هو فيه ايى بالظبط يا ريت حد من مجلس ادارة المنتدى يفهمنا

**dedi** · 15-07-2013 01:26 PM

المشاركة الأصلية كتبت بواسطة a.saad

المقال تضمن الاتى
الاشارة الى ان السوريين براء من مساندة مرسى
وكذلك حماس والتأكيد فى فقرتين كاملتين على حماس فقط

يعنى الموضوع كان قالب على سياسة
موش عارف لية العضو المحترم زعل و بيلمح انة موش هايبقى الموقع المفضل لة و اننا داخلين على فترة كبت للحرية بينما المنتدى نبة اكتر من مرة انة هنا ليس للمواضيع السياسية يعنى هو من المفترض اننا نتحترم قواعد المنتدى حتى لا تحدث اختلافات و انقسامات

**NaderNabil** · 15-07-2013 04:19 PM

هو ليه مطلوب من منتدى سيارات انه يكون مكان لاستيعاب اراء سياسية و الجدل فيها؟

الواحد بقاله يومين مستمتع بصفحة المشاركات الجديدة و هي كلها مليانة مواضيع تتعلق بالسيارات فقط....بعد ما كان المنتدى ٦٠٪ من مواضيعه و مشاركاته تتعلق بالاحوال السياسية سواء بقى مؤيد او معارض او حتى في النص!

دعونا نهنأ بمنتدى سيارات بعيد عن أحوال البلد... المنتديات المتخصصة الاخرى و الفيسبوك اماكن ممتازة لمناقشة مثل هذه المواضيع....طاقتنا و وقتنا اللي بنقضيه في المنتدى ده المفروض يكونوا لإفادة و إثراء معلومات أعضاء و زوار المنتدى... .لكن الي حصل هو انصراف بعض الاعضاء عن هدف المنتدى الاساسي و فضوا نفسهم لقسم احوال الشارع!! مكان الحاجات دي مش هنا

نظرية المؤامرة بتاعة تكميم الأفواه و الكلام ده مش مقبول...كنا نتمنى نلاقي مشاركات تضيف للمنتدى بدل الجدل العقيم اللي مجبلناش غير الخناقات و الشحن و انتشار الكراهية و ترك الاعضاء القدامى للمنتدى لمجرد دخولهم في دائرة النقاش بشكل او بأخر ادت لقرار تركهم للمنتدى

ارجو استمرار اغلاق قسم أحوال الشارع المصري بشكل دائم و التركيز على محتوى المنتدى الاساسي.... نايل(موتورز)

**Qmax** · 15-07-2013 06:34 PM

هل قمت بتقديم شكوى أو إستفسار في قسم الشكاوي وتم تجاهلها فأضطريت انك تكتب شكوتك هنا او استفسارك هنا في المنتدى الإجتماعي

يااخي في ناس عليها حركات عجب

**حسام السويدي** · 15-07-2013 08:52 PM

ياسيدي الفاضل مش ناقصه سياسه وقرف
انا مصدقت خلصت من الاخوان الي في المنتدي كانو منتهي الاذتفزاز

مش ناقصه سياسه
مرسي خلاص احبس والمياه هترجع
وكل حاجه هتبقا احسن انشاء الله

**casperinoo** · 16-07-2013 06:41 AM

المشاركة الأصلية كتبت بواسطة nadernabil

هو ليه مطلوب من منتدى سيارات انه يكون مكان لاستيعاب اراء سياسية و الجدل فيها؟

الواحد بقاله يومين مستمتع بصفحة المشاركات الجديدة و هي كلها مليانة مواضيع تتعلق بالسيارات فقط....بعد ما كان المنتدى ٦٠٪ من مواضيعه و مشاركاته تتعلق بالاحوال السياسية سواء بقى مؤيد او معارض او حتى في النص!

دعونا نهنأ بمنتدى سيارات بعيد عن أحوال البلد... المنتديات المتخصصة الاخرى و الفيسبوك اماكن ممتازة لمناقشة مثل هذه المواضيع....طاقتنا و وقتنا اللي بنقضيه في المنتدى ده المفروض يكونوا لإفادة و إثراء معلومات أعضاء و زوار المنتدى... .لكن الي حصل هو انصراف بعض الاعضاء عن هدف المنتدى الاساسي و فضوا نفسهم لقسم احوال الشارع!! مكان الحاجات دي مش هنا

نظرية المؤامرة بتاعة تكميم الأفواه و الكلام ده مش مقبول...كنا نتمنى نلاقي مشاركات تضيف للمنتدى بدل الجدل العقيم اللي مجبلناش غير الخناقات و الشحن و انتشار الكراهية و ترك الاعضاء القدامى للمنتدى لمجرد دخولهم في دائرة النقاش بشكل او بأخر ادت لقرار تركهم للمنتدى

ارجو استمرار اغلاق قسم أحوال الشارع المصري بشكل دائم و التركيز على محتوى المنتدى الاساسي.... نايل(موتورز)

اتمني انه يتم غلقه تماما ..
ياريت حد يوصل الكلام ده لكريم منير ..

**dodo2000** · 16-07-2013 10:22 AM

المفروض الاخوان الى فى المنتدى كلهم ينزلو على رابعة العدوية يقعدو هناك مع الناس الى بتجاهد و يسيبو المنتدى و النت للناس الوحشة الى زينا

**wawamoha** · 16-07-2013 11:31 AM

الاعتذار لضيوفنا السوريين عن بذاءه مذيع وقح لا يعتبر موضوع سياسي
وكذلك الاعتذار للفلسطينيين عن كم الاكاذيب الملصق بهم .... و حاله العداء اللي بتتزايد ضدهم

المقال رائع فعلا للاستاذ فهمي هويدي ... ومالوش دعوه بالسياسه من وجهه نظري

**CryptonX** · 16-07-2013 12:36 PM

المشاركة الأصلية كتبت بواسطة wawamoha

الاعتذار لضيوفنا السوريين عن بذاءه مذيع وقح لا يعتبر موضوع سياسي
وكذلك الاعتذار للفلسطينيين عن كم الاكاذيب الملصق بهم .... و حاله العداء اللي بتتزايد ضدهم

المقال رائع فعلا للاستاذ فهمي هويدي ... ومالوش دعوه بالسياسه من وجهه نظري

ماشي يا سيدي ... كلامك نظريا صح ..

جه واحد راي غير رايك و شايف ان الاعتذار غير واجب و الفلسطينين و السوريين ولاد ستين في سبعين ...
حيخفش معاك في نقاش .. حتتفتح كل السير و المناقشات ... و بما انه الموضوع الوحيد الي بيتكلم في حاجة قريبة .. كل خناقات السياسة حتيجي هنا ..
وعضو يحطلك خبر من هنا ... على اشاعة من هناك .. و يبقى الموضوع منتدى لوحده !!

---

انا نفسي المنتدى ده يتقفل للابد (احوال الشارع) في 100000 منتدى اخر لنقاش احوال البلد و متخصصين كمان ! وبالملايين من الاعضاء !

اسم المنتدى Nile Motors !