.com/images?q=tbn:A...sUJilq26gS4XzA
http://a2goos.com/data_images/models...156-gta-11.jpg
http://cdn1.flipacars.com/pics/Alfa%...meo-156-03.jpg

**aw2100** · 17-07-2013 12:12 AM

المشاركة الأصلية كتبت بواسطة sherif moneer

بس ال الفا روميو دي يا باشا بتعملها بتاع 40 الف مثلا
وبعدين دي هتبقى عربية العمر لأنها مش بتتباع وتقيله كده ف البيع والشرا وقطع الغيار
بلاش منها احسن

حضرتك شوفت مشاركة صاحب الموضوع ده الكلام اللى قالة ؟

المشاركة الأصلية كتبت بواسطة ahmed salah90

بصراحه انا قولت اكلمكم علشان تقولولي على العربيه دي نوعها ايه
1- سعرها لا يزيد عن 85000 جنيه علشان موش معايا غيرهم
2- موديل لا يقل عن 2007
3- تكون اوتوماتيك او استيب ترونك او اي حاجه غير المانيوال علشان انا كسول حبتين في الزحمه
4- نفسي في التابلوه بتعها يحسسني اكني قاعد جوه طياره زي الباسات الجديده و السيتروين سي 5 بس الحاجات دي طبعا نار بس عاوز زيها كده عارف انت تبلوه الطياره كل حاجه في ايدك موش هتتحرك ولا هتمد ايدك كسل بعيد عنك
5- تكون عربيه سريعه الاستجابه يعني موش بطه و تحس بقوه المحرك على فكره انا معايا نيسان 2011 بس مانيوال و هسيبها للحاج
6- اسعار قطع الغيار متوافره موش مهم غاليه شويه ها شويه موش اوي
بس كده يا ريت الناس تقولي ايه هي العربيه دي
اسف على الاطاله منتظر ردودكم

علشان كده انا اتكلمت على الألفا 156 عربية تعتبر سوبر كار او عربية رياضية من شركة فيات الأيطالية !!

**aw2100** · 17-07-2013 01:13 AM

ممكن تقراء الموضوع ده وهو لعضو كان يمتلك الفا 156 وكان عرضها للبيع بس الصراحة انا خفت اشتريها علشان قطع غيارها غالية بس هو كان ليه وجهه نظر تانية ؟؟
http://www.nilemotors.net/Nile/353907-156-2001-a.html