العربية اتردمت .... وقررت اعملها حفلة تنظيف

**CarMania** · 14-07-2013 04:41 PM

مش عارف اذا كان دا المكان الصح للتوبيك دا ولا لأ
ولو كان غلط اتمنى من المشرف المختص نقله لمكانه الصحيح

طبعا كلنا عارفين ازمة البنزين الاخيرة وبعدين القلق اللى المجتمع عاشه وقت مظاهرات 30 يونيو. مرزق انا!!!
فالعربية فضلت مركونة اكتر من 15 يوم
ونزلت لقيتها مردومة تراب
وبردة التابلوة جوا مش عاجبنى وشكله مطفى كدا

فقلت اعملها حفله نظافة ... وطبعا بما ان اخوكم ابيض فى حوار المنظفات فقلت اسأل الاول

فكنت عايز انظف والمع التابلوة وكمان الازاز والكراسى والارضية
اعتقد ان الازاز ينفع معاه الجلانس ... شايفين اد ايه معلوماتى غزيرة

فالمهم بقة انا عايز اعرف منظف كويس للتابلوة ويا ريت لو ملمع كمان وايه خامه الفوطة اللى استخدمها وانا بلمع. علما بأن خامة التابلوة بلاستيك
وبالنسبة للكراسى فهى جلد. ايه نوع المنظف الى استخدمة؟
واخيرا الارضية موكيت. فعايز اعرف استخدم لها نوع منظف ايه بردة؟

واجيب كل الحاجات دى منين وسعرها بيكون كام تقريبا؟

وكمان لو حد يقدر يقولى على مغسلة كويس قريبة من فيصل او الهرم عشان اغسل العربية فيها غسلة محترمة من برا والتكلفة بتكون كام تقريبا؟

ومشكورين مقدما

**mshmshm3** · 14-07-2013 07:30 PM

خدها بنزينة
غير كدة منظفات و ملمعات التابلوه انا شايف ان كلها واحد تقريبا فرق اللي له رائحة

**mohamed hussei** · 14-07-2013 07:37 PM

خدها بنزينة وريح دماغك هيخدوا كام بكتير اوي 50 جنية لكن انت لو عملتها شوف وقت ومجهود وعلب التنظيف بكام

**M.Ayman** · 14-07-2013 09:18 PM

بص يا سيدي اطلع علي اي محل من المحلات اللي في البنزينات الكبيره زي mini metro في caltex عباس العقاد او اي on the run مثلا هتلاقي في منظفات موجوده مكتوب عليه انه للتابلوه و البلستكات و هتلاقي ملمع تاني للفرش الجلد ،،، معرفش بصراحه ايه اللي بينضف الموكيت دول احسن حاجه تعملهم بنفسك و تسيب العربيه من بره بقي للبنزينه و اقفلها بقي بمعطر جو :D احلي يوم بركب فيه العربيه بعد ما تكون متظبطه كده :)

**CarMania** · 14-07-2013 10:17 PM

الف شكر على الاهتمام يا رجاله

انا ان شاء الله ناوى اوديها بنزينة او مغسلة عشان تتظبط وتتغسل غسله محترمة دلوقتى.
وانا كنت بسأل على الحاجات دى عشان تبقى موجودة تحت ايدى باستمرار واقدر استخدمها فى اى وقت كتلميع سريع وكدا.

وياريت لو تقولو لى على احسن مغسلة او بنزينة اغسل فيها فى منطقة فيصل او الهرم؟

وشاكر جدا ليكم

**aldesha989** · 15-07-2013 12:34 AM

خدها بنزينه واغسلها برا وجوا مش عارف بكام لانى مش بعملها فى بنزينه اانا بغسلها فى مغسله قريبه من البيت ب 10 جنيه وبراضى العيال بخمسه جنيه وجوا وبرا وكاوتش :d

**mo3tazanas** · 15-07-2013 05:37 AM

من الاخر بعد الغسيل والتنضيف
هتشترى ملمع تابلوة اسمة دريم ايطالى بحوالى 25-30 ج بس من الاخر
هترشة على الطابلوة وجميع الفبر اللى فى العربية هتلقية رجع اكنك شارى العربية زيرو وبيعد من اسبوع الى اسبوعين بنفس لمعتة دور علية وادعيلى