استفسار بخصوص تسجيل السيارة فى الشهر العقارى

**Abo-Yousef** · 15-07-2013 04:29 PM

السلام عليكم ورحمة الله وبركاته

كنت عاوز استفسر عن حاجة كده بخصوص تسجيل عربية 128 فى الشهر العقارى

دلوقتى عربيتى لما اشتريتها صاحبها الأصلى باعها لواحد بتوكيل والواحد ده باعها للواحد اللى انا اشتريتها منه بتوكيل واللى اشتريتها منه كان عاوز يبيعهالى برضو بتوكيل ... بس انا مرضتش ... وروحنا الشهر العقارى واشتريتها بعقد مسجل وده شكل العقد بس طبعاً مسحت منه البيانات كلها

السؤال بقى ... هل العقد ده ليه مده معينة وبعد كده بينتهى ؟؟؟؟؟؟؟؟؟؟ ولا ملوش مدة ومفتوح عادى

يعنى دلوقتى رخصة العربية مش بإسمى وبإسم صاحبها الأول وهتنتهى فى شهر 10 الجاى والعربية انا اشترتها فى شهر 5 وعاوز انقل ملكية وفى ناس قالتلى ان العقد ده كبيره شهر ويخلص فا بسببه ممكن اتسحل فى مشاوير تانى للشهر العقارى واخد اجازة من الشغل تانى !!!!!!!!!
انا دلوقتى يعتبر ماشى بتصريح لحد اما اجدد ومش عارف ايه الدنيا اللى جاية دى اعمل فيها ايه بالنسبة للتجديد ونقل الملكية عشان انا اول مرة اتحط فى المواقف دى .
معلش طولت عليكم .......

**Abo-Yousef** · 18-07-2013 09:35 PM

محدش عنده خلفية خالص ولا ايه ؟؟؟؟؟؟؟؟؟؟؟؟؟؟؟

**hossam_elwani** · 18-07-2013 09:46 PM

اول مره اسمع الكلام ده

العقد ملهوش مده

**Mr.Lawyer** · 19-07-2013 04:08 AM

مفيش حاجه اسمها مده انتهاء العقد المسجل لانه دائم وليس له مده محدده
يمكن حضرتك تقصد بالفتره اللى انت المفروض تنقل فيها الرخصه باسم بعد تسجيل عمليه الشراء ، المده دى شهر تنقل فيها الرخصه من اسم صاحب السياره الى اسمك
والاخوه الافاضل يفيدوك اكتر منى

**Abo-Yousef** · 19-07-2013 03:34 PM

طيب انا الرخصة لسة هتخلص فى شهر 10 ... اجدد قبل شهر 10 ولا استنى لما تخلص ؟؟؟

**salah_biso** · 24-07-2013 04:56 AM

بص ياكبير انا اعتقد انه ملهوش مده لاني لسه عامل عقد بيع مسجل باردو لشركه التأمين وهما اكيد علشان يبيعو العربيه هايخدو وقت فلو ليه مده معينه كانو هايقولولي هناك انه ليه مده

**s_shekabala** · 24-07-2013 10:46 AM

العقد لوانتا مضيت فية مكان المشترى
يبقى العقد مدتة شهر ولازم تنقل ملكية وترخص خلال شهر من تاريخ العقد
بالنسبة للرخصة الثلاثة اشهر اللى فى الضريبة بتاعت العربية هيفضلوا معاك عادى
طب لو منقلتش بعد شهر من التاريخ يبقى العقد لاغى ... لاء مش لاغى
بس هيحتاج منك مشوار الى الشهر العقارى تجديد العقد وهتدفع 10 جنيه تقريبا بدون وجود البائع ليك العربية

**Abo-Yousef** · 24-07-2013 11:09 AM

شكراً يارجالة عالردود الحلوة ... لا انا ممضتش على حاجة خالص فى الشهر العقارى انا كنت واقف بتفرج بس وخدو منى 65 جنيه رسوم تسجيل وخدت وصل وشكراً على كده ... والحمد لله انا كدة اتأكدت خلاص ان العقد ملهوش مدة خلاص يعنى مش هتسحل فى مشاوير ولا حاجة الحمد لله .
انا بس فى سؤال تانى معلش انا عارف انى بسأل كتير بس عشمان فيكم خير ان شاء الله
كنت عاوز اعرف ايه الاجراءات اللى هعملها وانا بنقل الملكية وبجدد الرخصة ... يعنى هنقل العربية من مرور شبرا لمرور حلوان وانقل ملكية العربية بإسمى .
كنت عاوز اعرف هبدأ بإيه واعمل ايه ؟؟؟

**reda elgohary** · 24-07-2013 11:28 AM

هتروح المرور الآصلى للسيارة هتجيب شهادة بيانات موجهة الى المرور الذي ستنقل اليه وهات شهادة مخالفات ثم المرور بتاعك هيوجهك لعمل فحص وشوية ورق وخلاص .

**reda elgohary** · 24-07-2013 11:30 AM

مبروك الرخصة والعربية وربنا يبارك لك .

الموضوع: استفسار بخصوص تسجيل السيارة فى الشهر العقارى

LinkBack

أدوات الموضوع

عرض

استفسار بخصوص تسجيل السيارة فى الشهر العقارى - انشر الموضوع فى :

-

-

-

المواضيع المتشابهه

تسجيل الشيفروليه كروز فى الشهر العقارى يتكلف كام

تسجيل فى الشهر العقارى

تسجيل كيا فى الشهر العقارى

تسجيل ارض فى الشهر العقارى

تكاليف تسجيل عقد بيع العربية كمام فى الشهر العقارى؟

الكلمات الدلالية لهذا الموضوع

المفضلات

المفضلات

ضوابط المشاركة