استفسار بخصوص سجل مدني العباسية

**wkisho2005** · 15-07-2013 08:57 PM

سﻻم عليكم كل سنة وانتوا طيبين ياجماعة
عايز اعرف هو لو عايز اطلع شهادة ميﻻد لطفل مولود برة ﻻزم بيبقي فعﻻ من السجل المدني اللي في العباسية؟
ولو كدا فعﻻ حد عارف عنوان السجل المدني اللي في العباسية دا واروحه ازاي من اكتوبر؟؟
ويبقي كتر خيركوا

**أحمد كمال** · 15-07-2013 09:34 PM

هاحكيلك كل حاجة

انا عملت الموضوع من اوله لاخره

تجيب شهادة الميلاد من بلد الميلاد مختومة من السفارة المصرية هناك

لو عربي او انجليزي يبقى قشطة

اي لغة تانية لازم تترجمها من سفارة بلد الميلاد في مصر و تعتمد الترجمة من السفارة و الخارجية المصرية الاول

ممكن لحد قريب من الدرجة التالتة يسجل (انا سجلت ولاد اختي)

لو حضرتك الوالد هتاخد معاك بطاقتك و القسيمة (لاثبات العلاقة الزوجية) و الورق المذكور اعلاه

لو حضرتك مش الوالد (العم او الخال او الجد الخ الخ) هتاخد معاك شهادة ميلاد كمبيوتر للاب و الام (ممكن تطبعها هناك) و صور منها + الورق اعلاه كذلك

لو الطفل مش ساقط قيد بيتم التسجيل في خلال يوم او يومين

لو ساقط قيد (مر على ولادته بالخارج اكتر من ست شهور) بتاخد حوالي اسبوعين تلاتة

التسجيل بيتم بعدها تقدر تطبع الشهادة من اي سجل مدني في مصر كلها

لو محتاج تبعت الشهادة للخارج (لاستخراج اقامة للطفل على كفالة والده بالخارج مثلا) لازم تختمها من 1- ضابط الشؤون القانونية بالعباسية 2- الخارجية المصرية 3- سفارة الدولة اللي هتبعتها ليها (الخطوات الثلاثة بالترتيب 1 ثم 2 ثم 3)

**أحمد كمال** · 15-07-2013 09:37 PM

نسيت اقول لك العنوان

ميدان العباسية بجوار المحكمة

لو هتروح بعربية تاخد المحور و اخر شارع 26 يوليو هتخش يمين و تاخد يوتيرن و تركب كوبري اكتوبر و تنزل نزلة غمرة و تكمل لحد ميدان العباسية .....اركن مكان ما تقدر و توكل على الله ...... فيه جراج تحت الارض في الابراج اللي جنبه الساعة ب 3 جنيه تقريبا (مش فاكر بالظبط) .......

**أحمد كمال** · 15-07-2013 09:38 PM

اذا تعذر ختم الشهادة من السفارة المصرية ببلد الميلاد

يبقى الحل انك تحاول تختمها من سفارة بلد الميلاد في مصر ثم الخارجية المصرية

و لو ان احيانا بعض سفارات الدول بترفض ختم الورق بدون ما يكون مختوم من خارجيتها في بلدها الاول ...... و بعضها مش ييرفض انت و حظك

**أحمد كمال** · 15-07-2013 11:38 PM

هي مولودة فين؟ و امتى؟ و الشهادة اللي معاك مختومة من السفارة المصرية و لا لأ؟

**أحمد كمال** · 16-07-2013 12:30 AM

المشاركة الأصلية كتبت بواسطة wkisho2005

هي مولودة في الامارات والشهادة الليرطلعوها من هناك بتاريخ 30-6 ومختومة من السفارة هناك

بص يا باشا انا هاجيب لك الزتونة

1- بطاقتك و صورة منها
2- قسيمة الزواج الكمبيوتر بتاعة اختك و زوجها و صور منها
3- شهادة ميلاد اختك و زوجها و صور منهم
4- شهادة الميلاد محتومة من السفارة المصرية او القنصلية المصرية في الامارات (لازم الاصل ما ينفعش صور)

رقم 2 و 3 تقدر تطبعهم من اي سجل مدني سواء العباسية او غير العباسية بصفتك قريب حتى الدرجة الرابعة (من حقك تطبع قسيمة اختك و شهادة ميلادها و كذلك جوز اختك)

هتروح العباسية تقدم الكلام ده كله للتسجيل

التسجيل هياخد حوالي 3-4 ايام

بعدها تقدر تطبعها من اي مكان في مصر زي ما قلت لك

دلوقتي اختك و جوزها في الامارات هيحتاجوا يطلعوا باسبور للبنت و يعملوا لها اقامة على كفالة جوز اختك

و ده محتاج الشهادة تكون موثقة

لتوثيق الشهادة قدامك حل من اتنين (و ده بعد الطباعة و ليس قبل)

الحل الاول:

1- ختم من ضابط الشؤون القانونية بالاحوال المدنية بالعباسية

2- ختم من الخارجية المصرية (اي مكتب تصديقات فيه عندك واحد في احمد عرابي في المهندسين)

3- ختم من سفارة الامارات بشارع البحر الاعظم امام مكتب تريانون

4- ختم من الخارجية الاماراتية (بالامارات) لما اختك و جوزها يوصلهم اصل الشهادة منك يختموها من الخارجية الاماراتية

الحل الثاني :

1- ختم من ضابط الشؤون القانونية بالاحوال المدنية بالعباسية

2- ختم من الخارجية المصرية (اي مكتب تصديقات فيه عندك واحد في احمد عرابي في المهندسين)

3- ختم من السفارة المصرية بالامارات او القنصلية المصرية بالامارات (لما يستلموها اختك و جوزها)

4- ختم من الخارجية الاماراتية (بالامارات) لما اختك و جوزها يوصلهم اصل الشهادة منك يختموها من الخارجية الاماراتية

التوثيق غير ضروري لاستخراج جواز سفر للبنت من السفارة او القنصلية المصرية بالامارات

و لكن التوثيق لزما و حتما و ما ينفعش بتاتا من غيره يعملوا لها اقامة

و حاول تنجز لان المهلة 120 يوم من ولادة البنت لو ما طلعولهاش جواز و اقامة هيتخالفوا

و خلي بالك ان الباسبور من الامارات بياخد من شهر لشهرين عشان يطلع

و ربنا يخلي لك بنت اختك و يجعلك دايما فاعل خير لاختك و جوزها و بنتها يا رب

**أحمد كمال** · 16-07-2013 12:50 AM

من العباسية او من اي سجل مدني

و مش لازم تاحد معاك شهادة ميلاد اختك حتى

بالاسم

و مادام معاه بطاقة رقم قومي يبقى بياناته مدرجة في كمبيوتر الرقم القومي يبقى ليه شهادة ميلاد مميكنة عالسيستم قابلة للطباعة من اي مكان في مصر سواء ليه او لقريب من الدرجة الرابعة او لواحد معاه توكيل منه

-

-

-

الموضوع: استفسار بخصوص سجل مدني العباسية

LinkBack

أدوات الموضوع

عرض

استفسار بخصوص سجل مدني العباسية - انشر الموضوع فى :

-

-

-

-

-

-

المواضيع المتشابهه

عصيان مدني في السويس

سجل مدني العباسية

كيف أذهب إلى سجل مدني الوايلي؟!

الكلمات الدلالية لهذا الموضوع

المفضلات

المفضلات

ضوابط المشاركة