هى الخامه دى فعلا اجمد من الكاربون بكتير جدا جدا و لا تقارن بيها اصلا .
انا مركبها بقالى شهور كتير جدا و الحمد لله بحالتها بس من الشمس زهوتها قلت شىء بسيط جدا . و التنضيف نضفتها بالهوا المضغوط فى البنزينه .و مبخليش حد يحط عليها ملمعات و خلاص الناس هناك حفظتنى و فهمت دماغى
هى بس هتتعبك اول شهر و بعد كده خلاص هتتعود على طريقة نضافتها .
بنضفها بطريقتين :
1- هوا مضغوط بيعمل اكتر من الازم و 100%
2- بقطعه من نفس الخامه بنضف بيه اى بقعه . او تراب او اى شىء .
يفضل استخدام نفس اللون فى التنضيف .
اول مره عملت التابلوه زى ما نت شفت كده عملت العربيه على 3 ايام فى مجموع ساعات تقريبا اكتر من 18 ساعه اول يوم و تانى يوم عدة ساعات و اليوم التالت بردو
يعنى ممكن نقول 30 ساعه تقريبا .
بس انا عملت نفس الشغل ده من يومين بالاحمر فى 5 ساعات اللى اخدته قبل كده فى 18 ساعه ههههههه
هى فى الاول بتبقى صعبه و بعد كده ايدك بتبقى سريعه و الموضوع بيبقى اسهل .
انا كنت عاملها بالكاربون قبل كده اول مره و كنت عاملها نبيتى و كانت شيك .بس مع الشمس مكملتش 3 شهور و بهتت جامد جدا و بقى بمبى باهت و شكلها بقى تعبان جدا .
فشيلته و عملت الخامه دى لما لقيتها بالصدفه البحته هههههههه
و قعدت معايا 8 شهور زى الفل . و شيلتها قريب لانى لقيت لون افضل هو اللون الاحمر و ما شاء الله اللون ناطق بكتير جدا .
و انا بشيل الخامه كانت متماسكه و كويسه و مطقطقتش و لا نشفت زى الكاربون و لا اتقطعت ما شاء الله الا جزء بسيط نصف سم فقط من اثر الفك و التركيب
المفضلات