الموضوع: إيه الكلام في مازدا 3 يا مزداوية O_o :D

اشتري راحه دماغك وبلاش من العربيه دي عيوبها كتير جدااا وعربيه فشلت بمصر لاسباب كتير
خليك بلانسر احسن كاعتماديه واعاده بيع وتريح دماغك

المشاركة الأصلية كتبت بواسطة gym1974

السلام عليكم ورحمه الله ممكن حضرتك تحدد ايه هى العيوب لخدمة ونصح الزملاء وجزاك الله كل خير

اول حاجه قطع غيارها اسعارها مبالغ فيها جدااا سيبك من انها مبالغ فيها المهم انك تلاقيها وده صعب جدااا
العفشه بتاعتها مش متوافقه من الطرق المصريه بلاش نقول انها وحشه او واطيه بس هنقول انها مش عربيه تنفع بالطرق المصريه
تالت حاجه اعاده البيع فيها بتتعب جداااا وبالذات لانها اكتسب سمعه مش تمام
من الاخر العربيه دي لو في بلد غير مصر هتكون ممتازه جدااا

[QUOTE=gym1974;3875093460]ازيك اخى الفاضل تصدق بالله انا قربت اتجنن خلاص عايز اغير عربيتى ومعايا حوالى 100 الف جنيه فكرت فى الفلوانس قالوا التكييف تعبان والفتيس فيه نتشه والعفشة غير مناسبة برده للطرق بتاعتنا وثبات العربية برده مش اد كده والعربية بتلعب من ورا فى السرعات العالية فكرت فى اوبل فكترا 2008 ايزى ترونيك وده وحش طبعا قالوا الفتيس مش عملى وقطع الغيار نار قولت طيب نتوكل على الله ونزكز فى المازاد افضل قالوا العربية واطية وقطع الغيار نار ماهو الواحد يا جدعان علشان يركب عربية محترمة لازم يدفع الضريبة طب ساعدونى الله يبارك فيكوا انا عايز عربية اعتمادية وتكون قليلة الاعطال وتكون ثابتة وده اهم حاجة وتكون قطع غيارها متوفرة ومش مهم بقى غالية رخيصة بصراحة النقطة ده مش مهمة قوى بالنسبة لى اهم حاجة تكون موجودة بس وجزاكم الله كل خير

والله انا كنت بنفس حيره حضرتك كدا وكان ادامي حاجه من الاتنين انها ياتكون عربيه ذات رفاهيه عاليه واعتماديه او عربيه اعتماديه ذات رفاهيه قليله وكان الاختار الاول اني فكرت بالاكتافيا a5 طبعا عشان نتكلم بحاجه كويسه بالاكتافيا يبقا الكلام اقل حاجه بعربيه فئه الهاي لاين عداد قليل وحاله ممتازه عشان نضمن موضوع الفتيس برده 130 الف وقتها كان الكلام عالي شويه فقولت اشوف الاختيار التاني وكانت الانسر وطبعا انا مابقارن الاكتافيا بالانسر خالص بس بالرفاهيه بس بقارنها بالاعتماديه وانا بعمل بالعربيه بحدود من 60 الي 70 الف كيلو بالسنه وبالفعل توكلت علي الله وجبت الانسر وفعلأ عربيه تستحق يدفع فيها فلوس يمكن الناس تختلف معايا في الانسر فقيره بالامكانيات بس هيتفقو معاي انها عربيه اعتماديه من الدرجه الاولي وب 75 الف ممكن تركب عربيه لانسر محترمه موديل 2007 هاف اسبورت اتوماتيك فيها ABS فيها ارباج واحد تكيفها كويس بس مش زي الكوري زي النوبيرا بس بالنهار بشغل التكيف علي تلاته او اربعه لو كانت بشمس بالليل بشغله علي اتنين قطع غياره ممكن تلاقيها عند البقال فتيس CTV ده فعلا افضل فتيس اتوماتيك استخدمته عربيه غير معقده وسلسه جدااا بصيانتها ومن فتكره فكرت ابعها والله العظيم نزلت اعلان علي كونتكت بنفس اليوم كنت اخدت عربون من تمنها وبعد كده رجعت بالبيع لاني كنت هجيب اكتافيا ووللاسف كانت اتباعت وكنت شارط علي المشتري الامر ده
تقريبا العربيه بقالها حوالي 13 شهر معاي اتزكر اكبر مبلغ دفعته بالصيانه هي صيانه ال80 الف وتقريبا كان 1200 عشان غيرت زيت الفتيس وسير الكاتينه والمجموعه

المشاركة الأصلية كتبت بواسطة gym1974

ازيك اخى الفاضل تصدق بالله انا قربت اتجنن خلاص عايز اغير عربيتى ومعايا حوالى 100 الف جنيه فكرت فى الفلوانس قالوا التكييف تعبان والفتيس فيه نتشه والعفشة غير مناسبة برده للطرق بتاعتنا وثبات العربية برده مش اد كده والعربية بتلعب من ورا فى السرعات العالية فكرت فى اوبل فكترا 2008 ايزى ترونيك وده وحش طبعا قالوا الفتيس مش عملى وقطع الغيار نار قولت طيب نتوكل على الله ونزكز فى المازاد افضل قالوا العربية واطية وقطع الغيار نار ماهو الواحد يا جدعان علشان يركب عربية محترمة لازم يدفع الضريبة طب ساعدونى الله يبارك فيكوا انا عايز عربية اعتمادية وتكون قليلة الاعطال وتكون ثابتة وده اهم حاجة وتكون قطع غيارها متوفرة ومش مهم بقى غالية رخيصة بصراحة النقطة ده مش مهمة قوى بالنسبة لى اهم حاجة تكون موجودة بس وجزاكم الله كل خير

بص انا فى حيرتك ديه و هقولك ملخص الوصلتلو.

مازدا 3: عربية ثابتة, شيك و برستيج, صالون فخم, ماتور كويس, مشاكلها مش كتيرة, قطع غيار معمرة, قطع غير حراقة الى حد كبير, بتاكول كبالن و طنابير, اعادة البيع ليها زبونها بس ثقيلو شوية, ضيقة الى حد كبير شنطة و كنبة, صرفت نظر عنها.

سيفيك: تتميز بموتور سم سحب و سرعات عالية, ثابتة, صالون و تابلوه لطيف, عافشتها مكيفتيش اوى, و عزلها معجبنيش بردو, اسوء حاجة وطيها من الأرض, و قطع غيار حراقة شوية بردو بس موجودة. احد الاختيارات المتاحة بس مش اولوية.

جيتا و جولف 5 او اوكتافيا 5: الجولف احلاهم, يتميزو بالثبات الشديد و قوة الفرامل و عوامل الامان, قطع غيار غالية بس منتشرة, و عربيات بتتطلب تصليح, مشكلتين اساستين فيهم كومبريسور التكييف و عقل الفتيس (و دول حوار كبير عاوزين رغى بس هو الأكيد ان كتير عانوا من العيبين دول). الجولف 5 زى الجوهرة و الحالات الحلوة يا غالية يا مش موجود يعيبها انها واطية هيا و الجيتا, و ال الأوكتافيا 5 عالية بس اخشن منهم. بردو احد الاختيارات المتاحة اعتمادا على السعر و الحالة (الحالات الجيدة بيعلوا السعر)

فورد فوكس:كانت بعيدة عن حساباتى جدا, و بعدين قبلت اكثر من صديق و ركزت معاهم (و كمان وقفت 2 فى الشارع دردشت معاهم), كلهم شكروا فى العربية, ثبات قوى جدا, امان و فرامل قوية, موتور كويس بس العربية ثقيلة و شبهت بالأوكتافيا فى الثقل او افضل قليلا , اعطال قليلة, توكيل كويس, اوبشنز متعددة , و قطع غيار باسعار مناسبة جدا (الأرخص من كل الفات), شيك من بره و من جوه. مفيش عيوب صناعة حد قالهالى, يعيبها ثقل بيعها بس بردو ليها زبونها , و الميزة ان ال100,000 ج تركب موديل حديث و فئة عالية و حالة جيدة جدا. و حتى الأن فى رأيى هيا احسن ثفقة فى الكل الفات, بس ليه مستقرتش على رأى.