اساسا فى عربية بالتمن ده شنطتها و تنك البنزين يفتح من برة؟
اساسا فى عربية بالتمن ده شنطتها و تنك البنزين يفتح من برة؟
ماتحضرونا يااخونا ولا انا بتكلم غلط ؟
حد يرد يا جودعان مش كده انا مش بكلم روحى ايه يا استاذ هانى روحت فين ؟
يا فندم عند حضرتك الرانجلر ب 300 الف و خاماتها مش عالية اوي و تقفيل مصري و الشنطة و التنك و حتي التابلوه بيتفتح بالمفتاح و حتي مفاتيح زراير الازاز ورا المخدع اللي في النص زي الداستر بالضبط
و غير كده الدفع الرباعي في الداستر بيفصل بعد السرعة 60 و بعدين عند حضد حضرتك قرص للتحويل من اوتوماتيك لثنائي لرباعي يعني مفيش حاجة اسمها الفتيس او الموتور يسخن و بعدين حضرتك احنا مبنتخنقش انا لو معايا فلوس اعلي من 200 الف هصبر عليهم شوية و اجيب جيب رانجلر زي ما قولت لحضرتك و عمري ما هدفع فلوي في سبورتاج او القشقاي و انا مختلفتش مع حضرتك ان العربية كماليتها فقيرة ومتتقارنش بالقشقاي من نحية الرفاهية بس ده رايي , ان تظام التعليق فيها اللي هو مالتي لينك من احسن انظمة التعليق الموجودة في الفئة دي و انا اسف لو سببت لحضرتك اي ازعاج , و سبب تدخلي بس في الموضوع ان الاستاذ هاني بيتكلم في طريق اشبه بالاوف رود فعلشان كده حاولت اوضح الموضوع و ازاي ممكن الداستر تكون مناسبة للظروف اللي الاستاذ هاني ذكرها, و ع فكرة الداستر نتاج كلا من نيسان و رينو و تصنيع داتشيا
ياجماعه اهدووووووو مش كده خااااااااالص
كل واحد يقول الللى هو شايفه من ميزه او عيوب علشان تكون مقارن حقيقيه وبنائه
وبعد كده ماننساش الازواق والميزانيه الخ الخ كل ده بيحدد الاختيااااااار
ايه ياكبير انت ليه قفشت كده ؟احنا بنتناقش صباحك فل انا عارف ان الرانجلر صالونها يقرف والطارة بتاعتها عاملة شبه شغل التمانينات ولا مالتى فانكشن ولا زفت ليه مش فاهم هما كانوا عايزينها عربية نقل على قد حالها بس فشلوا فقالوا يخلوها 4*4 بسعر اعلى من 200 الف وفعلا كنت مرة شفتها ومعجبتنيش حتى مفصلات الباب عاملينها كانه باب شقة مثلا عاميلنها مفصلات شبه بتاعه شبابيك وابواب البيت حاجة اخر بشاعه على فكرة هى مسالة اذواق جايز غيرى شايف ان الحاجات دى جميلة جدا نرجع للداستر انا شوفتها ع الواقع لان واحد صاحبى كان رايح يتفق على بى واى دى الf3 زيرو فسيبته وقعدت اقلب فيها هى كانت كسر زيرو موديل السنة اللى فاتت هو الباب بتاعها مش تقيل كحال الجديد كله بس مقبول عن اللوجان الصاج زيه زى اللوجان اواتقل بشوية اول ماتركب وتقول بسم الله تحس انك رجعت قعدت ف لوجان تانى بس على اوسع بكتير من اللوجان والشنطة بسم الله ماشاء الله حلوة اوى وكمان كمبيوتر الرحلات اللى ف الهاى لاين والجنط بتاعها شكله حلو بس وشها ده اللى عاملى ازمة لهو مكعبر كده شبه الجيب ولا جاى بالنسيابية شبه القاشقاى او الاسبورتاج
بس ايه حكاية المارشيدير اللى بتجيبه لمبة المارشيدير تنور ف الفانوس اليمين والشمال لا دى ؟
احد ابداعات داتشيا انها تعمل التانى شبورة
ههههههههههه لا اصل كل ماحد يحكى على الداستر يقول المصفحة انا شفتها ع الواقع ف معرض عندنا هى حلوة الصراحة بس انا لما ركبتها معجبتنيش الصراحة لقيتها فقيرة اوى عن القاشقاى هى 6 سرعات 4*4 كاسيت الى حد ماكويس عدادات تشوفها وانت قاعد كويس ورؤية للطريق حلوة هى العربية انا شايفها للمرمطة وخلاص لكن لا شكل من بره ولا جوه هى من قدام لاهى انسيابيه زى القشقاى ولا مكعبلة كده زى الجيب هى حاجة ماتقدرش توصفها جايز ده ذوقى وده اختلاف اذواق