الموضوع: أرجو النصيحة بخصوص السفر للرياض

[QUOTE=mnelmasry;3875095457]

المشاركة الأصلية كتبت بواسطة deleto_2003

بالنسبة لرقم 1..البند دة عادي في كل العقود..عموما انت اول ما هتوصل هتنزل اما في فندق او سكن الشركة لمدة هتحددهالك الشركة وخلالها هتدور علي سكن ..ممكن تشوف زملائك وتسكن معاهم مؤقتا او تدور علي غرفة مستقلة وانصحك تسكن لوحدك حتي لو غرفة صغيرة مستقلة..وبالنسبة للايجار اغلب الشقق بتكون بال 6 شهور اما الغرف بتكون ممكن بالشهر بس عموما سكن العزاب في الرياض رخم شوية
البند 2..حاول بقدر الامكان يكون سكنك قريب بقدر الامكان من عملك لان المواصلات هنا عبارة عن تاكسيات وهتكلفك كتير لان اقل حاجة 10 ريال في مشوار بسيط..وبالنسبة للسييارة حضرتك لازم الاول تطلع رخصة سعودية..والافضل تعمل رخصة دولية من مصر ممكن بيها تاجر سيارة لو اقتضي الامر لحين صدور الاقامة وبعدها لا تستطيع القيادة بالدولية..وهات معاك رخصتك المصرية وهات معاك بطاقتك لانك هتحتاجها في حاجة تانية.
البند 3 ..الحراج هو سوق كبير للمستعمل وبرضة فية عفش جديد ودة ممكن تجيب منة غرفة نوم او انترية وفية ساعات حاجات لقط..وفية موقع علي النت ممكن كمان تجيب من خلالة هبقي اقولك علية
بس بلاش اجهزة كهربية من الحراج..
البند 4..انا لما جيت كانت الفيزا بمهنة اختصاصي تسويق وانا مهنتي بالبطاقة غير كدة فكان لازم اغير البطاقة واعمل باسبور جديد بالمهنة الجديدة..بس لفيت شوية ..بس انت لازم تتاكد من المكتب اللي انت مسافر من خلالة من النقطة دي..لاني اعتقد انها ضرورية ولازم المهنة بالجواز تكون مطابقة للتاشيرة علي حد علمي..
البند 5
اسعار الاجهزة لو جديدة ..غسالة هاف اتوماتيك من 400 وتلاجة متوسطة من 1200 وتليفزيون لو ال سي دي في من 900 بوتاجاز عادي في من 550 ودة الحد الادني للاسعار لان في اسعار لحدما انت عايز
البند 6
نصيحتي اجل شوية موضوع حضور الاسرة لغاية ما تستقر في سكن وتعرف البلد شوية وتستطيع تحويش شوية فلوس وعموما موضوع الاستقدام سهل مش صعب المهم تكون مهنتك تسمح بالاستقدام
واخيرا لو حضرتك مش هتسافر لغاية العيد يبقي ممكن نتواصل في مصر افضل حتي لو بالتليفون عشان اجيبلك من الاخر عشان في تفاصيل صغيرة في كل النقط اللي فاتت بس تفاصيل مهمة
واتمنالك التوفيق ويارب اكون قدرت افيد حضرتك حتي ولو بصورة مبدئية
تحياتي..

شكرا جزيلا علي المعلومات القيمة و تيجي بالسلامة علي العيد و أكيد هانتكلم مع بعض وقتها. أعتقد بسبب الاجراءات اللي انا لسة في اولها ان شاء الله السفر يكون بعد العيد. ياريت تديلي رقمك في مصر او البريد عشان نبقا نتكلم لما تنزل ان شاء الله. أنا أحمد من اسكندرية و انت؟

[QUOTE=deleto_2003;3875095508]

المشاركة الأصلية كتبت بواسطة mnelmasry

شكرا جزيلا علي المعلومات القيمة و تيجي بالسلامة علي العيد و أكيد هانتكلم مع بعض وقتها. أعتقد بسبب الاجراءات اللي انا لسة في اولها ان شاء الله السفر يكون بعد العيد. ياريت تديلي رقمك في مصر او البريد عشان نبقا نتكلم لما تنزل ان شاء الله. أنا أحمد من اسكندرية و انت؟

اخوك محمد من القاهرة
ورقمي 01118554021
بس هو دلوقتي مقفول وان شاء الله هيكون متاح من تالت يوم العيد ان شاء الله
واتشرف بسماع صوت حضرتك
وياريت تكتبلي رقمك
وكل عام وانت بخير

[QUOTE=mnelmasry;3875095515]

المشاركة الأصلية كتبت بواسطة deleto_2003

اخوك محمد من القاهرة
ورقمي 01118554021
بس هو دلوقتي مقفول وان شاء الله هيكون متاح من تالت يوم العيد ان شاء الله
واتشرف بسماع صوت حضرتك
وياريت تكتبلي رقمك
وكل عام وانت بخير

و انت طيب و بصحة و سعادة
تيجي بالسلامة. ممكن رقمك السعودي؟ و الشرف يكون ليا اكيد

[QUOTE=deleto_2003;3875095570]

المشاركة الأصلية كتبت بواسطة mnelmasry

و انت طيب و بصحة و سعادة
تيجي بالسلامة. ممكن رقمك السعودي؟ و الشرف يكون ليا اكيد

ازيك النهاردا يا جميل؟ أرجو كل شئ يكون تمام
انا بعتلك الموبايل بتاعي علي الخاص امبارح و هاستني تليفونك لما توصل بالسلامة.
بس انا ليا رجاء عندك ، بالنسبة لموضوع الباسبوور اللي قولتلي انك لفيت لفة شوية عشان تظبطه. أرجو انك تقدر ترد عليا فيها من دلوقتي عشان انا ماشي في تظبيط الاوراق لحد ما كل حاجة تكون تمام عشان متفاجئش بحاجة قبل السفر او هناك في الرياض ان شاء الله.
حاجة كمان هي الشركة اللي في الرياض كانت بتقول انها هاتبقا تعمل توكيل الكتورني لشركة في القاهرة عشان الاجراءات، المفروض الشركة دي تعمل ايه و هل مطلوب مني حاجة اعملها؟
شكرا يا صديقي

المشاركة الأصلية كتبت بواسطة dr.hazem

غرناطه والحمرا الايجارات فيها من 18 الف ريال وانت طالع
لانها منطقه جديدة والعمارات جديدة...
بدل السكن عادة ميقلش عن 18
عشان يكفي

البنزين ارخص من الميه
ممكن تشتري فيرنا او اكسنت 2005 هتبقى في حدود 8500 ريال

Sent from my Xperia Arc S using Forum Runner

Dr. Hazem
ازيك اليوم؟ أرجو تكون بخير
معلش كان ليا استفسار، ازاي اقدر اجيب عربية في الرياض؟ ايه الطرق يعني مثلا ايجار يومي شهر مش فاهم حاجة خالص عن الموضوع دا
الحاجة التاية لو عايز اجيب ياريس او سوناتا موديلات حديثة شوية يعني من 2010 لطالع ايه افضل طريقة؟
شكرا لوقتك. هو حضرتك ساكن فين في الرياض؟
شكرا لذوقك

[QUOTE=deleto_2003;3875095912]

المشاركة الأصلية كتبت بواسطة deleto_2003

ازيك النهاردا يا جميل؟ أرجو كل شئ يكون تمام
انا بعتلك الموبايل بتاعي علي الخاص امبارح و هاستني تليفونك لما توصل بالسلامة.
بس انا ليا رجاء عندك ، بالنسبة لموضوع الباسبوور اللي قولتلي انك لفيت لفة شوية عشان تظبطه. أرجو انك تقدر ترد عليا فيها من دلوقتي عشان انا ماشي في تظبيط الاوراق لحد ما كل حاجة تكون تمام عشان متفاجئش بحاجة قبل السفر او هناك في الرياض ان شاء الله.
حاجة كمان هي الشركة اللي في الرياض كانت بتقول انها هاتبقا تعمل توكيل الكتورني لشركة في القاهرة عشان الاجراءات، المفروض الشركة دي تعمل ايه و هل مطلوب مني حاجة اعملها؟
شكرا يا صديقي

السلام عليكم
يارب تكون بخير
بالنسبة لموضوع الباسبور..هقولك اللي حصل معايا
المكتب قالي ان التاشيرة بمهنة اختصاصي تسويق..وقاللي لازم الباسبور يكون بنفس المهنة..ومكانش معايا العقد الموثق..المهم لفيت شوية لقيت في ناس بتخلص موضوع تغيير المهنة دة وطبعا في البطاقة بس وانت بعد كدة بتعيش حياتك..المهم المكتب دلني علي واحدة بتخلص وكلكتها طلبت 800 جنية عشان البطاقة بس انا استكترتهم واتصرفت بمعرفتي وغيرت المهنة في البطاقة ثم عملت الباسبور..ودة مربط الفرس لان مكتب السفريات مش هيبتدي اجراءاتك الا بالباسبور لان بناءا علية بتطلع ورقة النت وبعد كدة الكشف الطبي ودة لفة برضة..وبعد كدة بتودي الباسبور وورق الكشف الطبي للمكتب وهو بعد كدة بياخد اجراءاتة ويتصل بيك لما التاشيرة تجهز وتروح تستلم جوازك..وبعدها يبلغك بميعاد السفر سواء الشركة هتحجزلك او انت هتحجز وتبقي تاخد تمن التذكرة في الرياض لما توصل..فكل الاجراءات اللي بتتم بتكون برقم الباسبور ..ولو طلب منك تغييرة يبقي غالبا الاجراءات هتتعاد لان ورقة النت اللي في الاول بتاعة القنصلية بتكون بناءا علية..وتتبعة باقي الاجراءات..عشان كدة لازم تستوضح جيدا النقطة دي من مكتب السفريات اللي انت مسافر من خلالة..وبالله التوفيق

[QUOTE=mnelmasry;3875096614]

المشاركة الأصلية كتبت بواسطة deleto_2003

السلام عليكم
يارب تكون بخير
بالنسبة لموضوع الباسبور..هقولك اللي حصل معايا
المكتب قالي ان التاشيرة بمهنة اختصاصي تسويق..وقاللي لازم الباسبور يكون بنفس المهنة..ومكانش معايا العقد الموثق..المهم لفيت شوية لقيت في ناس بتخلص موضوع تغيير المهنة دة وطبعا في البطاقة بس وانت بعد كدة بتعيش حياتك..المهم المكتب دلني علي واحدة بتخلص وكلكتها طلبت 800 جنية عشان البطاقة بس انا استكترتهم واتصرفت بمعرفتي وغيرت المهنة في البطاقة ثم عملت الباسبور..ودة مربط الفرس لان مكتب السفريات مش هيبتدي اجراءاتك الا بالباسبور لان بناءا علية بتطلع ورقة النت وبعد كدة الكشف الطبي ودة لفة برضة..وبعد كدة بتودي الباسبور وورق الكشف الطبي للمكتب وهو بعد كدة بياخد اجراءاتة ويتصل بيك لما التاشيرة تجهز وتروح تستلم جوازك..وبعدها يبلغك بميعاد السفر سواء الشركة هتحجزلك او انت هتحجز وتبقي تاخد تمن التذكرة في الرياض لما توصل..فكل الاجراءات اللي بتتم بتكون برقم الباسبور ..ولو طلب منك تغييرة يبقي غالبا الاجراءات هتتعاد لان ورقة النت اللي في الاول بتاعة القنصلية بتكون بناءا علية..وتتبعة باقي الاجراءات..عشان كدة لازم تستوضح جيدا النقطة دي من مكتب السفريات اللي انت مسافر من خلالة..وبالله التوفيق

أرجو تكون بخير و آسف لو بزعجك كل يوم. بص يا جميل، انا مش مسافر من خلال مكتب هنا هما الناس شافت السي في بتاعتي و بدأوا يكلموني. موضوع الباسبور دا مشكلته انا حاولت احلها بس للأسف منفعش اغير المهنة لدرجة اني طلبت من الشركة في الرياض تبعتلي نسخة من العقد بفيدكس و احاول اغير بيها بس للأسف منفعش عشان مكانش عليها تصديق الخارجية السعودية ولا القنصلية لمصرية في الرياض و من هنا قالولي ابعتلهم صورة الباسبور بتاعي زي ما هو دلوقتي و هايشوفوا ان نفع تطلع التأشيرة عليه. انت عارف هما لو بعتولي العقد علي التصديقات يبقا خلصت اقدر اعدل كل حاجة بيه بعد ما اختمه من الخارجية هنا و اروح اغير الرقم القومي و بعدين الباسبور. بس اللي قالقني هو ان لما ابعت صورة الباسبور زي ما هو دلوقتي هو بياخد اجراءات بيه هناك قلقي ان التأشيرة تكون واخدة رقم الباسبور دا و لما اغيره يكون رقم الباسبور مختلف. مش عارف لو روحت بالباسبورين مع بعض دا يحل المشكلة ولا لا. هايبان بس انا مشكلتي اني بفكر كتير و بحاول اخد خطوات قدام شوية عشان انجز و اخلص.
الحاجة التانية متعرفش ايه هي الطرق اللي يكون معايا بيها عربية في الرياض؟ انا عقدي مدته سنة و يا عالم هايتجدد ولا لا فمش عارف هل ادخل انظمة تقسيط ولا ااجر ازاي. عندك فكرة؟
شكرا ليك جدا
أحمد