الموضوع: تسعير ds5 hi.line

صباح الخير
ادامي دي اس ٥ موديل ٢٠١٣ هاين لاين
العربية دي ظروفها ايه اخبار التوكيل معاها ايه
وسعرها كام هيا ماشية ٢٠٠٠ ك

190000

اكيد البنزين .. لان الموتور تربو وطبعا بتاكل بنزين 95

مع ان التوكيل بيقول تمشي ب 92 عادي

انا سألتهم فى توكيل العجوزه يا جنرال قالولي الـ ds3 والـ ds5 لازم بنزين 95 مينفعش 92

المشاركة الأصلية كتبت بواسطة ahmed.ammar

انا سألتهم فى توكيل العجوزه يا جنرال قالولي الـ ds3 والـ ds5 لازم بنزين 95 مينفعش 92

ds4 قصدك ds3 ايه ذنبها بس :] :D

حسام باشا متقولينا رأيك في الدي اس ٣ بتاعتك وظروف التوكيل معاك

المشاركة الأصلية كتبت بواسطة dr_waswas

حسام باشا متقولينا رأيك في الدي اس ٣ بتاعتك وظروف التوكيل معاك

لا كنت عملت كذا موضوع عنها :)

عامه العربيه مميزاتها : ثبات كويس جدا - فرامل كويسه و نظام امان كان - القعده فيها مريحه خاصه من قدام - تصميم العربيه كويس اوي و فيه استغلال كويس للمساحات بالنسبه لان العربيه صغيره - خامات صناعه اعتقد الاحسن في الفئه بتاعتها

العيوب : مالهاش قطع غيار بره التوكيل بس فيه واحد قالي ان احتمال يجلها قطع غيار بعد رمضان - القعده ورا مريحه بس فيه مشكله في الطلوع و النزول لانها كوبيه و مساحه الخروج من الباب صغيره - العفشه ناشفه شويتين لانها عفشه سبور المفروض و جنط 17 - طبعا سعر اعاده البيع خاصه لو اول مالك بتبيع عربيه مش متجربه و ملهاش قطع غيار و فرنساوي و كوبيه (من وجهه نظر السوق :) ) - الفتيس مفيهوش مشكله بس مش متطور زي بقيت العربيات اللي فئتها مع ان التطور ده اوقات بيسبب مشاكل خاصه في مصر


في المجمل انا مرتاح للعربيه الحمدلله و لو رجع بيا الزمن كنت هجيبها هي هي برضه ..... و لو اتكلمت عن العيوب اكتر من المميزات فدا علشان لو حد عايز يجيبها يبقي عارف كويس و ميتصدمش :)