عرض للطباعة
السلام عليكم يا شباب انا ان شاء الله ناوى اجيب فيرنا مستعملة بس اغلب الناس بتخوفنى من مشكلتين فيها الاولى الثبات والتانية التكييف الضعيف...بالنسبة للثبات مش مهم عندى لانى اغلب مشاويرى جوة المدينه وحتى لو سافرت مابزودش عن 120 لكن الاهم عندى التكييييييف هل فعلا تكيفيها ضعيف وهل لية حل لتقويته مثلا؟؟؟ وشكرا
اول مره اسمع من حد ان تكيف الفيرنا ضعيف بصراحه انا شايفه ممتاز واحسن بكتير جداااا من اللانسر
تكيفها ممتاز
هو حلو جدا يس بياخد شوية لو راكن فى الشمس عقبال ما يسقع بس هو حلو جدا و مش بياثر عالسحب
التكييف كويس لكن نصيحه لوجه الله بلاش فيرنا وعن تجربه حتى لو بتسافر قليل جدا و عن تجربه هات اى حاجه تانيه فى نفس الفئه و رينج الفلوس . ثباتها ضايع و كان من اسباب اننا نعمل بيها حادثه ودخلنا فى قلب الصحراء و الدنيا كانت خرابه وواحد صاحبى قبل كده كان بياخد بيها ملف و ماشى فى امان الله لقى نفسه فى الارض الزراعيه بعيد تماما عن الطريق كل ده تقليب و فى الاخر لبسب فى شجره لولا كده كانت هتتقلب بيه شويه كمان .
لا طبعا
تكيف الفيرنا كويس و جرب بنفسك قبل ما تشترى عشان تتاكد
لكن للاسف الثبات ضايع
لو علي الثبات يبقي جنط 15 والعربيه هتمسك في الارض انشألله
التكييف ممتاز بس لو بتركن في الشمس افتح الشبابيك شوية و انت ماشي و بعد كدة افتحه هتلاقي الدنيا زي الفل
تكييف الفيرنا دة تلاجة و عفشتها نعمة بس الثبات مش جيد للأسف. و لو العربية المستعملة دي تكيفها مش قد كدة, يبقي غير فلتر التكييف و راجع علي شحن الفريون.
اي عربيه لما بتركن بالشمس وتجي ماشي التكيف بياخد وقت عشان يكون ادائه كويس انا معاي بالانسر تعبني جدااا بسبب المشكله دي لحد ماعملت فاميه علي الزجاج الجانبي والكلام اتغير خالص وبقت بتلج بسرعه اكتر من الاول بكتير وعيب الفيرنا الثبات مش التكيف
تكيفها ضعيف !!!!
ازاي .... تكيف الفيرنا ممتاز و قوي و مش بياثر علي السحب
انا ركبت كل العربيات اللى تتخيلها لانسر كورولا ميجان النترا قديم و جديد و سيراتو و بى ام و اوكتافيا و بيجو و لانوس و حتى الصينى
مفيش تكييف زى تكييف الفيرنا فى اى عربية
لان حجم صالون الفيرنا صغير نوعا ما
موتور قوى جدا جدا
المراوح الداخلية بتاعتها رهيبة و قوية جدا
بالتالى تبريد سريع جدا فى وقت قياسى و خمس دقايق مش هتستحمل و هتخلي سرعة المروحة على اقل حاجة
اقتباس:
المشاركة الأصلية كتبت بواسطة egyptiondr
تكييف الفيرنا ممتاز .. اول مره اسمع الكلام ده :dontudear:
دي من مميزاتها التكييف ...
تكييف إيه اللي ضعيف!!! دي من أقوي التكيفات اللي ركبتها في حياتي... تلاجة يا باشا
verna A/C is the best part of it !!
معايا والحمد لله تكيفها ممتاز
الف الف شكر لكل الشباب اللى ردوا عليا وانا بثق جدا فى اراءكم....
هي فيها عيوب تاني غير التكييف .... لكن التكييف بصراحة ممتاز .
تكيف الفيرنا فى مستوى التويوتا
بجد ملوش حل
تكيف الفيرنا احد مميزات العربية