السلام عليكم ورحمه الله وبركاته

ان شاء الله نويت على ستروين ax
سبق لى وعملت مواضيع كتير ما بين 127 والبيجو والفورد والجولف1
وغيره
وكل يوم براى وكل يوم بتفكير شكل

وبعدت عن الستريون لان كتير قالى قطع غيارها ونادر الى بيشتغل فيها
ورحت اشتريت 127 كانت حالتها نظيفه بس ضيقه جدا وحاسس انها مش هتسعفنى
فى المشاوير وسواقتها وكنت خايف منها بصراحه

ورجعتها بعد يومين لصاحبها
ان شاء الله بعد تفكير نويت على ال AX

فكنت عاوز نصايح لما اجى ابص على العربيه اركز فيها على ايه
انا سمعت انها بتنزل بكذا ماتور فكنت عاوز الافضل ليه انهى ماتور
وانهى موديل للعربيه افضل انا عاوزها 4 باب

وتخدمونى فى الباقى واخيرا كنت عاوز اعرف رنج العربيه لما تكون حاله كويس متكنش متهانه ولا محتاجه شغل غير صيانتها تعمل كام
وهل بيكون فى فصال ولا لا

وشكرا مقدما