الموضوع: فى غلط فى اللى انا عملته ده ؟

المشاركة الأصلية كتبت بواسطة reda elgohary

أنا عندي المروحة على سرعتين بس موصلها على واحدة بس ، وشغالة كويس ، . أهم حاجة بالنسبة لك هل الموتور بيسخن يعنى مؤشر الحرارة بيعلى بسرعه ولا عادي ،، لو عادي على مروحة واحدة يبق مالوش لزمة كل اللى أنت عملته ، ونصيحة روح لحد فاهم أوي .

الفكره برضه مش تبريد الماتور لان لو الماتور سخن كده كده المروحتين هيشتغلو سوا الفكره تبريد السربنتينه

هو لو حضرتك بتشتكي من التكييف طيب ماتجرب تغسل السربنتينه
ساعات بتفرق والله

المشاركة الأصلية كتبت بواسطة abdulkhaleq

هو لو حضرتك بتشتكي من التكييف طيب ماتجرب تغسل السربنتينه
ساعات بتفرق والله

التكيف عندي كويس لكن الصبح فبطي الشمس السربنتينه محتاجه تبﻻيد مستمر مع حراره الشمس وخصوصآ انن الكباس عندي علي قد حاله

المشاركة الأصلية كتبت بواسطة aw2100

يراجل انت عاوز تبرد اية وانت الكباس عندك اصلا مش بيسخن الفريون اللى طالع للسربنتينه كويس طالما الكبس بتاعة ضعيف فشئ طبيعى انه مايبردش كويس داخل العربية فالحكاية مش محتاجة مراوح تبريد زيادة لسربنتينة التكييف لانها مابتسخنش اصلا بسبب نقص ضغط الكباس انصحك ماتلفش حوالين المشكلة وغير الكباس الأول وكل حاجة حتبقى تمام لان هناك علاقة طردية بين السخونة اللى الكباس بيطلعة فى السربنتينة وقوة البروده فى الثلاجة داخل العربية تحياتى!!

لا اكتشفت ان الكباس كويس بس البلف بتاعه بيودع لكن الكبس ممتاز وده اكتشفته لما طلعت مشوار امبارح الصبح الساعه 1 فى عز الشمس وكنت مرحوم الحمد لله من السخونيه
وتانى حاجه اكتشفتها النهارده برضه ان لما مروحه الردرياتير اشتغلت لقيت التبريد زاد وحسيته جدآ

والحمد لله نزلت للكهربائى بعد الفطار وخليته يغيرلى كتاوت المروحه لانها كانت بتودع وخليته يعملى اللى انا عايزه وركبلى سيلكون على دايره المراوح ولما الحراره بتوصل النص المروحه بتاعت الردرياتير بتشتغل على السرعه التانيه وبكده ابقى نفذت اللى انا عايزه الحمد لله وبأمر الله مافيش اضرار وكل حاجه شغاله على فبريكتها مجرد تعديل بس وما دخلش فيوز على فيوز ولا حاجه وكل حاجه شغاله كويس الحمد لله

وعايز اقولك صحيح ان لما شحنت التكيف وانا عند الراجل لما رشلى مايه على السربنتينه عايز اقولك ان الصالون كان تلج والكباس كان بيفصل ويشتغل عادى جدآ الحمد لله وهستنى لما الكباس يشيع خالص وابقى اغيره لان عندى اولويات غيره بصراحه وربنا المستعان وجزاكم الله كل خير