استشارة فى عمل فرش جلد لريو سيدان

**MoH.SaLaDiN** · 14-07-2013 06:33 AM

السلام عليكم ورحمة الله وبركاته
انا ان شاء الله نويت اعمل فرش جلد للعربية و كنت عايز اخد رأيكم فى لون الفرش انا معايا ريو 2013 هاى لاين وكيل لونها نبيتى ميتالك والفرش الاصلى بتاعها لونه رمادى فاتح وطبعا فرش الجلد اللى فى الابواب والفتيس والطارة والتابلوه لونه رمادى غامق و الكاسيت والفيبر اللى حواليه لونه اسود فا مش عارف الصراحة اعمله لون ايه انا اكتر لون عاجبنى الجملى بس طبعا مش حيليق خالص اعتقد الاسود حيكون كويس بس خايف من الحرارة وناس اقترحت عليا اعمل اسود فى رمادى غامق او اسود فى نبيتى بس حاسس ان النبيتى مش حيكون شيك اووى عايز اسمع ارائكم اختار انهى لون وتانى حاجة اعمله فين انا طبعا شفت مواضيع كتيرة عن جينز كار وبصراحة شغلهم نضيف اووى بس شايف ان 2000 جنيه كتير الصراحة على فرش وتانى حاجة المشوار عشان انا من الاسكندرية فا لو حد يعرف بديل يبقى جزاكم الله كل خير
منتظر ردودكم

**berhed** · 14-07-2013 09:29 AM

انا مركب فرش تكييس فوق الفرش بتاعي ب 400 جنية, هو مش البوس بس في الشياكة يعني
و منصحكش ب الوان التاكسيات دي :D اختار حاجة سيمبل و شيك

هتلاقي الفرش في موضوعي دا

http://www.nilemotors.net/Nile/367878-1000-2013-a.html

**MoH.SaLaDiN** · 15-07-2013 01:59 AM

هو جميل ماشاء الله وسعره كويس جدا بس عندى سؤال هو الفرش ده تفصيل ولا اللى بيكون جاهز وبيتباع عند محلات اكسسورات العربيات و بتروح تاخده لواحد سروجى يركبه